Description

आजही तो कॉलेजचा 10 जानेवारी २०१०चा काळा दिवस म्हणजे " रक्तकांड " दिवस आठवतो. तेव्हा हातापायाचा थरकाप होतो. त्या घटनेला आज दहा वर्ष झाली. तरी ती घटना काल झाल्यासारखी वाटते. मी वंदना आणि रुपेश जोडीने वकील झालो. आज आम्ही दोघेही नामांकित वकील आहोत. परंतु हा कसाकाय योगायोग आहे कि दोन दिवसांपूर्वी रूपाने आपल्याच हाताने आपल्या चेहऱ्यावर काचेच्या तुकड्याने वार करून आत्महत्या करण्याचा प्रयत्न केला. परंतु आरोप आला रुपेश वर. आज रुपेश तुरुंगात आहे. रुपेशने मला वकिल करून त्याची केस माझ्या हातात सोपवली आहे. मला रुपेशच्या बाजूने केस जिंकायची आहे. रुपेशला न्याय मिळवून द्यायचा आहे. परंतु आज माझ्यापुढे मोठा प्रश्न उभा राहिला आहे कि मी काय करू---? रूपा याविषयी काहीच बोलायला तयार नाही. मी रुपेशला न्याय देऊ कि रूपाचा हत्यारा रुपेश म्हणून रुपाला न्याय देऊ---? "----दोघेही माझे कॉलेज दोस्त आहेत. रुपेशकडून सत्य परिस्थिती समजून घेत नाही तोपर्यंत काहीच निर्णय घेता येत नाही. रूपा सुद्धा हॉस्पिटलमध्ये ऍडमिट आहे. मी रुपाकडून झालेल्या " रक्त कांड " घटनेच्या वेळी गावी गेले होते. म्हणून त्यावेळी रूपाच्या हातून वाचले गेले. नाहीतर आज मी सुद्धा कदाचित स्मिता सारखी या जगात जिवंत राहिले नसते-----कारण म्हणजे रूपाने आपल्या झालेल्या पराभवामुळे अहंकाराच्या अधीन जाऊन जी मुलगी दिसेल तिच्यावर काचेच्या तुकड्याने त्यांच्या चेहऱ्यावर सपासप असे वार करून त्यांना घायाळ केले होते.