16 ઇર્ષા
એક નઝર કભી હમેં દેખ લિયા ,
યે હવાઓ કા રસ્તા મોડ દિયા ..
અદભુત ગઝલનાં શબ્દો હવામાં રેલાઈ રહયા હતા .એ.સી.પી .સૂજ્મસિંગ કિનલ સાથે પ્રોગ્રામનો આનંદ લઇ રહ્યો હતો.ઈન્ટરવલમાં ફ્રેન્ડ્સ સાથે વાત કરી રહ્યો હતો .બઘા એને સૉલ્વ કરેલા કેસ વિશે અભિનંદન આપી જાત જાતનાં પ્રશ્નો પૂછી રહયા હતાં.અને ફરી પ્રોગ્રામ શરુ થયાની થોડી વારમાં ગીરીરાજનો મેસૅજ આવ્યો અને બહાર નીકળી ફરી ફોન કર્યો.
'સર,આજે રાત્રે 9-15 એ પોતાની ઓફિસેમાંથી બહાર નીકળી ટર્ન લેતાંજ કારમાં 'વિઝ્યુઅલ ગાઈડ 'નામની ટ્રાવેલ કંપનીનાં ઓનર ત્રિશુલ આનંદને ગોળી મારી દેવામાં આવી છે અને હોસ્પિટલ લઇ જતાં મૃત્યુ થયું છે .એમની સાથે એમનો સાળો રિતવ પણ હતો .એને પણ હાથમાં થોડું વાગ્યું છે .રોજ નીકળતાં ટર્નિગ પરથી પાન લેતા હોય છે ત્યાં જ એમને ગોળી મારવામાં આવી .'
'ઓકે ,હું પહોંચું છું ,તું જરૂરી મેસેજ જલ્દીથી સ્પ્રેડ કરી દે અને પ્રોફેશનલ કિલર ગેંગના લિસ્ટની પણ તપાસ કરવા ઓફિસમાં કહી દે .કોમ્પ્યુટર પર રેડી છે .'
સુજમે ફરીથી અંદર આવી ફ્રેન્ડ્સ જોડે કિનલને ઘરે પહોંચી જવાની સૂચના આપી સીધો સ્થળ પર પહોંચી કારનું ઇન્વેસ્ટિગેશન શરુ કર્યું .
ઇન્સ.ગિરીરાજ અને ઇન્સ. સારિકાએ હોસ્પિટલમાં ફેમિલીના સ્ટેટમેન્ટ લીધા અને બીજે દિવસે સવારે ફરી એનાં સાળા રિતવને ઈન્કવાયરી માટે બોલાવ્યો .
'હેલો ,ગુડ મોર્નિંગ સર,કહેતાં રિતવ કેબિનમાં દાખલ થયો .
ગઈકાલ કરતા ઘણો ફ્રેશ લાગી રહ્યો હતો .
'ગુડ મોર્નિંગ ,નસીબદાર કહેવાવ તમે ગઈકાલનાં થયેલા હુમલામાં બચી ગયા .હવે તમે મને એક્ઝેટ જે થયું તે જણાવો .
'સર ,હું તો હમણાં 6-7 મહિનાથી મારા શહેરની જમીન સેલ કરીને અહીં ફેમિલી સાથે સેટ થવા આવ્યો છું .અને જીજાજી સાથે એટલેકે ત્રિશુલ આનંદજી સાથે કોઈ પ્લોટ શોધી નાનો પ્રોજેક્ટ શરુ કરવાનો વિચાર હતો એટલે ઓફિસ પર બેસતો હતો . જીજાજીની પણ એક જમીન સેલ થવાની હતી અને બધી તૈયારી થઇ ગઇ હતી .એમની જમીન જોઈન્ટ ફેમિલીની હતી અને એમનાં ભાઈની પૈસા પોતાનાં પ્રોજેક્ટમાં ઈન્વેસ્ટ કરે એવી ઈચ્છા હતી .હું હમણાં મારા જીજાજીનાં જુના ફ્લેટમાં રહુ છું .અને થોડું સેટ થયા પછી નવું ઘર લેવાનો હતો .અમે સાંજે લગભગ સાથે જ નીકળીએ અને પછી રસ્તેથી હું મારા ઘરે જતો રહું.ગઈકાલે રાત્રે અમે નીકળયા ને રોજની જેમ પાન લેવા કોર્નર પરની શોપ પાસે અચાનક બે -ત્રણ વ્યક્તિ બાઈક પર આવ્યા અને અમે પાછળ બેઠેલા ને ગોળીઓ ચલાવી .જીજાજી તો તરત જ ઢળી પડયા.અને મને હાથમાં વાગ્યું .હું ખાસ જોઈ નહિ શક્યો .ફેસ પર માસ્ક પહેરેલા અને બાઈકનાં નંબર ડ્રાઇવરને પણ ખ્યાલ નથી સ્ટ્રીટ લાઈટમાં ખબર પડે એવું નહોતું .'
'તમને તો ત્રિશુલ આનંદની બધી વાતો ખબર હશે કોઈ દુશ્મનો કે એવું કઈ ?'
'આમતો એવો કઈ ક્યાલ નથી ,પણ એમની ડોટરની કોલેજમાંથી એક યુવક એને બીભત્સ મેસૅજ મોકલતો હતો .એની કમ્પલેન કરી હતી અને પછી જોઈ લેવાની ધમકી આપી હતી .એ છોકરાનાં ફાધર કોઈ મોટી પોસ્ટ પર છે અને એકદમ ખરાબ ગ્રુપ છે .'
'ઓકે ,જેવું કઈ ખબર પડે એટલે જણાવીએ અને તમે પણ એલર્ટ રહી કઈ બીજું ધ્યાનમાં હોય તો જણાવજો .'
ઘરના બાકીના મેમ્બરોનાં સ્ટેટમેન્ટ વગેરે જોતા નાનો ભાઈ એ દિવસે બહારગામ ગયો હતો .
અને સૂજ્મસિંગે ગિરિરાજને બધા પર નજર રાખવાનું કહ્યું .એટલામાં ઇન્સ.સારિકાએ આવીને
'સર,ત્રિશુલ આનંદના સાળા રિતવની માહિતી આવી ગઈ છે .એણે એનાં શહેરમાં ઘણું દેવું કરી નાખ્યું હતું એમાં પણ ત્રિશુલ આનંદે ઘણી મદદ કરી હતી .અને એના બે બાળકો ને વાઈફ ને લઇ અહીં આવી ગયો છે .જમીન વેચાઈ એના પૈસા પણ એના ફેમિલીએ ત્રિશુલ સાથે રોકવા માટેજ આપ્યા હતા .અને આ બધાથી ત્રિશુલનાં ભાઈઓ બહુ નારાજ હતા .અને ત્રિશૂલની દીકરીની હેરાનગતિવાળી વાત સાચી છે પણ હવે તો એ વાતને એક વર્ષ થઇ ગયું છે .'
અને બીજે દિવસે ઓફિસમાં હતો ને બાતમીદારનો ફોન હતો .સુજમે કહ્યું ,
'તું તરત એને ફોલો કર અને એડ્રેસ સેન્ડ કર.સુજમે રસ્તામાં ગિરિરાજ ને કહ્યું બે છોકરાઓ ત્રિશુલનાં નાના ભાઈ નીશુલ આનંદ સાથે એક મોલમાં કોફી શોપમાં બેસી વાત કરતા હતા અને કંઈ પેકેટ જેવું આપ્યું .પૈસા હોય એવુજ લાગે છે .આપણે એનું એડ્રેસ્સ આવી ગયું છે ત્યાંજ પહોંચીયે છે .'
અને ઘરમાં દાખલ થતા પેલા બંને છોકરા ટીમને જોઈને ગભરાઈને ભાગવા જતા હતા .એનો અર્થ સ્પષ્ટ થઇ ગયો હતો અને સૂજ્મસિંગે સખત પૂછપરછ કરતા નિશુલે પોતાના મોટાભાઈ ત્રિશુલ આનંદ અને એનાં સાળાની હત્યા માટે કોન્ટ્રેક્ટ આપ્યો હતો .
તરતજ નિશુલ આનંદને અરેસ્ટ કર્યો .
પ્રોપર્ટી અને ખુબ મોટી રકમ પોતાનાં હાથમાંથી જતી રહે એની ઈર્ષામાં આ કૃત્યા કર્યું હોવાનું કબુલ્યું .
અને ....સૂજ્મસિંગ ફોન પર ઉપરીને માહિતી આપતા એકદમ આનંદ વ્યક્ત કર્યો .સર ,આપણાં ખબરીઓ પણ એકદમ એલર્ટ છે ઘણો ફાસ્ટ કેસ સૉલ્વ થઇ ગયો .સામાજિક સંબંધોમાં પૈસા ને લીધે ગુનાખોરીના કેસ એકદમ વધતા જાય છે .
અને ઘરે નીકળતા કારમાં કિનલે મોકલેલી ગઝલનાં પ્રોગ્રામની સી.ડી સાંભળી રહ્યો .
મનીષા જોબન દેસાઈ
