વિદેશી કહેવતો
કહેવતો પતંગિયા જેવી સુંદર છતાં ચંચળ હોય છે , કેટલીક પકડાઈ જાય છે તો કેટલીક છટકી જાય છે -રશિયા
જે મધમાખીઓના મુખમાં મધ હોય છે તેમની પુછડીએ ડંખ જરૂર હોય છે.
-ઇંગ્લેન્ડ
જો તમે નાણાં ઉધાર આપો છો તો કા તો એ નાણાં ગુમાવો છો અથવા નવો શત્રુ મેળવો છો.
-આલ્બેનિયા
ભૂખ્યા માણસને એક માછલી આપવાથી તમે તેનો એક દિવસનો ખોરાક આપી શકશો પણ જો તેને માછલી પકડતા શીખવાડશો તો આખી જિંદગીનો ખોરાક આપી શકશો.
- ચીન
જગતમાં કોઈ અમીર પાસે એટલું મોટું મહાલય નથી હોતું કે તેને કોઈ પાડોશી જ ના હોય.
- સ્વીડન
તમે જ નિહાળો છો તેમાંથી અડધુંજ સાચું માનો અને જ સાંભળો છો તેમાંથી કશું સાચું ના માનો.
-ક્યુબા
ગરીબી દરવાજે આવે છે ત્યારે પ્રેમ બારીમાંથી ભાગી જાય છે.
- ઇંગ્લેન્ડ
જે રસ્તો સૌથી વધુ ઘસાયેલો હશે એ સૌથી વધુ સલામત હશે.
- ચેકોસ્લોવેકિયા
અવારનવાર માણસને પોતાનું દુર્ભાગ્ય એ જ રસ્તે મળી જાય છે જ રસ્તો તેણે દુર્ભાગ્યથી પીછો છોડાવા પસંદ કર્યો હોય છે.
- ફ્રાન્સ
જયારે પૈસો બોલે છે ત્યારે સત્ય ચૂપ થઇ જાય છે.
- રશિયા
જે પુસ્તક વાંચવા માટે ક્યારેય ખોલવામાં નથી આવતું એ માત્ર કાગળોનો ઢગલો જ છે.
- પોલેન્ડ
કોઈ ઝાઝા બધા લફડાંઓને એકસાથે સંભાળવા જાય તો જાળ વિના માછલી પકડતા માછીમાર જેવી તેની હાલત થાય છે. એકને સંભાળે ત્યાં બીજી ઉછાળો મારે!
- ચીન
ધીરજ આનંદની ચાવી છે અને ઉતાવળ શોકની ચાવી છે.
- અલ્બેનિયા
સ્ત્રીના આભૂષણો તેના પતિએ શાંતિ માટે ચુકવેલી કિંમત છે.
- આફ્રિકા
જયારે તમે કોઈને ક્ષમા આપો છો ત્યારે તમારી જાત મજબૂત કરો છો અને તેની જાતને નબળી બનાવો છો.
- અમેરિકા
જમીન પર મોં ભેર પછડાયેલો માણસ માત્ર ઉભા થવાના જ પ્રયત્નો કરી શકે કારણ કે તે વધુ નીચે પતન પામી શકે તેમ નથી.
- ઇટાલી
શુદ્ધ અંતરાત્મા કરતા વધુ આરામદાયક ઓશીકું બીજું એક પણ નથી.
- ફ્રાન્સ
જે પોતાની જાત ને સમાજની સફાઈ માટે સાવરણી બનાવે તેણે ધૂળની ફરિયાદ ના કરવી જોઈએ.
- જર્મની
સંપત્તિ જેટલા સુખો આપે છે તેથી વધુ એ વસુલ કરે છે.
- ચીન
જે કશું જ ઈચ્છતો નથી એ સર્વાધિક શ્રીમંત છે જે બધું જ ઈચ્છે છે એ સર્વાધિક ગરીબ છે.
- ગ્રીસ
કીડી પણ છ ફૂટ ઊંચી હોય શકે જો તેના ખુદના માપદંડથી માપોતો.
- સર્બિયા
તમે ઉદાસીના પંખીને તમારા માથે ચકરાવો લેતા રોકી શકતા નથી પણ તેને તમારા મસ્તક પાર માળો બાંધતા જરૂર રોકી શકો છો.
- ચીન
જે ગુના જાહેરમાં આચરવામાં આવે છે તેને હળવાશથી લેવાય છે .- ઇટાલી
સારી વસ્તુઓ શોધવી પડે છે અને ખરાબ વસ્તુઓ મળી જાય છે.
- એસ્ટોનીયા
સજાથી કદાચ એક ખોટો માણસ સાચો નહીં બને પણ સો સાચા માણસો ખોટા બનતા અટકશે.
- અરબસ્તાન
ગુસ્સાની એક ક્ષણ પર જો તમે નિયંત્રણ રાખી શકો તો પસ્તાવાના સો દિવસો બચાવી શકો.
- યુગોસ્લાવિયા
ડાહ્યો માણસ બીજાની ભૂલોમાંથી શીખે છે અને મૂરખ માણસ પોતાની ભૂલોમાંથી.
- ઇટાલી
મૌન માનવી હંમેશા સાંભળવા લાયક હોય છે.
- જાપાન
જે પાસા પકડતા જ ડરે છે તે ક્યારેય રમત જીતતો નથી.
- તિબેટ
પશ્ચાતાપ કરનાર એક પાપી પ્રલોભનને તાબે ન થનાર દસ સંતો કરતાંય વધુ ચડિયાતો છે.
- રશિયા
વાદળાઓ હંમેશા વરસાદની એંધાણી આપે તેવું નાતની પણ ધુમાડો હંમેશા આગની જ ચેતવણી આપે છે.
- આફ્રિકા
મિસ્ટાન્ન અને મહેનત બંને ત્રણ દિવસ પછી ઝેર બની જાય છે.
- સ્કોટલેન્ડ
સીડી ચડવા માટે તમારે નીચલું પગથિયું પેલા ચડવું પડશે.
- જર્મની
દુનિયામાં ખરેખર સુખી મનુષ્ય એ છે જે પોતાની જાતને સુખી મને છે.
- ફ્રાન્સ
માળામાં રહેલા બે પક્ષી કરતા હાથમાં રહેલું એક પક્ષી વધારે ઉપયોગી છે.
- આયર્લેન્ડ
હૃદય પાસે એવું કોઈ રહસ્ય છુપાયેલું નથી જે વર્તન દ્વારા પ્રગટ થતું ન હોય.
- સ્પેન
હજારો વર્ષોની પ્રતિષ્ઠ એક જ કલાકની વર્તણુક દ્વારા ધૂળધાણી થઇ શકે છે.
- જાપાન
આંસુને પણ પોતાની ભાષા હોય છે પરંતુ જે રડે છે તે જ તેને સમજી શકે છે.
- આર્મેનિયા
અશ્રુઓના વરસાદમાં જ સમજણની ફસલ પાકે છે.
- ચીન
જો તમે તમારા ચેહરા પર હસો છો તો તમે ઈશ્વર પર હસો છો , જો તમે મારા વસ્ત્રો પર હસો છો તો તમે મારા દરજી પર હસો છો પણ જો તમે મારા કર્તવ્ય પર હસો છો તો તમે મારા પર હસો છો.
- એસ્ટોનીયા
તમારી ટોપલી એટલી ઊંચી ન ટાંગો કે તમારે ત્યાં પહોંચવા માટે કુદકા લગાવવા પડે.
- બહામા
તાજમાં એક હીરો વધુ ઉમેરાય એ કરતા પેટમાં એક ટુકડો રોટી વધુ ઉમેરાય એ અગત્યનું છે.
- સ્વીડન
જયારે પાપ ભુલાઈ જાય ત્યારે ક્ષમા આપવી સહેલી છે.
- અરબસ્તાન
ઘણાને સખત પરિશ્રમનું ફળ મળતું નથી કારણ કે એક કેરી માટે તેઓ આખો આંબો ઉગાડવાની મહેનત કરતા હોય છે.
- ડેન્માર્ક
જયારે ઓકનું પ્રચંડ વૃક્ષ ધરાશાયી થાય છે ત્યારે બધા જ લાકડા ચોરવા પહોંચી જાય છે.
- સર્બિયા
લીલું ઝાડ પાડવા મહેનત કરવી પડે છે સૂકું ઝાડ આપમેળે પડે છે.
- પેરુ
છેલ્લે હસનાર જ હસવાનો ખરો હકદાર છે.
- ઇંગ્લેન્ડ
જ્યાં સુધી હું પગ વિનાના એક વિકલાંગને નહોતો મળ્યો ત્યાં સુધી હું મારી પાસે જૂતા ના હોવા બદલ દુઃખી હતો.
- ઈરાન
જે લડાઈ લડવાના નથી આવી એ સૌથી કરુણ પરાજય છે.
- ફ્રાન્સ
તમારો શ્રેષ્ઠતમ મિત્ર અને કનિષ્ઠતમ શત્રુ તમારી જ જાતમાં છુપાયેલો છે.
- ઇંગ્લેન્ડ
સલાહ આપવી સારી વાત છે પણ એથીયે વધુ સારી વાત ઉપાય આપવો તે છે.
- તુર્કસ્તાન
જો તમે વૃદ્ધ હો તો સલાહ આપો જો તમે યુવાન હો તો સલાહ આપવી પડે તેવો મોકો ના આપો.
- ચીન
સંસારમાં પૈસાદાર માણસ સદાય શાણો અને રૂપાળો જ હોય છે.
- જર્મની
અસવાર ઘોડા પાર ચડીને ઘોડેસવારી કરતા શીખે એટલું પૂરતું નથી તેને ઘોડા પરથી ઉતરતા પણ આવડવું જોઈએ.
- મેક્સિકો
જે માણસને ઘેર કોઈ મહેમાન ના આવતા હોય તેને પોતાના પર્યટનમાં કોઈ યજમાન પણ મળતા નથી.
- તાઇવાન
દરેક જાત્રાળુ કઈ સંત નથી બનતો.
- ડેનમાર્ક
આત્મજ્ઞાન એ આત્મવિકાસનો પ્રારંભ છે.
- ફ્રાન્સ
જાત પર મેળવેલો વિજય સર્વશ્રેષ્ઠ વિજય છે.
- ગ્રીસ
સત્ય માણસને ગમે ત્યાં લઇ જઈ શકે જેલમાં પણ.
- પોલેન્ડ
જે બીજાના વસ્ત્રોમાં પોતાની જાત ઘુસાડે છે તે બહુ જલ્દી નગ્ન થઇ જાય છે.
- બલ્ગેરિયા
સૈનિકો લડે છે અને રાજાઓ વિજેતા જાહેર થાય છે.
- ઇઝરાયલ
જે લડાઈ કરીને ભાગી છૂટે છે તેણે બીજા કોઈ દિવસે અધૂરી લડાઈ પુરી કરવી પડે છે.
- ફિનલેન્ડ
સંબંધીઓ અને સૂરજથી જેટલું વધુ અંતર રહે તેટલું સારું.
- મેક્સિકો
પ્રતિષ્ઠ એટલે નબળાઈને ઢાંકી દેવા વપરાતો નકાબ.
- ઇઝરાયલ
જેણે ઉઘાડા પગે ચાલવાનું છે તેણે કાંટા વાવવા ન જોઈએ.
- સ્કોટલેન્ડ
ઝાડીઝાંખરામાં કોઈ માનવી કારણ વિના દોડતો નથી કા તો એ સાપનો પીછો કરે છે અથવા સાપ તેનો પીછો કરે છે.
- નાઈજીરિયા
માણસ ક્રોધમાં હોય ત્યારે હંમેશા સત્ય બોલે છે.
- અમેરિકા
કોઈના પતન પર ક્યારેય હસવું નહિ જીવનના તમામ માર્ગો લપસણા હોય છે.
- રશિયા
ખોટા સિક્કાને પણ બે બાજુઓ હોય છે.
- ચીન
ભયંકર ભરતી પછી પણ ઓટ આવે જ છે.
- યુગોસ્લાવિયા
હા અને ના એવા ટચુકડા શબ્દો છે જે ધરખમ ચીજોનું સર્જન કરી શકે છે.
- જર્મની
તમારા પગ કરતા તમારા જૂતા વધુ ઝડપે દોડે નાગી તેની કાળજી લેજો.
- આયર્લેન્ડ
માંસ તો ઘણા જળચરો ખાય છે પણ માત્ર શાર્કને ફાળે જ અપયશ આવે છે.
- જમૈકા
પોતાનો જોડો જ હંમેશા ડંખે છે.
- ડેનમાર્ક
જાહેર સેવાઓ જુના દેવા સમાન છે બંનેમાં વળતર ભાગ્યે જ વળે છે.
- સ્પેન
સાપ કરડવાનો ફાયદો એ છે કે પછી કીડીના ચટકાનો ભય રહેતો નથી.
- સુદાન
માણસ જે કરતા નથી ગભરાતો તે કહેતા ગભરાય છે.
- નોર્વે
ખાલી પાકીટ હોય તો માર્કેટમાંથી ઝડપભેર પસાર થઇ શકાય છે.
- ઇંગ્લેન્ડ
રસ્તા પરની સૌથી વજનદાર ચીજ ખિસ્સામાં રહેલું ખાલી પાકીટ છે.
- ચીન
બિલાડીને જો સતત પુરી રાખવામાં આવે તો એ સિંહ બની જાય છે.
- હોલૅન્ડ
જો કેડી પણ નજર સામે હોય તો દૂરનો રાજમાર્ગ મૂકી તેના પાર દોડવાનું શરુ કરી દો .
- હંગેરી
કરોળિયો માત્ર
માખી માટે જ જળ ગૂંથતો નથી.
- ચેકોસ્લોવેકિયા
જે મારી પ્રશંસા કરે છે એ મારા શુભેચ્છક છે અને જે મારા દોષ બતાવી મને ટપારે છે એ મારા શિક્ષકો છે.
- ચીન
જ્ઞાનનો ફેલાવો થઇ શકે છે ડહાપણનો નહિ.
- ભારતીય સંસ્કૃત સુભાષિત