❤️❤️❤️❤️❤️❤️❤️❤️
મમતા :૨ ભાગ :૧૦૩
💐💐💐💐💐💐💐💐
(પ્રેમ હવે પિતાનું દુઃખ ભૂલી થોડો હળવો થયો. પરીએ પણ તેને સાથ આપ્યો હવે આગળ......)
"કૃષ્ણ વિલા" બંગલામાં કાનાની આરતી થતી હતી. મંથને ઘરે આવી બધી જ વાત મોક્ષા અને શારદાબાને કરી. બધાં જ ડાઇનિંગ ટેબલ પર ગોઠવાઈ ગયા. નાસ્તો કરતાં કરતાં મોક્ષા બોલી.
મોક્ષા :" મારી તબિયત હવે સારી છે. હું વિચારૂ છું કે આજે રાત્રે મુંબઈ સાધનાબેનને મળી આવું તો તેમને સારૂં લાગશે. "
શારદાબા :" હા, તારી વાત સાચી છે. તારે જવું જ જોઈએ."
મંથન :" હા, જઈ આવ. "
પરી આજ સવારે થોડી વહેલી જ ઉઠી હતી. આજે તેનું રિઝલ્ટ હતું. તો થોડી એક્સાઇટિંગ હતી. તે એશા સાથે વહેલી જ કોલેજ જવા નીકળી. કોલેજ પહોંચ્યા તો પ્રેમ અને બધાં મિત્રો હાથમાં ફૂલોનો ગુલદસ્તો અને ચોકલેટ લઇ ઉભા હતાં. પરી તે જોઈ બોલી.
પરી :" શું થયું ? વાહ, તૈયારી જોરદાર હો ! "
પ્રેમ :" અરે ! તું સાંભળીશ તો ઉછળી પડીશ એવાં સમાચાર છે".
પરી :" એમ ! શું? છે ? બોલ..."
પ્રેમ :" પરી, તું અહીની મોસ્ટ ફેમસ રિલાયન્સ કેપિટલમાં સિલેક્ટ થઈ ગઈ."
પરી :" ઓહ! એમ !"
પ્રેમ પરીને ગળે લગાવી અભિનંદન આપે છે.
પરી :" અને તું ?"
પ્રેમ :" મારૂ પણ ત્યાં જ ડિયર "
પરી :" એમ, "
પરી તો ખુશીથી નાચી ઉઠી. તે તો પ્રેમને ગળે લગાવી કિસ કરી.
એશા :" ઓ, ડિયર આ કોલેજ છે હો !"
અને પરી શરમાઈને છૂટી પડી. બધાં જ સેલિબ્રેશન કરવાં બે લેકચર ભરી આજ હોટલમાં જવાનો પ્લાન કર્યો. પરીએ કહ્યું આજ પાર્ટી મારા તરફથી.
પ્રેમ, પરી એશા અને બધાં જ મિત્રો હોટલ " Moon Light " માં લંચ માટે આવ્યાં. સાથે કેક પણ મંગાવી. બધાં એ સાથે મળીને કેક કાપી આનંદથી લંચ એન્જોય કર્યું. ઘણાં સમય પછી પ્રેમનાં ચહેરા પર ખુશી દેખાણી. એ જોઈ પરી પણ ખુશ થઈ ગઈ.
પરી સાઈડમાં જાય છે અને મોક્ષાને કોલ કરે છે.
પરી :" હાય, મોમ ગેસ કરો એક સરસ સમાચાર આપું ."
મોક્ષા :" એમ !, શું ? તું બોલ ."
પરી :" મોમ, કાલે અમારી કોલેજમાં પ્લેસમેન્ટ હતું. અને મને અહીંની રિલાયન્સ કેપિટલમાં સારી પોસ્ટ પર જોબ મળી ગઈ છે. અને પ્રેમને પણ..."
મોક્ષા :" એમ, ગુડ " Congratulations ડિયર ... પ્રેમને પણ મારા તરફથી અભિનંદન આપજે. અને સાંભળ, હું આજે સાંજની ફલાઈટમાં મુંબઈ આવું છું. "
પરી :" એમ, સરસ મોમ તો હું પ્રેમ સાથે તેનાં ઘરે જ જાઉં. ઓકે "
મોક્ષા :" ઓકે, બાય સી. યુ સુન બેટા ."(ક્રમશ:)
(દુઃખ પછી ખુશીનાં સમાચાર મળતાં પરી અને પ્રેમ બંને ખુશ હતાં. હવે આગળ....)
❤️❤️❤️❤️❤️❤️❤️❤️
મમતા :૨ ભાગ :૧૦૪
💐💐💐💐💐💐💐💐
(પરી આજે ખુશ હતી. કારણ કે તેનું પ્લેસમેન્ટ થયું હતું. વળી મોક્ષા પણ મુંબઈ આવતી હોય પરી વધારે ખુશ હતી. હવે આગળ.....)
સાંજ થતાં જ મોક્ષા મુંબઈ એરપોર્ટ પર જાય છે. મંથનને આજે ઓફિસમાં કામ હોવાથી ત્યાં જ ડિનર લેશે એવો કોલ આવ્યો. શારદાબા પોતાનાં પૂજા પાઠમાં વ્યસ્ત હતાં. બસ એક મંત્ર ને ક્યાંય ચેન પડતું ન હતું. ટેરેસ પર આમથી તેમ આંટા મારતો હતો. હમણાં ઘણાં સમયથી મિષ્ટિને મળ્યો ન હતો. ફોનનાં મેસેજીસ અને વાતોથી મંત્રનું પેટ ભરાતું ન હતું. અચાનક મંત્રને કંઈક વિચાર આવતાં ખુશ થઈ તે નીચે જાય છે. હોલમાં શારદાબા બેઠા હોય છે. ત્યાં જ મંથન કહે.
મંથન :" મોક્ષા પહોંચી ગઈ છે. ? કોલ આવ્યો?"
શારદાબા :" હા, મારે તેની સાથે વાત થઈ. સાથે સાથે સાધનાબેન સાથે પણ વાત કરી. આ ઉંમરે સાધનાબેન સાવ ભાંગી પડ્યાં છે."
મંત્ર :" ડેડ, હું મારા મિત્રો સાથે કાલે પાવાગઢ જવાનો છું."
મંથન :" સરસ, "
મંત્ર :" અમે વહેલી સવારમાં નીકળી જઇશુ."
મંથન :" ઓકે, ધ્યાન રાખજે."
બધાં સાથે ડિનર લઈ પોત પોતાના રૂમમાં સુવા ગયાં.
મંત્ર તો મિષ્ટિને મળવાંની ખુશીમાં નિંદર જ નહોતી આવતી. તે મિષ્ટિને સરપ્રાઈઝ આપવાનો હતો. મિષ્ટિનાં વિચારોમાં ખોવાયેલો મંત્ર સુઈ ગયો.
મોક્ષા પણ મુંબઈ સાધનાબેનનાં ઘરે પહોંચી. સાધનાબેનને ભેટી તેને સાંત્વના આપી. મોક્ષાને ક્યારેય મા નો પ્રેમ મળ્યો ન હતો પણ સાધનાબેને હંમેશા તેને મા ની " મમતા " આપી હતી. તે મમતાને સવાઈ કરીને એ જ મમતા મોક્ષાએ પરીને આપી હતી. પરી પણ ત્યાં જ હતી. મોક્ષાએ બધાં માટે ડિનર બનાવ્યું. બધાં સાથે મળીને જમ્યા. પ્રેમ અને પરીને મોક્ષાએ અભિનંદન આપ્યા.
બીજી બાજુ મંત્ર પણ વહેલી સવારથી પોતાની જાનેમન " ફટાકડી " મીઠડી મિષ્ટિને મળવાં નીકળી ગયો. સ્ટેશન પહોંચી મિષ્ટિને કોલ કર્યો.પણ મિષ્ટિ ફોન ઉપાડતી ન હતી. હવે શું કરવું ? મુંઝાયેલો મંત્ર વિચારવા લાગ્યો આ સરપ્રાઈઝમાં તો મિષ્ટિને મળાશે કે નહી ?
ત્યાં જ કોલ આવ્યો. સ્ક્રિન પર "ફટાકડી " નામ જોતાં જ મંત્ર ઊછળી પડયો.
મંત્ર :" Hi, good morning"
મિષ્ટિ :" Hi, good morning બોલ શું કામ હતું ? "
મંત્ર :" કેમ આજ મુડ નથી જાનેમન "
મિષ્ટિ :" ના, યાર બસ એમ જ બોલ.."
મંત્ર :" ઘણાં સમયથી આપણે મળ્યાં નથી ચાલ મળીએ !"
મિષ્ટિ :" ક્યાં ? કયારે ?"
મંત્ર :" તું સવાલો બંધ કર, સાંભળ હું તને લોકેશન મોકલું છું. ત્યાં આવ."
મિષ્ટિ :" અરે ! તું નીકળી ગયો ?"
મંત્ર :" હા, તું આવ..."
મિષ્ટિ :" આ મજનુ પણ ગજબ છે હો..."
(ક્રમશ:)
( મંત્ર અને તેની ફટાકડીની મીઠી મધુરી ગોઠડી વાંચવા આગળનો ભાગ વાંચવો જ પડશે હો.)
વર્ષા ભટ્ટ ( વૃંદા)
અંજાર
