ભાગ - ૫
ભાગ - ૪નો વાર્તાલાપ ક્રમશઃ ...
ટીના કટાક્ષ ભરી નજરે : " હા , હસી લો તમે .. બસ એ જ તો બાકી રહી ગયું છે આપડે બીજુ શું કરવાનું હવે !! જતી રહીશને ક્યાંક ત્યારે ખબર પડશે તમને બંનેને ... "
મિહિર મજાક કરતા : " અરે નહીં નહીં ... તું ક્યાંય જતી નહીં ભાઈ . સોરી ઓકે . નહીં કરું હવે આવી ભુલ ... તું જતી રહીશ તો અમારું કોણ ?? કેમ અવિનાશ ??? !!! "
અવિનાશ : " હા , દીદી તું તો લાઈફનો મોટામાં મોટો હિસ્સો છે મારો . એમ કેમ જવા દઉં તને . તું અહીં જ રહીશ હંમેશા મારી સાથે . "
ટીના : " બસ હવે , ખોટાં મસ્કા ન મારો . જ્યારે હોય ત્યારે બસ પેલાં મજાક પછી માખણ . ચાલો ફ્રેશ થઈ જાઓ બંને . "
મિહિર : " ઓકે મેડમ . "
અવિનાશ પણ તેની રૂમમાં જાય છે . અને નહાવાની તૈયારી કરે છે . હજુ તેનાં મગજમાં ટોમીનાં જ વિચાર ભમ્યા કરતાં હતાં .
ટોમી તેનાં માટે બધું જ હતો . આખો દિવસ ટોમી સાથે જ કાઢવાનો . અવિનાશ બહારથી આવે તો ટોમી તેની રાહ પર જ બેઠો હોય . આવતાંની સાથે જ ખુશ થઈ જતો . જાણે તેને અવિનાશમાં ભગવાન જોઈ લીધાં હોય .
અવિનાશ પણ ટોમીને એકલાં મુકી ક્યાંય જતો નહીં સિવાય ઓફિસ ... છતાં મગજમાં તો ટોમી જ હોય .
અવિનાશે ટોમીને ક્યારેય એક ડોગની નજરે જોયો જ ન હતો . તે તો અવિનાશનો જીગરીજાન હતો . કોઈ પણ પ્રોબ્લેમ તેને તો શેર કરવાની જ . અને ટોમી પણ જાણે બધું જ સમજતો હોય તેમ હોંકારો આપ્યાં કરતો . બસ એટલો જ હોય પ્રેમ .. બીજુ શું જોઈએ પ્રેમમાં .
અવિનાશ ફ્રેશ થઈ પોતાની રૂમની બહાર આવે છે . અને જ્યાં તેનાં જીજાજી અને દિદીની રૂમ હતી ત્યાં જાય છે .
" જીજુ .... હેલ્લો ... દીદી ..... !!! " ક્યાં ગયાં હશે ડૉર ઓપન રાખીને એટલી વારમાં .
અવિનાશ અંદર જાય છે . બાથરૂમ માંથી પાણીનો અવાજ ધીમો ધીમો આવતો હતો .
" હેલ્લો ... !!! " - અવિનાશ દરવાજો ખટકાવતા કહે છે .
અંદરથી ટીનાનો અવાજ આવે છે , " હા બોલ .. ?? શું જોઈતું છે ?? મિહિર બહાર જ છે એને કે આપે . "
અવિનાશ : " દીદી કોઈ નથી રૂમમાં . એટલે જ તો હું આવ્યો . કીધું ક્યાં જતાં રહ્યાં બધાં ?? "
ટીના : " શું ?? એ બહાર નથી !! આને એક એવું ને એવું જ હોય . તારી જગ્યા પર કોઈ બીજુ અંદર આવી ગયુ હોત તો હમણાં , ડોર ખુલ્લો મુકી જતું રહેવાય . આવવાં દે તેને ખેર નહીં એની . "
અવિનાશ : " કદાચ નીચે ગયાં હશે આટો મારવા . ઉતાવળમાં ભુલાય ગયું હશે તું બાથરૂમની અંદર છો . કોઈ નહીં હું બહાર બેઠો છુ તું આવ પછી હું પણ નીચે જાઉં ઠીક છે .. "
ટીના : " એ હા , બેસ બહાર જ . "
અવિનાશ થોડી વાર બહાર બેસે છે . ત્યાં ટીના ફ્રી થઈ હોલમાં આવે છે .
ટીના થોડી ગુસ્સે થઈ : " જા તું , અવિનાશ ... અને અત્યારે કંઈ કહેતો નહીં તારા જીજાજી . આવવાં દે તેને ઉપર . પછી વાત . સમજ્યો ?? કોઈ હોંશિયારી નહીં કરતો . એને આવી ને આવી જ ગફલત હોય સુધારવાના છે તેને . કંઈ સમજાતું જ નથી બોલ અવી . "
અવિનાશ હસતા હસતા : " હા , ઠીક છે દીદી . હવે જાઉ ઓકે . "
અવિનાશ નીચે જાય છે ... ત્યાં ગાર્ડન પર મિહિર એક મોટી ઉંમરના વ્યક્તિ સાથે એક બાકડા પર બેઠો હતો . અવિનાશ તેની પાસે જઈ બેસે છે .
મિહિર અવિનાશ માટે બેસવાની જગ્યા કરતાં : " ઓહ્ અવી ,, આવ . બેસ બાજુમાં . "
અવિનાશ મિહિરની બાજુમાં જઈ બેસી જાય છે .
********
To be continued .......
