બે યુવાન હૈયાંઓ લગ્નના બંધને બંધાઈને હમેશા માટે એકમેકના થવાના સપનાઓ સેવવા લાગેલા. હું ઉત્સાહ ને ઉત્સાહમાં ઘરે ગઈ. મારા પપ્પા કયાંક જવાની તૈયારી કરી મારી રાહ જોઇને જ બેઠા હતા.
" ઓહ..આવી ગઈ બેટા..! બસ તારી જ રાહ જોતો હતો. વિચાર્યું તું આવે પછી નીકળું." મને જોઈ પપ્પાએ કહ્યું.
" અત્યારે ખરાં બપોરે ક્યાં ઉપડ્યા તમે..? " મેં પૂછ્યું.
" જરૂરી કામથી સૌરાષ્ટ્ર જાઉં છું. આવતીકાલે રાત સુધીમાં આવી જઇશ. તું સમયથી જમી લેજે અને તારું ધ્યાન રાખજે." નાની અમથી બેગને ખભે કરી તેઓ નીકળ્યા.
" સાચવીને જજો પપ્પા અને તમે તમારો મોબાઈલ લીધો..?" મેં પૂછ્યું.
" હા, દીકરા..! લીધો છે હો..! "
" સારું તો પહોંચીને મને રિંગ મારજો."
" હા, જરૂર..!"
તે દિવસે હું પપ્પાને મારા અને શશિના લગ્ન વિશે વાત ન કરી શકી. હવે તેઓ પાછા આવે પછી જ વાત થઈ શકશે.આ વાતની જાણ મેં શશિને પણ કરી. તે દિવસે રાત્રે મેં અને શશિએ મેસેજથી ઘણી વાતો કરી.
શશિ : હાય..! જમી લીધું તે..?
હું( અભિ ) : હા, તે ?
શશિ : મેં પણ..
હું : તે આપણા લગ્ન વિશે ઘરે વાત કરી ?
શશિ : હા, પણ..
હુ : પણ શું..? તેઓ ન માન્યા..?
શશિ : હમ્મ
હું : સરખી રીતે મનાવને યાર. આપણા વિશે તે બધું કહ્યું.?
શશિ : હા
હું : તો તેઓ કેમ નથી માનતા..?
શશિ : મમ્મી કહે છે કે તે દેખાવમાં ઠીકઠાક લાગે છે.
હું : ઓહ..એવું..? તે મારો ફોટો બતાવ્યો હતો ?
શશિ : હા, ત્યારે જ તો એવું તેઓએ કહ્યું.
હું : એવો કયો ફોટો બતાવ્યો કે તેઓને હું ઠીકઠાક લાગુ છું ?
શશિ : પપ્પા તો એમ કહેતા હતા કે છોકરી બહુ સીધી સાદી લાગે છે. ફેશનવાળી નથી. થોડી ફેશનેબલ હોત તો સારું થાત.
હું : તો હવે શું કરીશું..?
શશિ : તારે થોડા ફેશનેબલ બનવું પડે તો કદાચ વાત બને.
હું : સૉરી યાર..! હું જેવી છું તેવી ઠીક છું. મારા પપ્પાને તો હું આવી જ પસંદ છું. હું મારા વ્યક્તિત્વને નહિ બદલું.
શશિ : તો મારા મમ્મી પપ્પા આપણા લગ્ન માટે ક્યારેય રાજી નહિ થાય. તારે મને ભૂલવો પડશે.
હું : માત્ર મારે જ તને ભૂલવો પડશે..? શું તને હું યાદ નહિ આવું ?
શશિ : ના, બિલકુલ નહિ.
હું : ખરો છે તું તો. સવારે તો મારી સાથે આખી જિંદગી જીવવાની વાત કરતો હતો ને હવે આવું બોલે છે..!
શશિ : પણ હું તને યાદ કેમ કરું ?
હું : કેમ આવું બોલે છે..?તને મારી બિલકુલ યાદ નહિ આવે ?
શશિ : જાનેમન યાદ એને કરાય જેને ભૂલી ગયા હોઈએ.
હું : પ્લીઝ યાર.. હું કોઈ મજાકના મૂડમાં નથી. મને રડવું આવે છે. આપણા લગ્ન નહિ થાય તો..? હું બીજા કોઈ સાથે નહિ પરણું.
શશિ : હા..હા..હા..!
હું : મને ચિંતા થાય છે ને તને હસવું આવે છે.
શશિ : હા જ તો.. ! તું કેટલી ભોળી છે. મારી દરેક વાતને તું સાચી માની લે છે.
હું : શશિ, બોલને યાર..! સાચું શું છે ?
શશિ : મારા મમ્મી અને પપ્પા બંનેને આપણા વિશે વાત કરી. તેઓને તારો ફોટો પણ બતાવ્યો.
હું : શું કહ્યું તેમણે ?
શશિ : તેઓએ તારો ફોટો જોઈ એવું કહ્યું કે..
હું : હા, બોલને
શશિ : "આટલી સુંદર છોકરીને તું ક્યાંથી પટાવી લાવ્યો..?" એવું પપ્પા કહેતા હતા. " સાદા કપડાંમાં પણ તે આટલી સુંદર લાગે છે..! શશિ તારી દુલ્હન બનશે ત્યારે તે કેટલી સુંદર લાગશે ?" આવું મમ્મી કહેતી હતી.
To be continue
