" હા , આ મિશનની જવાબદારી એમને જ મને સોંપી હતી . પરંતુ જે દિવસે સોલંકી એડવાન્સ રકમ આપવા આવ્યા અને આ પુસ્તક વિશે મને માહિતી આપી એના બે દિવસ પછી મને એક પત્ર મળ્યો બોસ્કો ના નામેં એમાં લખ્યું હતું ' હું જાણું છું એ પુસ્તક તમારી પાસે છે અને તમે એના દ્વારા કોઈ એવું વસ્તુ ગોતી રહ્યા છો જેનાથી ગમે એવી ધાતુને સોનુ બનાવી શકાય , ગમેતે માહિતી મળે પહેલા એની જાણકારી મને મળવી જોઈએ , પછી સોલંકીને . અંતે આ મારી આદેશ મુજબ તો થઈ રહ્યું છે .....! હું જ છું આ શતરંજના ખેલનો કર્તાહર્તા અને હું જ છુ બાદશાહ .... શુ તમે વજીર બનવા તૈયાર છો ...? યાદ રાખજો કે મને કોઇની 'ના' પસંદ નથી , અને જો કદાચ ના પાડી અથવા સોલંકીને આના વિશે જણાવ્યું તો તમારા પત્નિના કેસમાં અંદર થવા તૈયાર રહેજો .... સમજાયું ...? મને તમારા પત્રનો ઇન્ટઝાર રહેશે ' પત્રમાં બસ આટલું લખ્યું હતું અને ૨ લાખનો ચેક હતો જેની પાછળ લખ્યું હતું ' જરૂર પડતી રહે એમ યાદ કરતા રહેજો ' બસ એ દિવસથી બોસ્કો સાથેનો પત્ર વ્યવહાર શરૂ થયો . આજ સુધી મેં ઘણા પ્રયત્ન કર્યા એક મુલાકાત માટે , બસ એક જ જવાબ હતો ' ચાહને વાલેતો દિલ સે ચાહેગે , મુલાકાત મેં ક્યાં રખા હૈ ....!!? ' "
" એ રહસ્યમય રાત્રે શુ બન્યું હતું ....? શુ બોસ્કો ત્યાં હાજર હતો....? એ છે કોણ ....? એના વિશે કોઈ પોલિસ રેકોર્ડ કેમ મળતા નથી ....? " )
" છેલ્લા છ વર્ષના FIRની નોંધ લેશો તો માલુમ પડશે કે ગુજરાતમાં અવારનવાર કોઈ પુખ્ત વયના યુવાનની ગાયબ થવાની ઘટના બને છે , એની તિથિ જોશો તો મોટે ભાગે પૂનમના એક અઠવાડિયા અગાવના જ બનાવો હશે ... આ બધા પાછળ ' બોસ્કો ' નો જ હાથ છે માફ કરશો ' ડોન બોસ્કો ' નો જ ... "
" શુ.... ડોન....ડોન બોસ્કો.... એજ ડોન બોસ્કો જે આજથી ૨૦ વર્ષ પહેલા અંડરવર્લ્ડ સાથે નેટવર્ક ધરાવતો હતો..!! અને એક એન્કાઉન્ટરમાં મૃત્યુ પામેલો....? " ઝાલાએ ૨૦ વર્ષ પહેલાની ઘટના યાદ કરી , જેને સમાચારપત્રોમાં હેડલાઈન માં સ્થાન મળેલું
" કદાચ હોઈ શકે .... મેં એ જાણવા માટે જ ઘણી વાર એને મળવાનો પ્રયત્ન કર્યો પણ નિષ્ફળ રહ્યો . "
" ઠીક છે ..ઠીક છે .... પરંતુ એ અપહરણ કેમ થયેલા ....? કોઈ માહિતી છે ...? "
" એ રહસ્યમય પુસ્તક પર કોઈ અટપટી ભાષામાં કશુંક લખ્યું હતું , એક તાંત્રિક મળ્યા હતા , જે એ પુસ્તક વિશે જાણતા હતા . એમને એ પુસ્તક એક બીજા સાધુ પાસે મોકલાવ્યું . જેથી તેમાં રહેલી માહિતી જાણી શકાય પરંતુ એ સાધુ એને જોઈને અતિ પ્રસન્ન થઈ ગયા કદાચ એ પુસ્તકમાં રહેલી માહિતીથી મોહી ગયા હોય એવું લાગ્યું કારણ કે એ સાધુ હવે પુસ્તક પાછું આપવાનું નામ જ લેતા નહતા , જાણે તેઓ એના વર્ષો જુના માલિક હોય એવું વર્તન કરી રહ્યા હતા . પછી એના માટે ફરી રઘુડાને અમે એમનો શિષ્ય બનાવીને મોકલ્યો , અને એ પુસ્તકને ચોરી લાવ્યો . અને..."
" એક મિનિટ ...હું શુ પૂછું છુ અને તમે શુ બીજું બધુ બડબડ કરો છો ...મને એ કહો કે એ રહસ્યમય રાત્રીએ શુ થયું હતું ....? અને પેલા અપહરણ કેમ થયેલા ...? " ઝાલાએ અધીરાઈ થઈ પૂછ્યું
" સાહેબ ... હું બધું કબુલવા તૈયાર છું અને તમે જે છુપા કેમેરાથી મારી વાતો રેકોર્ડ કરી રહ્યા છો એ પણ હું જાણું છુંવ. તમે ચિંતા ના કરો હું બધી વસ્તુ લેખિતમાં આપવા પણ તૈયાર છું , આમ પણ ઘણા સમયથી મારે આત્મસમર્પણ કરવું હતું , કંટાળી ગયો છુ આવી જિંદગી થી ...આવી જિંદગીના લીધે જ મેં મારી પત્નિની જાન લીધી , અને બીજા ઘણા નિર્દોષોની... નિર્દોષોની નરબલી ચડાવી ..."
" શુ ....તમે નરબલી બોલ્યા ...!?" રાઘવકુમાર અને ઝાલા એક સાથે આશ્ચર્યથી બોલી ઉઠ્યા
" જી હા સાહેબ , એ પુસ્તક ફરી પેલા સાધુ પાસેથી લાવ્યા પછી પેલા તાંત્રિકે કોઈ વિદ્યા કિધેલી . તેના અનુસાર કાળીવિદ્યાની દેવીને રીઝવવા માટે ઉપાય બતાવ્યો . જે વિધિ દર પુનમે કરવાની હોય છે . જે રાતથી આ ઘટનાઓનો દોર શરૂ એ રાત્રે પૂનમ હતી , દેવીને રીઝવવા માટે દર પૂનમની જેમ આ વખતે પણ યજ્ઞકુંડ તૈયાર કરાયો હતો . એ તાંત્રિકના મતે ૧૦૧ નરબલી ચડાવવાની હતી , અને એ રાતે છેલ્લી બલી ચડવાની હતી . યજ્ઞકુંડ તૈયાર થઈ ગયો હતો , હવે એની જ્યોત જાણે ઉંચા આકાશને આંબતી હોય એમ લાગતું હતું . દૂરથી જોતા કોઈને પણ આ દાવાનળ લાગે એટલી ભયાનકતા થી જ્વાળાઓ નીકળી રહી હતી . તાંત્રિકે પોતાની વિધિ આટોપી બરાબર બલી ચડાવવાની તૈયારીમાં જ હતો ત્યાં ઝાડી માંથી એક અવાજ આવ્યો , જાણે છુપાઈને કોઈ આખી ઘટના જોઈ રહ્યું હોય . જો ખરેખર કોઈ ત્યાં ઝાડીઓમાં હતું તો પહેલા એને ઠેકાણે પાડવું વધારે જરૂરી હતું કારણ કે લગભગ સાડા આઠ વર્ષોની મહેનતનો આજે છેલ્લો દિવસ હતો . જો આ વાત બહાર પડેતો મોટો બખેડો થયા વગર રહે નહીં અને બખેડો થાય તો સોલંકીનું નામ આવ્યા વગર રહે નહીં . જો ભૂલથી પણ સોલંકીનું નામ બહાર આવી જાય તો એ અમને સૌને મોતની પથારીમાં સુવડાવતા એક ક્ષણ પણ વિચારે એમ નહતું . તેથી અમે જલ્દીથી એ અવાજની દિશામાં ગયા . જેવું એક ડગલું આગળ ભર્યું ત્યાં અચાનક ચંદ્ર અને તારા વાદળો પાછળ છુપાઈ ગયા . આ એક ખરાબસંકેત હતો , કારણ કે આ વિધિ પૂર્ણ ચંદ્રની હાજરીમાં કરવાની હતી . હજી કોઈ કશુ વિચારે એના પહેલા તો વીજળી અને વાદળોના ગડગડાટ સાથે સાંભેલાધારે વરસાદ વરસવા લાગ્યો જાણે કે આભ ફાટ્યું હોય . એટલી તીવ્રતા સાથે મેં મારા આખા જીવનમાં વરસાદ પડતા નથી જોયો . કદાચ એ જુવાનના નશીબ સારા હતા ... તમે જાણો છો એ જુવાન કોણ હતો ....? "
" કોણ ...? "
" એ જુવાન હતો ક્રિષ્ના... જે તમને અમારા ષડ્યંત્રો વિશેના દરતાવેજો આપવાનો હતો પરંતુ પોતાની બહેનના આવા અપમૃત્યુથી એ થોડા વર્ષો માટે ગાયબ થઈ ગયો અથવા અંડરગ્રાઉન્ડ થઈ ગયો હતો . ફરી એ બીજા દસ્તાવેજો સાથે બહાર આવ્યો હતો . આ વખતે એની પાસે ભાવના રેડ્ડી રેપ એન્ડ મર્ડર કેસના પણ પુરાવા હતા . તેથી રસ્તાનો કાંટો બનેલા ક્રિષ્નાને કાયમ માટે હટાવી દેવાનું નક્કી કર્યું હતુ . પરંતુ બાબુડાએ બધી બાજી બગાડી નાખી "
" કદાચ એ રાતે તમારું મિશન કામિયાબ થઈ જાતતો ... તો તમને પરિણામ શુ મળેત ...? "
" જેમ આગળ કહ્યું એમ આ પુસ્તકમાં કોઈ એવી જગ્યા એ જવાનો રસ્તો છે જ્યાં એક રહસ્યમય વસ્તુ છુપાયેલી છુપાયેલી છે . એ નકશા સુધી પહોંચતા પહેલા આમાં શુ લખેલું છે એ જાણવું જરૂરી હતું . એ વિધિ પુરી થાત તો કદાચ ...કદાચ એ પુસ્તકને ઉકેલવા માટેનો રસ્તો મલેત . " થોડી વાર રોકાઈને કહ્યું " એ રાતે હું , રઘુડો , જગુડો , પેલો તાંત્રિક અને ક્રિષ્ના ત્યાં હાજર હતા . વરસાદ એટલો તીવ્ર પડવા લાગ્યો કે બાજુમાં કોણ ઉભું છે એ પણ જોઈ શકાતું નહોતું . તેથી અમારા માં દોડધામ મચી ગઈ . રઘુડો અને જગુડો પોતાના માટે સુરક્ષિત સ્થાન ગોતવા આમતેમ દોડતા હતા અને હું જલ્દી મારા ગામ બાજુ ચાલ્યો . આ પુસ્તક દોડધામમાં ત્યાંજ છૂટી ગયું . ત્યાં ઝાડીમાં બીજું કોઈ નહીં પણ મારા ગામનો બાબુડો હશે એ મને ગામમાં જઈને ભ્રાંતિ થઈ જ્યારે અવાજ સાંભળી બાબુડો જંગલમાં ગયો છે એવું ગામલોકો એ કહ્યું . "
" હવે આ બધી વાતો ખબર પડી ગઈ , પરંતુ તમે આટલા બધા વર્ષોથી આ ધતિંગ કરો છો .. કોઈ એ તમને જોયા કેમ નહિ ....? કોઈ આજુબાજુમાં હાજર જ નહોતું...? "
" અમને ખબર હતી જો અમારે અમારા કામને અંજામ આપવો હશેતો પૂનમની રાતે કોઈ જંગલ તરફ આવે નહિ એ વાતનું ધ્યાન રાખવું પડશે . તેથી વર્ષો જૂની વાયકા સાચી છે અને મુઘલો દ્વારા માર્યા ગયેલા લોકો આત્મા સ્વરૂપે ભટકે છે તેવી અફવા ફેલાવેલી . અધૂરામાં પૂરું એવી અફવા પણ ફેલાવી કે મારી બૈરીને એ ભૂતોએ જ મારી લટકાવી દીધી . તેથી પૂનમની રાત્રે આજુબાજુના લોકો જંગલમાં તો શુ ઘરની બહાર નીકળતા પણ ડરતા હતા . "
" ખરેખર ખૂબ વિચારીને તમે આખા મિશનને રૂપ આપ્યું , જો તમારી આ કહાની ઉપર કોઈ થ્રિલર નવલકથા લખવામાં આવે ક પછી પિક્ચર બનાવવામાં આવે તો સુપરહિટ જાય " ઝાલાએ કહ્યું
આટલી માહિતી પૂરતી હતી સોલંકીને પકડવા માટે પરંતુ આગળ કહ્યું એમ જો એ માહિતી લીક થાય તો રાજ્ય સરકાર તો ઠીક પણ કેન્દ્ર સરકાર પણ હચમચી ઉઠે . કોણ જાણે કદાચ કેન્દ્રીય કેબિનેટ મંત્રીઓના નાણાં પણ ફળવાયેલા હોઈ શકે . તેથી હાલ પૂરતી આ માહિતીને ગુપ્ત રાખવાનું નક્કી કર્યું અને આ ડૉન બોસ્કો કે જે આ શતરંજનો બાદશાહ હતો એને પકડવાનું કામ હાથમાં લીધું . બપીરના ૨ વાગી ગયા હતા . મુખીએ જેટલી પ્રામાણિકતા થી વાત કરી એ જોઈને એમને પણ શરતોને આધિ મુક્ત કરી દેવામાં આવ્યા હતા . શરતો પ્રમાણે એક બયાન લખી એના પર હસ્તાક્ષર લેવામાં આવ્યા હતા તેના અનુસાર મુખી જરૂર પડ્યે સોલંકી અને ડોન બોસ્કો વિશે તાજના સાક્ષી બની બયાન આપશે , અને રાઘવકુમારને જાણ કર્યા વગર ગુજરાત બહાર ક્યાંય જઈ શકશે નહિ . હવે મુખી પોલીસ સ્ટેશન માંથી બહાર નીકળી ગયા હતા .
મુખીને છોડીને ઝાલાએ સોમચંદને મેસેજ કર્યો (જો કે તેઓ હજુ સોમચંદના ડિટેકટિવ હોવાની વાત જાણતા નહોતા .) ' We find the WAZIR ....!! And you are right ...mukhi is wazir.....!! How do you know ...? "
[તા-૨૨ સમય ૭:૧૫] મુખીને બહાર નીકળતા જોઈને રતનસિંહ નજીક આવીને માહિતી આપે છે " સાહેબ પેલા મકાન વિશે માહિતી મળી ગઈ છે. એ મકાનના માલિક કોઈ મકરંદ ત્રિવેદી છે . એમનીને વારસદાર તરીકે માત્ર એક દીકરી હતી જેનું નામ ભાનુમતી હતું . ભાનુમતીની માતા બાળપણમાં જ ગુજરી ગઈ હતી. ભાનુમતી જ્યારે કોલેજમાં હતી તે દરમિયાન જ રમેશચંદ્ર ઠાકર નામના એક મવાલી , ગુંડા અને લુખ્ખા છોકરા સાથે થયેલો . આખી કોલેજ રમેશચંદ્ર નામથી ડરતી . ભાનુમતીએ જ્યારે પિતાજીને પોતાના પ્રેમ વિશે વાત કરી ત્યારે પહેલા તો એમને રમેશચંદ્ર વિશેની વાત સાંભળી ચોખ્ખી ના કહી દીધી હતી , પરંતુ પોતાની દીકરીની જીદ સામે હારીને પરાણે એ સંબંધને માન્ય રાખ્યો હતો . રમેશચંદ્રને બીક હતી કે કદાચ એ કપાતર જાતનો પોતાની સંપત્તિ માટે જ લગ્ન કરે છે . અને એવું જ બન્યું લગ્ન પછી પોતે ઘરજમાઈ બની ગયો અરે અટક પણ બદલી દવે કરી નાખી . કોઈ દિવસ સપને પણ રમેશચંદ્રએ આટલો રૂપિયો જોયેલો નહિ તેથી પૈસા જોઈ રમેશચંદ્ર પાંગળો થઈ ગયો અને દારૂ અને જુગારના નશે ચડી ગયો . ધીમેધીમે એ ગોરખધંધામાં જોડાયો હતો અને દારૂ-જુગારે ચડી ગયો હતો અને મકરંદ ભાઈને દેવાદાર બનાવી દીધા . રોજેરોજ લેણદારો આવતા અને મકરંદ ભાઈને ધમકાવી ચાલ્યા જતા . બીચારા મકરંદભાઈ પોતાની પુત્રીની બળતરામાં એક દિવસ હાર્ટ એટેકથી મરી ગયા . પછી એક દિવસ અચાનક એ મકાન ખાલી કરી ક્યાંક ગાયબ થઈ ગયો . તો આજ દિવસ સુધી કોઈ પતો લાગ્યો નથી . રમેશચંદ્રના આવા સ્વભાવ અને ધંધાને લીધે કોઈ સ્વજનો સાથે સબંધ રહ્યા નહોતા તેથી કોઈ જગ્યાએ એમના ગાયબ થવાનો રિપોર્ટ લખાવેલો નથી . એ દિવસ પછી એની પત્ની ભાનુમનીનો પણ કોઈ પતો નથી . કદાચ બંને કોઈ નવી જિંદગી શરૂ કરવા દૂર ચાલ્યા ગયા હોય એવું અનુમાન માહિતી દ્વારા મળ્યું છે .
એક તરફ ઝાલા અને સોમચંદ દ્વારા મુખી પાસેથી સત્ય બહાર કાઢી લેવાયું હતું અને બીજી તરફ બીજી ટિમ ત્યાં લક્ષમણજુલા તરફ જઈ રહી હતી . આ બંને ઘટના એક સાથે બની રહી હતી .
(ક્રમશઃ)
યે કહાની હમેં કિસ મોડ પે લે આઈ ...!!
અહો આશ્ચર્યમ .... જો તમે ટ્વિસ્ટ પર ટ્વિસ્ટ આવે એવી કથાના શોખીન હશો તો આ ભાગ જરૂર ખૂબ ગમ્યો હશે અને આગળ આનાથી પણ આશ્ચર્યજનક ટ્વિસ્ટસ આવશે .
હવે તમે આ રહસ્યમય પૌરાણિક પુસ્તકનું સત્ય જાણી ગયા હશો કે જેને આટલો કોલાહલ મચાવ્યો હતો અને આ આખી ઘટનાનો દોર જેના લીધે શરૂ થયો હતો .
ઇન્સ્પેક્ટર ઝાલાને વર્ષો પહેલા બધા દસ્તાવેજો આપવાનું કહી અને પોતાને ભાવના રેડ્ડીનો ભાઈ ગણાવતો માણસ જે અચાનક ગાયબ થઈ ગયો હતો એ બીજું કોઈ નહીં ક્રિષ્ના રેડ્ડી જ હતો .
એ રહસ્યમય રાત્રીએ આવતો ભયાનક અવાજ આ ક્રિષ્નાનો જ હતો કે જેની નરબલી ચડવાની હતી અને આ દ્રશ્ય જોઈને જ બાબુડો બેભાન થઈ ગયો હતો ....!!
ફરી પાછો એક સવાલ તમને ઉભો થતો હશે .... આ ડોન બોસકોનું સરનામું હતું એ મકાનના માલિક મકરંદ ત્રિવેદીનો આખી ઘટના સાથે સંબંધ હશે ...!? હશે તો કેવી રીતે ...!? જાણવા માટે વાંચતા રહો ભાગ ૩૦
