મારી સંવેદનાઓનું કુરિયર દેવા આવ્યોતો હુ
તે તારી લાગણીઓનો પોસ્ટમેન બનાવી દીધો
પ્રેમના પાર્સલની ડિલિવરી કરવી હતી મારે
તે મૃત સંબંધોની ચિઠ્ઠીનો ચાકર બનાવી દીધો.
◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆
તાજમહેલ ભલે હો ઉત્કૃષ્ટ પ્રેમનો નમૂનો
મારો તો પ્રેમ જ ઉત્કૃષ્ટ છે. શું આપુ નમૂનો?
◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆
આપણાં સબંધની વિશિષ્ટતા એ હતી
બધું જ હતું ,પણ પ્રેમ હતો?
ખબર નહીં.
◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆
એવી ચાલાકીથી એણે મને એનો કરી લીધો
પુછ્યું કોઇએ કેમ છો?
ખબર પડી હવે હું મારો જ નથી રહ્યો.
◆◆◆◆◆◆◆◆◆◆◆◆◆●◆●◆◆◆◆◆◆◆◆◆
જ્યોતિષ જોઇ કહ્યું હતું મને પાણીની ઘાત છે
રોજ તણાંવુ છું, ડુબુ છું ને બચું છું લાગણીના પૂરમાં.
◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆
પૈસાથીય કિંમતી મારો પ્રેમ આપુ છું
રૂપિયાની ક્યાં વાત કરે? હુ તને ઋદિયૂ આપુ છું
◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆
ત્યજી દીધી તારી તમન્ના મેં એમ સમજી,
લાયક નહીં હોય પ્રેમ મારો કદાચ તારા.
ન જતી દુર મારાથી દુષ્ટ રાવણ સમજી,
કૃષ્ણ થઈ વસવું હતુ હ્રદય મહી તારા.
◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆
તને કામચલાઉ વસ્તુઓની આદત હતી,
ને પ્રેમ મારો સસ્તો ને ટકાઉ હતો.
દેશી ગુલાબમા પતી જતો,
જેની ખુશ્બુ આજે પણ ડાયરીમાં આવે છે.
◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆
તને પ્રેમ કરવાનું પાપ કર્યું હતુ મે ક્યારેક
રોજ તારી યાદ રૂપી પસ્તાવો કરું છુ હું.
◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆
ઊભા છે કતારમાં કઈ કેટલાય તારા રૂપને પામવા
લઇ ઉભો છું દિલ મારૂ હું માત્ર જીંદગી તને પામવા.
◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆
મારા પ્રેમને બોજો સમજી એણે હૈયેથી ઉતારી મુક્યો
સારું થયું, આમ પણ મારો પ્રેમ કમજોરને લાયક ન્હોતો.
◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆
બેવફા તારા પ્રેમની કેવી રીતે કરું વસિયત
તારાં પત્રો - મુલાકાતો ને યાદોનો વારસો થઈ ગયો.
લઇ લીધુ મારૂ ને આપ્યું નહીં તારું હ્ર્દય
મારી લાગણીઓના ખૂન નો કારસો થઈ ગયો.
◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆
કાચ પર પડેલા પાણીની જેમ અસ્પષ્ટ હતું બધુ
શબ્દોના વાઈપરથી ગેરસમજણો ધોવાઈ ગઇ.
◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆
દયા તો હું ખુદની પણ નથી ખાતો
તારી પાસે કેવી રીતે ભીખ માંગુ.
◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆
પ્રેમ કરવાની સજા કોને મળી
દોષારોપણ કોની ઉપર કરુ,
આમ જોઈએ તો,
હું ને તું એક જ છીએ.
◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆
પ્રચલિત રીતથી તો પ્રેમ સૌ કરે
ફુલ જાય સુકાઈ, ચોકલેટ જાય ખવાઈ
બલૂન નો પ્રેમ હવા થઈ જાય,
મારી રીત છે થોડી અપ્રચલિત
શબ્દો જાય હ્રદયે અંકાઇ.
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
રમત રમશો તો ખેલાડી માહિર છું હું
એ વાત અલગ છે કે હારવું ગમે છે મને.
💮💮💮💮💮💮💮💮💮💮💮💮💮💮💮💮💮
ગણિતમાં ભલે કાચો છું પણ હિસાબમાં પાકો છું
આપશો મળશે એવું ભગવાન જેવો સ્વભાવ રાખું છુ.
💮💮💮💮💮💮💮💮💮💮💮💮💮💮💮💮💮
પીઠ ફરે ને શબ્દ ફરે એ કલા હસ્તગત નથી
એટલે જ કદાચ ઘણાંને પસંદ હું નથી.
જીતી લેતા આવડે છે મને જીગર સૌના
એટ્લે જ કોઈની બાદશાહતનો ગુલામ હું નથી.
💮💮💮💮💮💮💮💮💮💮💮💮💮💮💮💮💮
ના હિસાબ માગું છું ના હિસાબ રાખું છું
ગણિતમાં કાચો છું એટ્લે બધુ બેહિસાબ રાખું છું.
💮💮💮💮💮💮💮💮💮💮💮💮💮💮💮💮💮
કતારમાં ચાલવું ગમતું નથી ટોળાનાં ઘેટાની જેમ
ઓળખ મારી છે અલગ જઁગલનાં સિંહની જેમ
💮💮💮💮💮💮💮💮💮💮💮💮💮💮💮💮💮
તે આપેલાં દુઃખોનાં રોજ ચટાકા લઉં છું
ને જીંદગીને મારી સ્વાદિષ્ટ કરી લઉં છું
💮💮💮💮💮💮💮💮💮💮💮💮💮💮💮💮💮
કલાકાર છું લાગણીઓ વેચું છું જીગર નહીં
નેતાની જેમ માણસ વેચી નાખું એટલો દુષ્ટ નહીં
💮💮💮💮💮💮💮💮💮💮💮💮💮💮💮💮💮
બ્રાન્ડેડ કપડાં પહેરનાર બ્રાન્ડેડ નથી હોતાં
જેમ દરેક ચળકદાર પથરા હીરા નથી હોતાં.
💮💮💮💮💮💮💮💮💮💮💮💮💮💮💮💮💮
કતારમાં ઉભા છે લઇને કંઈ કેટલાય કાતર
ડર નહીં, નસીબની દોરી ઈશ્વરના હાથમાં છે.
💮💮💮💮💮💮💮💮💮💮💮💮💮💮💮💮💮
કોઈને પણ છેતરી શકુ એ કળા હસ્તગત નથી
પ્રેમ કરું છું પ્રેમી છુ કરામાતી કારીગર નહીં
💮💮💮💮💮💮💮💮💮💮💮💮💮💮💮💮💮
એકજ વ્યક્તિમાં બહુવિધ વ્યક્તિત્વો મળે પણ,
શોધવા છતાં અસલી માણસ કદી કોઈ દી નાં મળે.
💮💮💮💮💮💮💮💮💮💮💮💮💮💮💮💮💮
ઠઠ્ઠો કરે દુનિયા તો શરમાશો કે ડરશો મા,
લોકો ભગવાન પર પણ જોક મારે છે.
💮💮💮💮💮💮💮💮💮💮💮💮💮💮💮💮💮
તરંગી છુ,અતરંગી છુ, મનરંગી છુ,નટરંગી છુ,
છું રંગીન પણ કાચીંડા જેવો બહુરંગી નથી.
💮💮💮💮💮💮💮💮💮💮💮💮💮💮💮💮💮
મહેનતની ચાવીથી નસીબના તાળા ખુલે છે,
પણ હોય નસીબ તો જ મહેનતની ચાવી જડે છે.
💮💮💮💮💮💮💮💮💮💮💮💮💮💮💮💮💮
આગળ વધ્યા પછી હું પાછળ જોતો નથી,
જે રહી ગયું બાકી એનાં માટે રોતો નથી.
-જીગર બુંદેલા
