પ્રિય સખી ઓજસ....
આજથી તમારા નામ પાછળ જી નહિ લગાડું... વાંધો નથી ને....ભલે ફ્કત મિત્ર તરીકે તમે મારા પ્રેમને સ્વીકાર્યો એજ ઘણું છે...આમ પણ હું તેનાથી વધારે તમારી પાસેથી અપેક્ષા પણ રાખતો નથી.......
તમારા સંતાનો ના લગ્નની ખુબ શુભકામનાઓ.
તમારાં પ્રેમ અને લગ્ન વિશેના વિચારો અને અનુભવો જાણી હ્રદય ફરી એકવાર ઇશ્વરનો આભાર માનવા લાગ્યું કે આવી સારી વ્યક્તિને મારા મિત્ર બનાવવા બદલ.
પ્રેમ તો સતત નિરંતર વહ્યા કરે...તેને સમય કે સ્થળનું બંધન નથી...
❣️ પ્રેમમય પત્ર વહ્યા,
સાથે લઈ આવ્યાં,
સોનેરી વિચારો ,
ને સંધ્યા રૂપેરી....❣️
પ્રેમમાં સૌથી સારો દિવસ ક્યારે ઊગ્યો કહેવાય?
ખબર તમને.....જ્યારે આપણી ઇચ્છાઓ અને સામેવાળાની ઈચ્છા એકરૂપ થાય...હોય આપણા સપના અને ઉત્સાહ હોય સામેના પાત્રમાં પૂરા કરવાનો....
આપણે ઇચ્છીએ તેનો મધુર અવાજ કાનમાં સંભળાય,ને ત્યાં તે સામેથી આપણા એક ટહુકા માટે રાહ જોઈને બેસે....બસ....આજ તો છે પ્રેમ રૂપી પ્રતીક્ષાનો સુખદ અંત. આજે તમે સામેથી મને મળવાની ઈચ્છા બતાવી જાણે મને ફરીથી યાદ દેવડાવી દીધું કે મારે કોઈ માટે જીવવાનું છે.કોઈ માટે પોતાનું ધ્યાન રાખવાનું છે આનથી વધારે કોઈનો પ્રેમ હોય? મારા મંતવ્ય મુજબ ન હોય
હું પ્રેમ કરું છું...તમને.... તમારા વિચારો ને...
તમારી ભાવનાઓને...તમારી સંવેદનાઓને....તમારા શોખને પણ પ્રેમ કરું એટલે હું એવું ઇચ્છું કે તમારા શોખની જીવંતતા માં આપણે મળીએ....
અમારા શહેરમાં valentine's day પર એક મોટી ફ્લાવર ડેકોરેશન નામની સ્પર્ધા રાખવામાં આવે છે.મારી ઈચ્છા છે કે તમને પહેલીવાર હું ત્યાં જોવું જ્યાં તમે શોખના આનંદ માં તરબતર હોવ.... તમારા કુંડામાં રહેલા ફૂલોને ફરીથી ખુલ્લા આકાશમાં મહેકાવવાનો સમય આવી ગયો છે. તમને આ પત્ર સાથે સ્પર્ધામાં ભાગ લેવાનું ફોર્મ મોકલી આપુ છું....આ સ્પર્ધામાં ભાગ લેવા માટે મારે તમને મનાવા કે વિનતી ન કરવી પડે તેટલી અપેક્ષા રાખું છું.હું તમને વિજેતાના રૂપમાં જોવા માંગુ છું.સ્પર્ધા પુરી થાય એટલે હું સામેથી તમને મળવા આવીશ. આવશો ને?
💕 થોડું મારું ને થોડું તારું.....
લાવ કરીએ સહિયારું ......
થોડા મારા ને થોડા તારા,
સપનાં ઉછેરીએ સહિયારા......💕.
પ્રેમી આસવ ......
પ્રિય આસવ જી,
કેમ છો ? મજામાં લાગો છો. સરસ.....
મારા સંતાનોના લગ્ન ખુબ જ ધામધૂમથી ઉજવાઈ ગયા... કદાચ તમારા કારણે હું લગ્નને ખુબ જ ઉત્સાહ થી ઉજવી શકી.તમે મારામાં નવી ઊર્જા અને શક્તિનું સંચરણ કર્યું છે.
મને મારી જાત સાથે ઓળખાણ કરાવી છે.
આજે લગ્નના કામમાંથી પરવારી પહેલીવાર મે અક્ષત ને મારા હૃદયની વાત જણાવી,પહેલીવાર કૈક અલગ રીતથી પોતાનો આનંદ શોધવા મનપસંદ પ્રવૃત્તિ કરવાની રજા માંગી...મને ખુદને આશ્ચર્ય થાય છે આસવ જી કે તેમણે હસીને હા પાડી.. એટલું જ નહીં જોઈતી મદદ માટે પણ પૂછ્યું...હું નાહક દુઃખી થતી હતી....પણ એ સત્ય છે કે યોગ્ય સમય આવે તે ત્યારે ખુદ ઇશ્વર આયોજન કરી સરળતા કરી આપે છે.
હું માંગુ ને તું આપે એ ફકત થઈ જાય આપવું....
તું આપે ને હું ચાહું એ થઈ જાય બળુકુ....
આજે જ તમે મોકલાવેલ સ્પર્ધાનું ફોર્મ ભરી દીધું.
અને બસ ત્યારથી જ નવા નવા ફૂલોના વિચારે મન ચડ્યું છે.સવારે ઉઠતા વેત્ તમારા વિચારો અને ફૂલોની મહેક નવી પ્રેરણા આપે છે.જેમ ફૂલોની સુગંધને કોઈ દીવાલ રોકી નથી શકતી તેમ તમારા વિચારો અને પ્રેમ સ્થળ નું અંતર કાપી મારા સુધી પહોંચી જાય છે.
આમ આવી રીતે જ સાથે રહેજો...પ્રેરણા બની,પ્રાર્થના બની અને પ્રેમી બની........
પ્રેમથી આનંદિત ઓજસ
.
પ્રિય ઓજસ,
તમે ખુશ તો હું આપોઆપ ખુશ થઈ જાવ છું.મને વિશ્વાસ હતો જ કે તમે સ્પર્ધામાં ચોક્કસ ભાગ લેશો.હવે થોડો વખત મારા બદલે ફૂલોને ન્યાય આપજો.
મારી પ્રેરણા,મારી પ્રાર્થના અને મારો પ્રેમ હંમેશા રહેશે અવિરત.... અસ્ખલિત.... અનંત.....
મારે પણ હમણાં થોડું કામ છે. તો હું વ્યસ્ત રહીશ.હવે સીધાં સ્પર્ધામાં જ મળીએ....તમારા હાથમાં વિજેતા ની ટ્રોફી હસે અને હું અભિનંદન પાઠવતો હોઈશ.
બસ હવે એક જ વાત મનમાં રાખજો તમારે જીતવાનું છે ,મારા માટે.. જીતશો ને? મારી કલ્પનાની પ્રિયામાં હવે મને તમારું સ્મિત દેખાય છે.....બસ હવે તેને સાચે જોવાની ઈચ્છા છે.....
આનંદિત આસવ.....
💕 ફુલો મહેકે
મનગમતા દેહે
પ્રસરે પ્રેમ 💕
