(ગતાંકથી ચાલુ.ઓજસ લખે છે)
શોખ....મને શોખ મારી આસપાસ રંગ અને સુગંધ વાવવાનો,હા..... બાગકામ.. મારો શોખ કહો તો શોખ અને ગમતું કામ કહો તો એ....
નાનપણથી મારી સાથે મોટા થતાં છોડવા અને ફૂલોને જોઈ હરખાઈ જતી....એક અલગ પ્રકારનો રોમાંચ થતો...
પ્રકૃતિ જાણે મને ખુશ કરવા જ તત્પર બનતી.મમ્મીનાં વાળમાં રોજ નાખેલું મોગરાનું ફૂલનું સ્મરણ હજીયે મારા હ્રદયને પુલકિત કરી દે છે. જેમ જેમ મોટી થતી ગઈ તેમ શોખ મારા જીવન અસ્તિત્વ નો ભાગ બનતો ગયો.
મને હંમેશા વિચાર આવતા કે મારા શોખમાં આગળ વધુ પણ તેને વધારવા માટેના સંજોગો કદાચ અનુકૂળ ન હતા.
લગ્ન પછી મોટા બગીચાની મહેચ્છા નાના નાના કુંડાઓમાં સમાઈ ગઈ.હવે જવાબદારીઓ લગભગ પૂર્ણ થઈ ગઈ.આવતા વર્ષે જ લગ્ન છે મારા દીકરા અને દીકરી ના..અક્ષત પણ રીટાયર થવાના થોડા સમયમાં...ખબર નહિ હવે એવું લાગે જાણે થાકી ગઇ... અક્ષત મારા પતિનું નામ છે.સરસ ઉચ્ચ હોદ્દા પર કામ કરે છે.
તમારી સાથે વાતોમાં જાણે હું પછી નાની થઈ ગઈ.જાણે બગીચો મારી વાટ જુવે છે,ફરી વર્ષો પછી નવું ગુલાબ ઉગાડવાની ઈચ્છા છે....
ચાલો મારી વાત તો પુરી જ નહિ થાય...મળીએ પાછા પત્રમાં...
ઓજસ
ગુલાબી ઓજસ જી,
આ પત્રની સાથે નાની ગુસ્તાખી કરું છું.મારી બાલ્કની માં ઊગેલું ગુલાબ કદાચ એટલે જ ઉગ્યું,તેને મોકલવાની ઈચ્છા થઈ ગઈ,ગુલાબ કદાચ સુકાઈ જસે પણ સુગંધ રહેશે,તમારા શોખ ની જેમ જીવિત.
તમારા શોખની સાથે તે પણ સાથે રહેશે તમારી.
તમારા શોખ ની સુંગંધ તો મને પણ મહેકાવી ગઈ.
મારા શોખ કહું તો મને અન્ય માટે જીવવું ગમે...બીજાની ખુશી જોઈ હું આનંદિત થઈ જવું.બીજા માટે કઈ કરવાનો આનંદ થાય.પંરતુ હવે પહેલાં પરિવારને પ્રાધાન્ય આપવા માટે મને ગમે તેવું કરવું પડે છે.
આ ઉપરાંત મને સંગીત પણ ગમે,પણ તેની પૂર્વશરત કે મને એકાંતમાં જ ગમે.સંગીત મારું પ્રિયજન છે તેને કોઈ સાથે શેર કરવા કરતાં,તેની સાથે એકલું j રહેવું ગમે છે.
હવે તો પાછો મારો વારો આવ્યો નહિ વિષય આપવાનો?
મારો વિષય છે.. વિશ્વાસનું જોડાણ.....
થોડી લઈ લવું તારી માવજત...
ને સામેથી માંગી લવું થોડું વ્હાલ?
ને આનંદીએ નિરંતર, નિર્વિકાર.....
વિશ્વાસ ઍટલે શુ?
વિશ્વાસ એટલે જોડાણ...
વિશ્વાસ એટલે એક વ્યક્તિના મન સાથે બીજા વ્યક્તિના મન સાથે જોડાઈ જતો એવો તંતુ જેને તૂટવાનો ભય હોતો નથી. અને આ વિશ્વાસનું જોડાણ થઈ જાય પછી તમે તે વ્યક્તિ સાથે વધારે સ્પષ્ટ અને સાહજિક રીતે વર્તી શકો છો,કેમ કે મનના એક ખૂણે સ્વીકૃતિનો સંતોષ હોય છે તમે જેવા છો તેવા જ તમને સ્વીકારશે, તમારા વિશ્વાસથી જોડાયેલા તે ફક્ત તમારી સારી બાબતો નહીં પણ ન ગમતી બાબતો પણ સ્વીકારશે.
આ આ વિશ્વાસ ના જોડાણ ના સમાનાર્થી શબ્દો જ સંબંધો છે કદાચ ઓપચારિક અને અનૌપચારિક....
જેમકે તમે તમને હું મળ્યો પણ નથી અને તમારો ઝાઝો પરિચય પણ નથી આમ છતાં એવો વિશ્વાસ આપણા બંને વચ્ચે રહેલો છે કે જોઈ નથી શકાતો પરંતુ અનુભવી જરૂર શકાય છે. હું ઈશ્વરને હંમેશા પ્રાર્થના કરું કે આપણા બંને વચ્ચે વિશ્વાસનું આવું જોડાણ હર હંમેશ રહે...
વિશ્વાસી આસવ....
પરમ મિત્ર આસવ જી,
આપણી મિત્રતા જ કદાચ વિશ્વાસ નું બીજુ નામ છે.એવી મિત્રતા જ્યાં શબ્દોની સંવાદિતા માં સંબંધ શ્વાસ લે છે.
હું તો આપણા સંબંધ માટે ઋણાનુબંધ ને પણ એટલું જ મહત્વ આપું છું કેમકે ઋણાનુબંધ પણ એક પ્રકારનો વિશ્વાસનું જોડાણ જ છે. મૈત્રી કે પ્રેમ પાયાના મૂળમાં તો વિશ્વાસ જ છે અને આ વિશ્વાસ જો જરા પણ ડગી જાય તો પ્રેમ નામનું તત્વ અદ્રશ્ય થતા વાર નથી લાગતી....
વિશ્વાસ એટલે એક ભાવના નો બીજી ભાવના પર હદ થી વધારે ભરોસો...ભાવના અને વિચારનું જોડાણ j કદાચ બંને વ્યક્તિઓને કૈક અલગ કરવાની,કૈક અલગ રીતે જીવવાની પ્રેરણા આપી સકે છે.
હું આપણા સંબંધમાં હંમેશાં એવું જ ઈચ્છીશ કે મારો અને તમારો આ વિશ્વાસનો સેતુ જિંદગીના અંત સુધી દ્રશ્યમાન રીતે અને મૃત્યુ પછી આવતા જનમે પણ અદ્રશ્ય રીતે આપણા જોડાણ નો સાક્ષી બને...
❣️ હૃદયથી હૃદયના આ પ્રવાસો...
સાચવે સંસ્મરણો જાણે જન્મોજન્મના...❣️હવે ફરીથી મારો વિષય આપવાનો વારો... આજે ઈચ્છા થાય કે તમને ગમતી વાત કરીએ...
મારો વિષય છે...પુસ્તકો...પ્રિય પુસ્તકો....
(ક્રમશ)
.
