દરેક પળ આપણા માટે કોઈ ને કોઈ ખુશી અથવા તો દુઃખ નું કારણ બનીને આપણા ઉપર બેફામ વરસે છે.
એ દુઃખ જાતે પ્રગટ નઈ થયું હોય, તેનું નિર્માણ હંમેશા આપણે જાતેજ કરીએ છીએ.
તમારા મનમાં વિચાર આવ્યો હશે કે આપણે પોતે..? આપણે જાતેજ આ દુઃખ નું નિર્માણ કેવી રીતે કરી શકીએ..! તો એક નાનકડી વાર્તા દ્વારા સમજીએ કે આપણે દુઃખ નું નિર્માણ કેવી રીતે કરીએ છીએ.
🔹હું લખતી જ હતી. ત્યાં બહાર ના રૂમમાંથી મમ્મી નો અવાજ આવ્યો.
મમ્મી: બેટા મને તિજોરીમાં થી ૧૦૦૦ રૂપિયા કાઢી આપને.
(મેં ૧૦૦૦ રૂપિયા કાઢી ને મમ્મી ને આપ્યા)
હું: મમ્મી આ ૧૦૦૦ રૂપિયાની શું જરૂર પડી તમને?
મમ્મી: મેં આજે વિચાર્યું કે હું બજાર જતી હતી તો તારા માટે એક ડ્રેસ લઈ આવું.
હું: મમ્મી મારા પાસે ઘણા ડ્રેસ છે. નવા ડ્રેસ ની શી જરૂર?
મમ્મી: તું તારી કથા બંધ કર, ચાલ હવે મારે મોડું થાય છે, તો હું જવ. (જય શ્રી કૃષ્ણ)
હું: મમ્મી જલ્દી આવજો. (જય શ્રી કૃષ્ણ)
(હું ઘરમાં મમ્મી ના ગયા પછી ફરી લખવા બેસી ગઈ.)
થોડા સમય પછી મમ્મી ઘરે પાછા આવી ગયા.
મમ્મી: બેટા...ચલ જલ્દી જો તો હું તારા માટે કેટલો સરસ મજાનો ડ્રેસ લાવી છું.
હું: મમ્મી... thank you😊, મને ગમ્યો ખૂબ જ સરસ છે.
(ત્યાં જ ફોનની રિંગ વાગી, મેં ફોન લઈને મમ્મી ને આપ્યો.)
મમ્મી એ વાત કરી ટ્યુશન થી સર નો ફોન હતો.
(મમ્મી ના ફોન મૂક્યા બાદ)
હું: મમ્મી સર શું કહેતા હતા?
મમ્મી: (દુઃખ ભર્યા અવાજે) સરે તારા આ મહીના ની ફી ભરવા માટે જણાવવા ફોન કર્યો હતો.
હું: તો મમ્મી ભરી દેજો, આમાં દુઃખી થવા જેવું શું છે?
મમ્મી: બેટા... પપ્પા ના પગાર માંથી મેં ફી ભરવાના પૈસા થી તારા માટે ડ્રેસ ખરીદી લીધો. મેં વિચાર્યું હતું કે આવતા મહીના ની અને આ મહીના ની ફી હું સાથે થી ભરી દઈશ.
હું: મમ્મી હવે શું કરીશું?
મમ્મી: હવે પપ્પા તેમના શેઠ પાસે થી ૧૦૦૦ રૂપિયા ઉપાડ લઈ આવશે અને આપણે તે પૈસા થી ફી ભરી દઈશું.
હું: તો મમ્મી આવતા મહીને ૧૦૦૦ રૂપિયાની તકલીફ નહીં પડે?
મમ્મી: પડશે જ ને.....પણ આના સિવાય કોઈ બીજો ઉપાય જ નથી.
(મમ્મી ટ્યુશન ની ફી ભરી દે છે અને આવતા મહીને ઘરમાં તકલીફ પણ સર્જાય છે.)
આમ, આ વાર્તા પરથી સમજી જ શકાય છે કે પૈસા ની તકલીફ કેવી રીતે પડી, એ પણ એક દુઃખ જ છે ને.
તો છેવટે કહેવાનો અર્થ એ હતો કે જરૂરી વસ્તુઓ પાછળ ખર્ચ કરો, પણ જે વસ્તુ ની જરૂર જ નથી તેના પાછળ પૈસા નો બગાડ ના કરો.
તેના દ્વારા પણ પોતાના દુઃખ નું નિર્માણ ના કરો.
પોતાના દુઃખ નું કારણ આપણે પોતે જ છીએ તેથી દુઃખી થવાય તેવું કાર્ય નહીં કરીએ તો દુઃખ આવશે જ નહીં.
#સંજીવની
હિતાક્ષી
નોંધ:- સલાહ ખુલા દિલ થી આવકાર્ય છે.
Comment અને like કરીને મારા સાથે મારા મિત્ર તરીકે જોડાવ બદલ હું સહુનો ખૂબ ખૂબ આભાર માનું છું.
:- આ મારી પહેલી વાર્તા જ છે.
મને આશા છે કે તમને મારી વાર્તા પસંદ આવશે.
માતૃભારતી અને માતૃભારતી ના તમામ મારા મિત્રો નો હું આભાર માનું છું
thank you ❤😊
Keep supporting
Stay tuned
(આ મારી એક કલ્પના જ છે. તેેેનો કોઈ વ્યક્તિ, વસ્તુ કે સ્થળ સાથે કોઈ સંંબંધ નથી.)
