આપણે કેટલાકને કહેતા સાંભળ્યા છે કે “મારું તો નસીબ જ ખરાબ છે.” તો કેટલાકને “નસીબ જેવુ કાંઈ નથી હોતું, મહેનતથી જ બધુ પ્રાપ્ત થાય છે.” કહેતા સાંભળ્યા છે. પણ વળી આ નસીબ કઈ બલાનું નામ છે?
દોસ્તો, જો આપણે આપણાં વ્યક્તિત્વમાં નિખાર લાવવો હશે તો આ “નસીબ” શબ્દ અને તેના અર્થને સમજવો ખુબ જ જરૂરી છે. દરેક માણસ પોતાના જીવનકાળમાં અનેક ઘટનાઓમાંથી પસાર થાય છે, જન્મ, બાળપણ, શાળાજીવન, મિત્રમંડળ, જીવનસાથી, નોકરી-ધંધો, અને પછી પોતાના બાળકો… અને આમ જ જીવનકાળ અવિરત ચાલ્યા કરે છે. અને આ બધી જ ઘટનાઓ દરમિયાન જે શબ્દ સૌથી વધારે આપણે સાંભળીએ છીએ તે છે “નસીબ”…
દોસ્તો, આ “નસીબ” એટલે આપણાં ભૂતકાળમાં કરેલા કર્મોના આધારે આપણાં જીવનમાં ઘટતી અણધારી ઘટનાઓ કે જેના વિશે આપણને કંઈ જ ખબર નથી હોતી. બસ એ ઘટના ઘટે છે અને એને આપણે માત્ર સ્વીકારવાની હોય છે. સ્વીકારવી જ પડે છે… જેના પર આપણું કોઈ જ નિયંત્રણ નથી હોતું. બસ આને કહેવાય “નસીબ”. પણ હા હોં! આ “નસીબ”ને આપણાં નિયંત્રણમાં લાવવું એટલું અઘરું પણ નથી જ. બસ પોતાના પર આત્મવિશ્વાસ રાખી આગળ વધીએ અને સકારાત્મક્તા પૂર્વક સાચા રસ્તે સખત મહેનત કરીએ. બસ પછી જુઓ આપણું નસીબ કેવું બદલાય છે અને આપણી ઇચ્છા મુજબના પરિણામ આવે છે.
“જે છે, તે છે” બસ આ સ્વીકારી આગળ વધીશું તો ભયમુક્ત જીવન જીવી શકીશું. જે “નસીબમાં થવાનું છે તે તો થઈને જ રહેશે.” આ વાત સમજી ગયા એ સૌ સફળતા તરફ એક ડગલું આગળ વધી ગયા. કારણ કે તેમના જીવનમાં કોઈ પણ તકલીફો આવશે તોય એ ડગી નહીં જાય પણ “આ તો ભગવાન તરફથી થતી મારી પરીક્ષા છે. મને કંઈક સરસ પરિણામ આપવા માટે.” એમ કહી એ તકલીફ સામે લડી જશે. અને ક્યારેય એને અફસોસ પણ નહીં અનુભવાય, કારણ કે એ જાણે છે કે “મેં જે કર્યું છે એનું જ આ પરિણામ છે.” બસ આપણે પણ આ જ શીખવાનું છે. અને પછી જુઓ જીવન કેવું ખુશખુશાલ થઈ જાય છે.
આ નસીબ એટલે ભગવાન રામનું ચૌદ વર્ષનું વનવાસ, ભગવાન કૃષ્ણનું એક સામાન્ય શિકારી દ્વારા મોત, અને મીરાને ઝેર પીવાની ફરજ પડવી…. અને ઈતિહાસમાં અમર થઈ ગયેલ અનેક મહાનુભાવોના જીવનમાં આવેલ મુશ્કેલીઓ… તો પછી આપણે કોણ વળી?
બસ આટલું યાદ રાખો:
- જે છે, તે છે…
- જે થવાનું છે, તે તો થઈને જ રહેશે.
- બસ એને સ્વીકારીને આગળ વધવું અને જીવનને માણવું.!
"તમારી જાતને મહેનત કરવામાં આટલી મશગુલ કરી દ્યો કે તમને જરાય નવરુ બેસવું ગમે જ નહીં તમે ગમે તે કામ કરો પણ કરો સાહેબ કેમ કે નસીબ ના ભરોસે રેસો તો કઈ નય થાય કેમ કે ભગવાન આપણને આ ધરતી ઉપર મોકલી શકે પછી તો તમારે જ તમારું જીવન જાતે બનાવવાનું છે સાહેબ તો એટલા માટે હું કહું છું કે જે કરો તે બેસ્ટ કરો કરેલું કાર્ય ક્યારેય વેસ્ટ જતું નથી....
ઉમ્મીદ છે તમને કૈક સમજાણુ હશે મારી આગલી પોસ્ટ માટે રાહ જોજો મિત્રો હું લખું છું મને ખુબ શોખ છે ..
" એક નિયમ રાખજો જીવનમાં કે કોઈ નિયમ જ ન રાખતા તમારી જિંદગીમાં સાહેબ સમય બધું કરવા મજબૂર કરે છે, માટે પરિસ્થિતિ સામે લડતા શીખો તો જ આગળ આવી શકશો કેમ કે તમે જ તમારા ભવિષ્યના રચિયિતા છો જેથી સારું વિચારો....
WRITE BY Nilesh Chavda
all The Best....
All frinds
તમે જે વિચારો છો એજ થાય છે...
નશીબ
