કર્મે જ અધિકારી તું , કયારે ફળનો નહીં ,
મા હો કર્મફલે દ્રષ્ટિ,મા હો રાગ અકર્મમાં.
ગીતા - સંદેશ
કર્યા વગર કંઈ મળતું નથી
મફતનું લઈશ નહિ
કરેલું ફોગટ જતું નથી ,
નિરાશ થઈશ નહિ
કામ કરવાની શક્તિ તારામાં છે ,
લઘુગ્રંથી બાંધીશ નહિ
કામ કરતો જા, હાંક મારતો જા,
વિશ્વાસ ગુમાવીશ નહિ
મદદ તૈયાર છે .
મુલ્ય:- વાંચો અને વંચાવો
અનુક્રમણિકા
1. ગહના કર્મણો ગતિ :
2. કર્મ નો અટલ સિદ્ધાંત
3. કર્મ એટલે શું ?
4. ક્રિયમાણ કર્મ
5. સંચિત કર્મ
6. પ્રારબ્ધ કર્મ
7. કરેલાં કર્મો ભોગવવાં જ પડે
8. ધરમીને ઘેર ધાડ અને અધર્મીને
ઘેર વિવાહ
9. કર્મ ફળ આપીને જ શાંત થાય
10. ક્રિયમાણ કર્મ કરવાની પદ્ધતિ
11. પ્રારબ્ધ માં હોય તેટલુ જ મળે
12. તો પછી માણસે પુરુષાર્થ ન કરવો ?
13. પ્રારબ્ધ ક્યાં લડાવવું ? પુરુષાર્થ
ક્યાં કરવો ?
14. પ્રારબ્ધ અને પુરુષાર્થ એકબીજાનાં
વિરોધી નથી પણ પૂરક છે .
15. કર્મ કરવામાં સ્વતંત્ર , ફળ ભોગવ-
- વામાં પરતંત્ર
16. ફળ ભોગવવા દેહ ધારણ કરવો જ પડે કર્મ માં બાદબાકી નથી .
17. તો પછી મોક્ષ ક્યારે ?
18. પરંતુ કોઈ કર્મ જ ના કરીએ તો ?
19. ક્યાં ક્રિયમાણ કર્મો સંચિતમાં જમા
થતાં નથી .
20. અબૂધ અને અભાન દશામાં કરેલા
કર્મો
21. મનુષ્યેત્તર યોનિમાં કરેલાં કર્મ
22. કર્તાપણાના અભિમાન સિવાય કરેલાં
કર્મો
23. સમષ્ટિના કલ્યાણ માટે કરેલાં કર્મો
24. નિષ્કામ કર્મ
25. પ્રારબ્ધ તો ભોગવ્યે જ છૂટકો
સ્વેચ્છાકૃત -- ફળભોગ
પરેચ્છાકૃત -- ફળભોગ
અનિચ્છાકૃત -- ફળભોગ
બુદ્ધિ : કર્માનુસારિણિ
કર્મ બુદ્ધયાનુસારિંણમ્
26. ગ્રહો - નક્ષત્રો પ્રારબ્ધ ભોગવવામાં શું
મદદ કરે ?
27. નામ સ્મરણ - રામનામનો જપ પ્રારબ્ધ
ભોગવવામાં શું મદદ કરે ?
28. ભગવાન પ્રારબ્ધ ભોગવવામાં શું
મદદ કરે ?
29. ભગવાન પાસે આપણે શું માંગીએ
છીએ ?
30. સંચિત કર્મ માંથી કેવી રીતે છૂટવું ?
31. જ્ઞાનાગ્નિ કેવી રીતે પ્રગટ થાય ?
32. જ્ઞાન કેમ થતું નથી ?
તમે કોઈ દિવસ જ્ઞાન લેવા ગયા છો ?
મોક્ષ માર્ગ માં જતાં કોણ રોકે છે ?
33. કર્મયોગ -- જ્ઞાનયોગ -- ભક્તિયોગ
34. ભક્ત અને જ્ઞાની
35. ત્રણેય માર્ગ ઊપર ચાલનાર જીવનો
ભગવાન સાથેનો વ્યવહાર અલગ
અલગ હોય છે .
શ્રી હિરાભાઈ ઠક્કરે " Theory of Karma " " કર્મ નો સિદ્ધાંત " એ વિષય ઉપર આપેલા પ્રવચનો નો
ટૂંકસાર
( 1 ) ગહના કર્મણો ગતિ : ।
ભગવાન શ્રીકૃષ્ણે સ્વમુખે ગીતામાં કહ્યું છે કે કર્મની ગતિ ગહન છે .
શ્રીકૃષ્ણના મિત્ર સુદામાજી કર્મની ગહનતા
ગાતાં કહે છે કે : ---
ગહન દીસે છે કર્મની ગતિ ,
એક ગુરૂના વિદ્યાર્થી ,
તે થઈ બેઠો પૃથ્વીપતિ ,
મારા ઘરમાં ખાવા રજ નથી !
રમાડતો ગોકુળ માંકડા ,
ગુરૂને ઘેર લાવતો લાકડાં ,
તે આજ બેઠો સિંહાસન ચઠી ,
મારે તુંબડી ને લાકડી ! કર્મની ગતિ અટપટી છે કારણ કે જીવન
અટપટું છે . એક માણસ દુ:ખી કેમ અને બીજો સુખી કેમ ? વધારે આશ્ચર્ય તો એ
દેખાય છે કે હરામખોરો , લુચ્ચાઓ , કાળા
બજારિયાઓ , લાંચ લેનારાઓ સુખી દેખાય છે . તેમની પાસે બંગલા , મોટરો ,
પંખા , રેડિયો લાખો રૂપિયા છે . જ્યારે
ન્યાય નીતિ ધર્મથી પવિત્ર જીવન જીવનારા
લોકો દુ:ખી દેખાય છે . તેનું શું કારણ ? આવું જ્યારે જગતમાં પ્રત્યક્ષ દેખાય છે
ત્યારે આપણી ઈશ્વરમાંથી શ્રધ્ઘા ડગી જાય છે આ સૃષ્ટિના સંચાલનમાં કોઈ કાયદો કાનૂન હશે કે નહિ કે બધૂં અંધેર
ચાલે છે ? આવો પ્રશ્ન થાય છે . આવું જોઈને આપણને કેટલીક વખત એમ લાગે
કે ખુદા કે ઘર અંધેર હૈ .
પરંતુ ખરી હકીકત એ છે કે
ખુદા કે ઘર દેર ભી નહી હૈ ઔર અંધેર ભી
નહી હૈ આ વાતને યથાર્થ રીતે સમજવા
માટે કર્મ ના કાયદાનો અભ્યાસ કરવાની
જરૂર છે .
