Description

आज सुजित इंजिनिअर झाला. तो विद्यापीठात तिसरा आला. सगळीकडे त्याचे कौतुक झाले. आईचा उर अभिमानाने भरून आला. त्याच्या लग्नाचा विषय घरी सुरु झाला होता. आईचा लाडका मुलगा असल्याने आई जातीने त्याच्यासाठी मुली पाहात होती. आईने ब-याच मुली पाहिल्या . त्यातली एक पसंत केली. मुलगी एवढी संस्कारी होती की आई जेंव्हा प्रश्न विचारत होती तेंव्हा ती समोरच्या खुर्चिवर बसलीसुद्धा नाही. अगं बस ! म्हणलं तरी तशीच अदबीने उभी राहिली. सर्व प्रश्नांची उत्तरं तीने नम्रपणे दिली. मोठ्या माणसांसमोर उलटं बोलायचं नाही असे संस्कारच होते तिला घरच्यांचे.मुलगी दिसायला कुरूप होती, चेहरा मुरुमाच्या फोडांनि भरला होता तरी आईला शंभर टक्के पसंत पडली.