" ધૂપ-છાઁવ " પ્રકરણ-1 " જય સદ્દગુરૂ સ્વામી પ્રભુ, જય સદ્દગુરૂ સ્વામી.. ‌ સહજાનંદ દયાળુ, સહજાનંદ દયાળુ, બળવંત બહુનામી પ્રભુ, ‌ જય સદ્દગુરૂ સ્વામી...." લક્ષ્મીની સવાર રોજ આમજ પડતી. તમે ઘડિયાળ પણ મેળવી શકો એટલી નિયમિતતાથી સવારે 6.00 વાગે લક્ષ્મીના અવાજમાં પ્રભુની પ્રાર્થનાના સૂર રેલાઈ જતાં.. આજુબાજુ વાળાને પણ એલાર્મ ની જેમ 6.00 વાગે પ્રભુ ભક્તિમાં લીન લક્ષ્મીના ભજન-કીર્તન અને ઘંટડીના અવાજ ઉઠાડી દેતા હતા. લક્ષ્મીને પરણીને આવ્યે અઢી દાયકા વીતી ચૂક્યા હતા. પણ આ ઘરમાં તે છેલ્લા દશ વર્ષથી રહેતી હતી. વસ્ત્રાપુર લેક જેવા ...Read More

" ધૂપ-છાઁવ " પ્રકરણ-2લક્ષ્મીબાનો અવાજ એમના આ ભવ્ય ફ્લેટમાં જાણે પડઘા પડતા હોય તેમ ગુંજી રહ્યો હતો. અને અપેક્ષા ઊંઘમાંથી ઉઠી ગઈ હતી અને આંખો ખોલવાની કોશિશ કરી રહી હતી. સાટિનની રજાઈ ખસેડીને જરા બેઠી થઈ અને માંડ માંડ બંને આંખો ખોલીને તે બોલી, " શાંતિથી ઊંઘવા મળે છે તો ઊંઘતી નથી અને બીજાને પણ ઊંઘવા દેતી નથી મા,શી ખબર તને શું મળે છે આમાંથી...?? " સેવનના લાકડામાંથી બનાવેલ સુંદર ભગવાનના કબાટની સામે એક નાની કાચની ટિપોઈ મૂકેલી હતી ત્યાં લક્ષ્મીબાએ આરતી મૂકી અને ઘંટડી પણ તેની બાજુમાં જ મૂકી અને પછી મનમાં મલકાતાં મલકાતાં અપેક્ષાના વૈભવી બેડરૂમમાં પ્રવેશ્યા. ...Read More

" ધૂપ-છાઁવ " પ્રકરણ-3 ભરયુવાનીના કપરા પચ્ચીસ વર્ષ એકલા ગાળ્યા... નાના બાળકોને રડતાં મૂકીને ચાલ્યા ગયેલા નિષ્ઠુર પતિને માફી માટે લક્ષ્મીબાનું મન જરાપણ તૈયાર ન હતું.પોતાના જીવનમાં જ્યારે તેમની જરૂર હતી,ભરયુવાનીમાં લોકો અને આ સમાજ જ્યારે પોતાની સામે ખરાબ દ્રષ્ટિથી જોતા હતા, પોતે અને પોતાના બાળકો ભૂખ-તરસથી વલખાં મારતા હતા ત્યારે તેમને બધાંને રડતાં-ટળવળતાં મૂકીને ચાલ્યા જતાં તેમને જરાપણ શરમ કે દયા માત્ર ન હતા અને હવે આટલા વર્ષોના વહાણા વાયા પછી અચાનક અમારી યાદ આવી ગઈ...?? જેવા અનેક સવાલો લક્ષ્મીબાના મનને અકળાવી રહ્યા હતા. એક સમયના શેરબજારના કિંગ ગણાતા વિજય મહેતાએ એકાએક દેવુ થઈ જતાં, ડરપોક લુચ્ચા શિયાળની ...Read More

" ધૂપ-છાઁવ " પ્રકરણ-4લક્ષ્મી શામળાની પોળમાં જ એક ઓરડીમાં ભાડે રહેવા લાગી અને આજુબાજુ વાળાના ઘરકામ કરી પોતાનું અને બે છોકરાઓનું ગુજરાન ચલાવતી, કેટલીયે વાર લક્ષ્મી ભૂખ્યા પેટે સૂઇ જતી. માસૂમ ફૂલ જેવા બાળકોને કોળિયા ભરાવતાં ભરાવતાં કેટલીયે વાર લક્ષ્મીની આંખમાંથી શ્રાવણ-ભાદરવો વર્ષી જતાં. નાના બાળકોના માસૂમ સવાલ, " મમ્મી, તું કેમ રડે છે..? " નો લક્ષ્મી પાસે કોઈ જવાબ ન હતો. આવા ગોઝારા કેટલાય દિવસો લક્ષ્મીએ ભર જુવાનીની સાક્ષીએ વિતાવ્યા હતા.કેટલીએ વાર વિજયના મિત્રોને તે પૂછ્યા કરતી હતી કે વિજયના કોઈ સમાચાર મળે છે કે નહિ પણ હંમેશાં તેને નિરાશા જ મળતી....અને હવે આટલા વર્ષે સ્વપ્નમાં પણ વિચાર્યું ...Read More

અપેક્ષાના સવાલોએ લક્ષ્મી ભૂતકાળ માં ધકેલી દીધી હતી. હવે ઉંમરની સાથે સાથે લક્ષ્મીનું હ્રદય પણ નબળું પડી ગયું હતું. શું જવાબ આપવો તે કંઈ સમજાયું નહીં. પણ અપેક્ષાને જણાવ્યા વગર છૂટકો ન હતો. લક્ષ્મીને જાણે ડૂમો ભરાઈ ગયો. કંઇક કહેવા માંગતી હોય અને ન કહી શકતી હોય તેવું અપેક્ષાને લાગ્યું તેણે ભારપૂર્વક લક્ષ્મીને પૂછ્યું કે, " શું થયું છે મા, કંઇક કહું તો ખબર પડે. " અને લક્ષ્મીની આંખમાંથી અશ્રુધારા વહેવા લાગી. રડતાં રડતાં લક્ષ્મી બોલતી હતી કે, " તારા પપ્પા, તારા પપ્પા... " અપેક્ષા: શું થયું મારા પપ્પાને...??લક્ષ્મી: તારા પપ્પા અહીં આવ્યા છે અમદાવાદમાં અને આપણને મળવા માંગે છે.અપેક્ષા લક્ષ્મીની ...Read More

વિજય સસુરપક્ષ તરફથી કરોડોની મિલકતનો માલિક બન્યો અને ન્યૂયોર્કનો ટોપનો બિઝનેસમેન બની ગયો.આટલા બધાં વર્ષો વીતી ગયા છતાં પણ પત્ની લક્ષ્મી અને બાળકોને મળવાની તડપને વિજય રોકી શક્યો ન હતો અને માટે જ તે આટલા વર્ષે ઈન્ડિયા આવ્યો હતો. અને તેની સાથે તેની નાની દીકરી રુહી પણ જીદ કરીને આવી હતી. જ્યારથી તેને ખબર પડી હતી કે,ડેડ ઈન્ડિયા જવાના છે ત્યારથી તે કહ્યા કરતી હતી કે," ડેડ, આ વખતે આપણે ઈન્ડિયા જવાનું જ છે અને હું તમારી સાથે ઈન્ડિયા આવવાની જ છું કારણ કે મારે ઈન્ડિયા જોવું છે."‌ અને વિજય ચાહવા છતાં પણ ઈન્કાર કરી શક્યો ન હતો.વિજયે નિલીમા સાથે ...Read More

અભયશેઠ એક ખ્યાતનામ વ્યક્તિત્વ, એક હોનહાર બિઝનેસ મેન, ન્યૂયોર્કના ટોપ બિઝનેસ મેનોની યાદીમાં તેમનું પણ નામ સામેલ હતું. કરોડપતિ વિજયને પોતાના દિકરા કરતાં વિશેષ સાચવ્યો હતો અને દિકરા કરતાં વધારે વિશ્વાસ મૂકીને સમગ્ર બિઝનેસનો વહીવટ વિજયના નેક હાથમાં સોંપીને તેમણે પોતાનો છેલ્લો દમ તોડયો હતો અને હરિ શરણું સ્વિકાર્યું હતું.વિજય મુશ્કેલીમાં મુકાઇ ગયો હતો. તેને શું કરવું કંઈ જ ખબર પડતી ન હતી અભય શેઠે પણ કંઇક એવું જ વ્હીલ બનાવ્યું હતું કે નીલિમા લગ્ન કરી લે પછી અભય શેઠની તમામ મિલકત નીલિમાના નામે થવાની હતી તેથી અને વળી અભયશેઠે અંતિમ શ્વાસ લેતી વખતે નિલીમાનો હાથ ખૂબ જ વિશ્વાસથી ...Read More

આપણે પ્રકરણ-7 માં જોયું કે, લક્ષ્મીએ એક ઊંડો શ્વાસ લીધો અને ભીનાં અવાજે વિજયને કહ્યું, " નથી જ ભૂલી, જ કહો ને કોઈ ભૂલી શકે ભલા..?? તમારા બે બાળકોની માતા છું હું, અત્યાર સુધી ફક્ત "માં" બનીને જીવી છું. બાળકોને મારા ભાગના પ્રેમની સાથે-સાથે તેમને પિતાના ભાગનો પણ પ્રેમ આપ્યો છે. મારી ફરજોની સાથોસાથ પિતાના ભાગની ફરજો પણ અદા કરી છે. કોઈ ઉપકાર નથી કર્યો મેં, મારી ફરજ હતી તે, પણ હવે તમને આજે નજર સમક્ષ જોઇને જાણે જિંદગીનો બધો જ થાક ઉતરી ગયો છે. " અને લક્ષ્મી વિજયના ખભા પર માથું ઢાળી રડી પડી... આટલાં વર્ષો પછી જાણે ...Read More

વિજયે પોતાની જીવનકહાનીની શરૂઆત કરતાં કહ્યું કે, " લક્ષ્મી, હું તને ક્ષણવાર માટે પણ ભૂલી શક્યો નથી, તું અને બંને બાળકો મને જીવથી પણ વધારે વ્હાલાં છો. બસ, પરિસ્થિતિનો સામનો ન કરી શક્યો અને માટે ભાગી છૂટયો હતો તારો અને મારાં બંને બાળકોનો હું ગુનેગાર છું. વિચાર્યું હતું કે થોડાઘણાં પૈસા કમાઈ લ‌ઈશ પછી તમારી લોકોની પાસે પાછો ચાલ્યો આવીશ, પણ તકદીરે મારું ધાર્યું થવા ન દીધું, મારું તકદીર મને છેક ક્યાંથી ક્યાં ખેંચી ગયું..!! અને હું તેની પાછળ બસ ખેંચાતો જ ગયો, ખેંચાતો જ ગયો. તેણે મને જેમ દોડાવ્યો તેમ હું દોડતો જ રહ્યો બસ દોડતો જ રહ્યો, ...Read More

આપણે પ્રકરણ 9 માં જોયું કે, લક્ષ્મી પોતાની આપવીતી કહેતાં કહેતાં નર્વસ થઈ ગઈ હતી અને કહેતી હતી કે, ભર્યું આ જીવન જીવીને હું પણ હવે થાકી ગઈ છું જીવનની સંધ્યાએ તમે મળ્યા તેનો આનંદ કંઈક અનેરો જ છે કદાચ, મારી એ વેદના તમે નહીં સમજી શકો. જો સમજી શક્યા હોત તો આમ છોડીને ચાલ્યા ગયા ન હોત..!! ખેર, હવે જે થયું તે..!!" અને આપણો અક્ષત અત્યારે યુ.એસ.એ.માં છે, વેલસેટ છે. મને પણ ત્યાં બોલાવે છે પણ જવાની ઈચ્છા થોડી ઓછી હતી તેથી હું ન ગઈ... હવે આગળ.... વિજય: ઓહો. અક્ષત યુ.એસ.એ. માં છે..?? કઈ રીતે પહોંચ્યો..?? લક્ષ્મી: શામળાની ...Read More

આપણે પ્રકરણ-10 માં જોયું કે, અક્ષતે, ત્રિલોકભાઈ અને સુહાસીની બેને મૂકેલી શરતને નામંજુર કરી દીધી અને ત્રિલોકભાઈને જવાબ આપી કે, "મને માફ કરો હું તમારી દીકરી અર્ચનાને આજથી જ ફોન કે કોઈ કોન્ટેક્ટ નહીં કરું તેની ખાત્રી રાખજો. " અને અક્ષત તેમને બે હાથ જોડીને પગે લાગ્યો અને ઘરની બહાર ચાલ્યો ગયો... ત્રિલોકભાઈ અને સુહાસીનીબેને મને ખૂબ વિનંતિ કરી કે," તમે તમારા અક્ષતને સમજાવો તો સારું, એનું ભવિષ્ય ઉજ્જવળ બનશે પછી તમારી ઈચ્છા. " ઈશ્વરે ફરીથી મારી પરીક્ષા લીધી હતી.મને અસમંજસમાં મૂકી હતી... એક બાજુ આખી જિંદગી તકલીફ વેઠીને મારા જીગર ના ટુકડા ને મેં મોટો કર્યો હતો તેને ...Read More

આપણે ગયા પ્રકરણમાં જોયું કે, અપેક્ષાએ અત્યારે શહેરના ખ્યાતનામ બિઝનેસમેન શ્રી ધીમંતશેઠ જોડે લગ્ન કર્યા છે. અત્યારે તે ખૂબ છે. તેના જીવનમાં પણ ઘણી ચઢતી-પડતી આવી ગઈ, જેનો તેણે હંમેશાં હસતે મુખે સામનો કર્યો. અપેક્ષા કૉલેજમાં હતી ત્યારે મિથિલ નામનો એક હેન્ડસમ, રૂપાળો નવયુવાન તેની જિંદગીમાં આવ્યો હતો પણ તેણે અપેક્ષાને ખૂબજ અન્યાય કર્યો હતો.... મિથિલ નામનો છોકરો કોલેજના બીજા વર્ષમાં ભણતો હતો ખૂબજ હેન્ડસમ અને અને ફેરલુકિંગ અને પૈસેટકે ખૂબજ સુખી-સંપન્ન હતો. નવી નવી છોકરીઓને ફસાવવી તે તેની આદત હતી. હવે તેની નજર ખૂબજ રૂપાળી, ભોળી-ભાળી અપેક્ષા ઉપર હતી. અપેક્ષા કૉલેજના પહેલા વર્ષમાં હતી, તેને વાંચવાનો ખૂબ શોખ ...Read More

આપણે પ્રકરણ-12 માં જોયું કે, અપેક્ષાએ મિથિલને બહાર મળવા માટે બોલાવ્યો અને પોતે તેના બાળકની માતા બનવાની છે તે જણાવી પરંતુ મિથિલે આ આખીયે વાત હસવામાં કાઢી નાંખી અને અપેક્ષાને આ બાળક કઢાવી નાંખવા માટે, અબોર્શન કરાવવા માટે ફોર્સ કર્યો. અપેક્ષા આમ કરવા માટે તૈયાર ન હતી. અપેક્ષાએ તેને ધમકી આપી કે તે પોલીસ ફરિયાદ કરશે અને તેને પોલીસ કસ્ટડીમાં પૂરાવી દેશે. પણ અપેક્ષાની આ ધમકીની મિથિલ ઉપર કોઈજ અસર થઈ નહીં અને તેણે અપેક્ષાને અબોર્શન કરાવવા માટેનો ફોર્સ ચાલુ જ રાખ્યો. લક્ષ્મીની રાતની ઊંઘ પણ હરામ થઈ ગઈ હતી, " હવે શું કરવું..?? " તે પ્રશ્ન તેને પળે ...Read More

આપણે પ્રકરણ 13માં જોયું કે, મિથિલ ધમકી આપીને, અપેક્ષાને ત્યાં જ ? રડતી છોડીને ચાલ્યો ગયો. હવે શું કરવું..?? ક્યાં જવું..?? તે અપેક્ષા માટે એક પ્રશ્ન હતો. પોતે મમ્મીને પણ અબોર્શન કરાવવા માટે "ના" પાડીને આવી હતી અને મમ્મીને સમજાવીને કહીને આવી હતી કે, " હું મિથિલને પ્રેમ કરું છું તેમ મિથિલ પણ મને ખરા હ્રદયથી ચાહે છે, હું તેને પ્રેમથી સમજાવીશ એટલે તે માની જશે અને પછી અમે બંને લગ્ન કરી લઈશું. " હવે તે વિચારી રહી હતી કે, હું હવે કોઈને મોં બતાવવાને લાયક રહી નથી. તેથી હવે સ્યૂસાઈડ કર્યા સિવાય મારી પાસે બીજો કોઈ રસ્તો રહ્યો ...Read More

આપણે ગયા પ્રકરણમાં જોયું કે, અપેક્ષાના મિથિલ સાથે કોર્ટમાં લગ્ન કરવામાં આવ્યા. અપેક્ષાની ખુશીનો કોઈ પાર ન હતો કારણ તેણે સાચા હ્રદયથી મિથિલને ચાહ્યો હતો અને તેને મિથિલ સાથે જ લગ્ન કરવા હતાં અને એક સુંદર અને નવા જીવનની શરૂઆત કરવી હતી. લગ્ન કર્યા બાદ મિથિલ અપેક્ષાને લઈને પોતાના ઘરે ગયો પરંતુ મિથિલના પપ્પાએ અપેક્ષાનો દિકરાની વહુ તરીકે સ્વીકાર કરવાનો ઈન્કાર કર્યો અને તેને તેમજ અપેક્ષાને ઘરમાંથી કાઢી મૂક્યા. હવે ક્યાં જવું તે મિથિલ અને અપેક્ષા માટે એક પ્રશ્ન હતો..?? અપેક્ષાએ પોતાની મમ્મીના ઘરે જવાનું નક્કી કર્યું. મિથિલે તેમ કરવાનો સાફ ઇન્કાર કર્યો પરંતુ તેમની પાસે બીજો કોઈ રસ્તો ...Read More

આપણે પ્રકરણ-15 માં જોયું કે, અપેક્ષાને આજે પોતે મિથિલ સાથે લગ્ન કર્યા તે જિંદગીની બહુ મોટી ભૂલ કરી છે વાત સમજાઈ રહી હતી અને પોતાની માં લક્ષ્મીના એકે એક શબ્દો તેને યાદ આવી રહ્યા હતાં પણ હવે જે બનવાનું હતું તે બની ચૂક્યું હતું તેથી હવે તેને આ બધુંજ સહન કર્યા સિવાય છૂટકો પણ ન હતો..!! હવે તે મિથિલ પાસે પાછી જવા માંગતી ન હતી કારણ કે તેનાથી મિથિલનો માર હવે સહન થતો ન હતો તેથી તેણે પોતાની માં લક્ષ્મી સાથે લક્ષ્મીના ઘરે જ રહેવાનું નક્કી કર્યું અને મિથિલથી હંમેશ માટે છૂટકારો મેળવવા માટે મિથિલ પાસે ડાયવોર્સ માંગી લીધાં. ...Read More

આપણે પ્રકરણ-16 માં જોયું કે ડૉક્ટર નીશીત શાહે લક્ષ્મીને અપેક્ષાની સાથે, અત્યાર સુધીમાં જે કંઈ પણ બન્યું તે બધું પૂછી લીધું અને પછી તેમણે લક્ષ્મીને કહ્યું કે અપેક્ષાને ચોક્કસ સારું થઈ જશે પરંતુ થોડો સમય લાગશે. ડૉક્ટર નીશીત શાહે અપેક્ષાની સાથે જે કંઈપણ બન્યું છે તે વાત અપેક્ષા ભૂલી શકે તે માટે તેનું ધ્યાન બીજી કોઈ પ્રવૃત્તિમાં પરોવાય તે ખૂબજ જરૂરી છે. તો તમે તેને રસ પડે તેવી બીજી કોઈ પ્રવૃત્તિમાં વાળી દો તેમ પણ કહ્યું. ત્યારબાદ લક્ષ્મીએ ડૉક્ટર નીશીત શાહને જણાવ્યું કે અપેક્ષા એક બ્યુટીપાર્લરમાં જોબ કરતી હતી જો તે આ કામ ફરીથી કરે તો તેનું મન તેમાં ...Read More

આપણે ગયા પ્રકરણમાં જોયું કે, અપેક્ષા કોઈપણ નાના બાળકને જોઈને, પોતાના ખોળામાં પણ આવું નાનું માસુમ બાળક રમતું હોત વિચારીને ઈમોશનલ થઈ જતી હતી અને રડવા લાગતી હતી. હવે આ વાત તેના દિલોદિમાગમાંથી કઈ રીતે કાઢવી તે એક પ્રશ્ન છે.લક્ષ્મી વિચારી રહી હતી કે, અપેક્ષાને વર્તમાન તરફ કઈ રીતે પાછી વાળવી..?? લક્ષ્મી તેને પ્રેમથી સમજાવતી હતી કે, " બેટા, આપણાં કર્મોને આધીન આપણાં નસીબમાં જે લખ્યું હોય તે હંમેશા બનીને જ રહે છે. તેને કોઈ મિથ્યા કરી શકે તેમ નથી. આપણે કરેલા કર્મોનો ભોગવટો આપણે જ કરવો પડે છે. છૂટકો નથી બેટા. " પણ જાણે અપેક્ષાને સમજાવવી‌ મુશ્કેલ જ ...Read More

આપણે પ્રકરણ-18 માં જોયું કે લક્ષ્મી પોતાના દિકરા અક્ષતની સાથે યુએસએ જવાની "ના" પાડતાં કહે છે કે, " ના હું એકલી નથી. મારી સાથે મરો ભગવાન છે અને કોકીમાસી પણ એકલા જ છે ને.. હું તેમને મારી સાથે જ રહેવા માટે બોલાવી લઈશ. " અક્ષત: પણ મમ્મી, તને એકલી મૂકીને જવાનો મારો જરા પણ જીવ ચાલતો નથી. અને તો પછી અપેક્ષાને પણ મારી સાથે ન લ‌ઈ જવું..?? લક્ષ્મી: ના બેટા, મારું કહેવું માન અને અપેક્ષાને, તારી બહેનને અત્યારે મારા કરતાં વધારે તારી જરૂર છે, તે જે મને ન કહી શકી તે વાત તે તને કહેશે અને બીજું કે તું ...Read More

આપણે પ્રકરણ-19 માં જોયું કે ઈશાનને જોઈને અક્ષતના મનમાં અચાનક એક વિચાર આવ્યો કે અપેક્ષાને તેના સ્ટોર ઉપર કામ માટે મોકલી શકાય તો બહાર બીજે ક્યાંય મોકલવાનું ટેન્શન પણ નહીં અને ઈશાનને અપેક્ષાની માનસિક પરિસ્થિતિ સમજાવી પણ શકાય. તેથી તેણે ઈશાનને પોતાની બહેન અપેક્ષાની હાલની પરિસ્થિતિની જાણ કરી અને તેના સ્ટોર ઉપર બેસાડવા માટે પૂછ્યું..?? ઈશાનને અપેક્ષાની માનસિક પરિસ્થિતિની જાણ થતાં જ તેને અપેક્ષા માટે લાગણી થઇ તેમજ તે અત્યારે કેવી નાજુક પરિસ્થિતિમાંથી પસાર થઈ રહી છે તે જાણીને દુઃખ પણ થયું, પોતાની બહેનની આવી ખરાબ હાલત જોઈને અક્ષતની શું હાલત થતી હશે..?? તે વિચાર માત્રથી ઈશાન હચમચી ગયો ...Read More

આપણે પ્રકરણ-20 માં જોયું કે, ઈશાન પોતાની જગ્યાએથી ઉભો થયો અને તેણે અપેક્ષાને પાણીનો ગ્લાસ ધર્યો. અપેક્ષાને પણ જાણે ડૂમો બાઝી ગયો હોય તેમ તેણે ઈશાનના હાથમાંથી પાણીનો ગ્લાસ લઈ લીધો અને બધું જ પાણી ફટાફટ ગટ ગટાવી ગઈ પછી તેણે ઈશાનની સામે ગ્લાસ પાછો ધર્યો. ઈશાને ગ્લાસ તેની જગ્યાએ મૂક્યો અને એક સ્ટુલ લઈ તે અપેક્ષાની સામે બેસી ગયો અને ફ્રેન્ડશીપ માટે તેણે અપેક્ષાની સામે હાથ લંબાવ્યો અને બોલ્યો કે, " અપેક્ષા,‌ ફ્રેન્ડ બનીશ મારી..?? " અપેક્ષા ઈશાનના પ્રશ્નનો કંઈજ જવાબ આપી શકી નહીં પણ તેના મગજમાં શું વિચાર આવ્યો કે તરત જ તેણે ઈશાનની દોસ્તીનો સ્વિકાર કરતી ...Read More

આપણે પ્રકરણ-21 માં જોયું કે અપેક્ષાની સાથે કેટલું ખરાબ વીત્યું હશે..?? જેને કારણે તેની આ દશા થઈ છે..!! વગેરે ઈશાનને મૂંઝવી રહ્યા હતા. સાંજ પડતાં સ્ટોર બંધ કરવાનો સમય થતાં જ અર્ચના અપેક્ષાને લેવા માટે આવી ગઈ હતી. નાના બાળકને શીખવાડવામાં આવે તેમ અર્ચનાએ અપેક્ષાને ઈશાનને " બાય " કહેવા માટે સમજાવ્યું. અપેક્ષાએ હાથ હલાવીને ઈશાનને "બાય" કહ્યું અને અર્ચના અને અપેક્ષા બંને નીકળી ગયા. ઈશાન પણ જાણે એકલો પડી ગયો હોય તેમ બે મિનિટ થંભી ગયો અને ચૂપચાપ બસ અપેક્ષાને વિદાય થતી જોઈ રહ્યો અને પછી સ્ટોર બંધ કરીને ઘર તરફ રવાના થયો. મમ્મી-પપ્પા સાથે બેસીને જમવાનું જમ્યા ...Read More

આપણે પ્રકરણ-22 માં જોયું કે ઈશાન અપેક્ષાની ચિંતા પોતાને શિરે લેતાં અક્ષતને કહે છે કે.... ઈશાન: તું હવે અપેક્ષાની મારી ઉપર છોડી દે, તેને ઓ.કે. કરવાની જવાબદારી મારી.. અક્ષત: ઓકે ડિયર.. ઈશાન: બોલ બીજું કંઈ.. અક્ષત: ના, બસ બીજું કંઈ નહીં, મળીએ પછી.બાય ઈશાન: ઓ.કે. બાય. અને બંનેએ ફોન મૂક્યો. પણ ઈશાનનું મન અપેક્ષાના વિચારોમાં જ અટકેલું હતું. તે વિચારતો હતો કે આટલી હદ સુધીના નાલાયક છોકરાઓ પણ હોઈ શકે છે જે આવી માસુમ છોકરીઓને ફસાવીને પોતાની હવસનો શિકાર બનાવીને પછી છોડી દે છે. ધિક્કાર છે આવા છોકરાઓને...અને વિચારતાં વિચારતાં ક્યારે તેને ઊંઘ આવી ગઈ તેની તેને ખબર જ ...Read More

આપણે પ્રકરણ-23 માં જોયું કે અપેક્ષા પોતાના કામમાં બિલકુલ મશગૂલ થઈ ગઈ હતી. સ્ટોર ગોઠવવામાં ને ગોઠવવામાં આજે પણ દિવસ પૂરો થઈ ગયો હતો પછી ઈશાને અપેક્ષાને સાંજના ડિનર માટે પૂછ્યું અને પોતાને આજે પીઝા ખાવાની ઈચ્છા છે તો "મેકડોનાલ્ડ" માં ઑર્ડર કરીશું..?? તું મને કંપની આપીશને..?? એમ ઈશાને પ્રેમથી અપેક્ષાની સામે જોઈને તેને પૂછ્યું. અને વિચારવા લાગ્યો કે, "આ મોંમાંથી કંઈક બોલે તો સારું..!!" પણ અપેક્ષાની વાચા તો જાણે તેની પરિસ્થિતિએ છીનવી જ લીધી હોય તેમ તેણે માથું ધુણાવીને જ "ના" નો જવાબ આપ્યો. અપેક્ષાએ "ના" નો જવાબ આપ્યો તે ઈશાનને બિલકુલ ન ગમ્યું અને તે ફરીથી અપેક્ષાની ...Read More

આપણે પ્રકરણ-24 માં જોયું કે, ઈશાન અક્ષતને, અપેક્ષા કંઈજ બોલી નથી રહી અને આખો દિવસ ચૂપચાપ રહ્યા કરે છે માટે પૂછપરછ કરી રહ્યો છે. ઈશાન: ઑહ, આઈ સી. મારે ગમે તેમ કરીને તેને બોલતી કરવાની છે તેમ જ ને..?? આઈ વિલ ટ્રાય માય બેસ્ટ અને હું તેને બોલતી કરીને જ રહીશ, ડોન્ટ વરી અબાઉટ ઈટ. આઈ વિલ હેન્ડલ હર. અક્ષત: ઓકે બાય ડિયર‌. મળીએ પછી. ઈશાન: ઓકે. એટલામાં પીઝાની ડિલિવરી લઈને પીઝા બૉય આવી ગયો એટલે ઈશાને પીઝાનું પાર્સલ પીકઅપ કર્યું અને ખુશ થઈને અપેક્ષાની સામે જોઈને બોલી પડ્યો કે, " ચલો મૅડમ, પીઝા ખઈ લઈશું..?? અને અપેક્ષાએ ફરીથી ...Read More

આપણે પ્રકરણ-25 માં જોયું કે, અર્ચના અક્ષતને કહી રહી છે કે, " ઈશાન ઈઝ વાઈઝ બોય,‌ તે જે રીતે ટેકલ કરી રહ્યો છે તે જોતાં મને લાગે છે કે બહુ જલ્દીથી આપણી અપેક્ષા નોર્મલ થઈ જશે." અક્ષત અને અર્ચનાએ અપેક્ષાની ચિંતામાં વાતો કરતાં કરતાં જ પોતાનું ડિનર ક્યાં પૂરુ કરી લીધું તેની ખબર જ ન પડી અને એટલામાં અપેક્ષાના સેલફોનમાં તેની માં લક્ષ્મીનો વિડિયો કૉલ આવ્યો એટલે તે લાઈટ પીંક કલરની રેેશમી નાઈટીમાં પોતાના રૂમમાંથી ફોન હાથમાં લઈને ડ્રોઈંગ રૂમમાં આવી અને ફોન અક્ષતના હાથમાં આપ્યો. અક્ષત: માં છે તો વાત કર માં સાથે. પણ અપેક્ષાએ માથું ધુણાવીને ધરાર ...Read More

આપણે પ્રકરણ-26 માં જોયું કે લક્ષ્મી પ્રાણથી પણ પ્યારા અને પોતાનાથી જોજનો દૂર વસતા પોતાના બાળકો સાથે વાત કરે અક્ષત અને અર્ચના પોતાની માં ને પોતાની સાથે રહેવા માટે યુએસએ બોલાવે છે પરંતુ લક્ષ્મી "ના" જ પાડે છે અને કહે છે કે, લક્ષ્મી: ના બેટા,‌ હું અહીં જ મજામાં છું અને મારી તબિયત પણ સારી છે. મારી ચિંતા ન કરશો. બસ, ભગવાન કરે ને મારી અપેક્ષાને સારું થઈ જાય એટલે બસ. અર્ચના: માં, તમે તેની ચિંતા ન કરશો, તેની તબિયત ઘણી સુધારા ઉપર છે, થોડા સમયમાં જ તે બિલકુલ નોર્મલ થઈ જશે. અને લક્ષ્મીના મનને આજે અક્ષત અને અર્ચના ...Read More

આપણે પ્રકરણ-27 માં જોયું કે, અપેક્ષાની તબિયત સારી ન હતી તેથી તે ઈશાનના સ્ટોર ઉપર જઈ ન શકી તો જાણે તે પોતે એકલો હોય તેવું ફીલ થવા લાગ્યું અને સ્ટોર ઉપર કે બીજા કોઈ પણ કામમાં તેનું મન લાગ્યું નહિ તેમજ તેને અપેક્ષાની કમી વર્તાવા લાગી તેથી તેણે અર્ચનાને ફોન કર્યો અને અપેક્ષાને હવે સારું હોય તો સ્ટોર ઉપર મૂકી જવા માટે રીક્વેસ્ટ કરી. પરંતુ અર્ચના પોતાના કામમાં થોડી બીઝી હતી તેથી તેણે પોતે મૂકવા નહિ આવી શકે તેમ જણાવ્યું. ઈશાનને તો ભાવતું'તુ અને વૈદ્યે કીધું હોય તેમ તે અપેક્ષાને લેવા જવા માટે તૈયાર જ હતો. છેલ્લા ઘણાં સમયથી ...Read More

આપણે પ્રકરણ-28 માં જોયું કે, અક્ષત અપેક્ષાને પૂછવા લાગ્યો કે, "વ્હાય આર યુ નોટ કમીંગ એટ ધ સ્ટોર...??" અને જવાબ આપ્યો કે, "બસ, થોડી તબિયત ખરાબ હતી." ઈશાન: નાઉ, આર યુ ઓકે..?? અપેક્ષા: નો, નોટ શો ગુડ ઈશાન: પણ, તને થયું છે શું..એ તો કહે...?? અપેક્ષા: બસ, કંઈ નહીં એ તો આજે મમ્મીનો ફોન આવ્યો હતો મારી ખબર પૂછવા માટે અને બસ થોડી જૂની વાતો યાદ આવી ગઈ એટલે... ઈશાન: જો અપેક્ષા, હવે તારે એ બધી જૂની વાતો અને જૂની યાદોને હંમેશ માટે ભૂલી જવી પડશે અને તો જ તું તારી આ નવી જિંદગી શાંતિથી અને સારી રીતે જીવી ...Read More

આપણે પ્રકરણ-29 માં જોયું કે,‌ અપેક્ષા ખૂબજ દુઃખી હતી અને તેને ઈશાને શાંત પાડી અને પ્રેમથી સમજાવી કે ભૂતકાળને જવામાં અને વર્તમાનમાં જીવવામાં જ આપણી ભલાઈ છે અને જો આપણો વર્તમાન સારો હશે તો ભવિષ્ય તો ઉજ્જવળ જ બનશે અને આમ અપેક્ષાને પોતાના‌ વર્તમાનમાં જીવવા માટે તૈયાર કરી. ત્યારબાદ અપેક્ષા પોતાના દુઃખમાંથી બહાર આવી શકે માટે તેને પોતાની સાથે બહાર ફરવા લઈ જવા માટે તૈયાર કરી. રેડ ટી-શર્ટ અને બ્લુ શોર્ટ્સ પહેરીને, ખુલ્લા વાળ રાખીને અપેક્ષા તૈયાર થઈને બહાર આવી એટલે ઈશાન તરત જ બોલી ઉઠ્યો, ઑહ, બ્યુટીફુલ માય ડિયર. ઈશાને અપેક્ષાનો હાથ પોતાના હાથમાં લીધો અને નીકળવા ...Read More

આપણે પ્રકરણ-30 માં જોયું કે, અપેક્ષાના પોતાના જીવનમાં છવાયેલા ગહેરા વિષાદ બાદ તેની બોલતી બંધ થઈ ગઈ હતી પણ અચાનક પોતાના મનનો ઉભરો ઇશાનની આગળ ઠાલવ્યા બાદ ચમત્કાર થયો હોય તેમ, તે પહેલાં જેવી નોર્મલ અને બોલતી થઈ ગઈ હતી. અને ત્યારબાદ અક્ષતની ખુશીનો કોઈ પાર ન હતો તેથી તેણે ખૂબજ ખુશી સાથે અપેક્ષાને, અર્ચનાને અને ઈશાનને પણ પોતાની બાહોમાં લઈ લીધો અને ચારેય જણાં જાણે એકાકાર થઈ જાય છે. અક્ષતના માથા ઉપરથી તો જાણે આજે ઘણોબધો ભાર ઉતરી ગયો હોય તેમ તે એકદમ હળવાશ મહેસૂસ કરે છે અને ઈશાનને કહે છે કે, થેન્ક યુ દોસ્ત, તારા લીધે જ ...Read More

ઈશાનનું અહીં યુએસએમાં ઘણું મોટું ગૃપ હતું ઘણીબધી છોકરીઓ પણ તેની ફ્રેન્ડસ હતી પરંતુ અપેક્ષા, અપેક્ષા એ બધાથી કંઈક જ વ્યક્તિત્વ ધરાવે છે અને અલગ જ પર્સનાલિટી ધરાવે છે તેવું ઈશાન મહેસૂસ કરી રહ્યો હતો. અને અપેક્ષાને પણ ખેલદિલ, બોલકણો અને ભોળો ભાળો ઈશાન ખૂબજ ગમી ગયો હતો. બંને વચ્ચે પ્રેમનાં અંકુર ફૂટી નીકળ્યાં હતાં.બસ, હવે બંનેએ પ્રેમનો એકરાર કરવાનો જ બાકી હતો. ઈશાને પોતાને માટે મંગાવેલી કોફી અને બર્ગર આવી ગયાં હતાં અને અપેક્ષાએ મંગાવેલી કોફી અને સેન્ડવીચ પણ આવી ગયાં હતાં. ઈશાને પોતાના હાથેથી અપેક્ષાને પોતાનું બર્ગર ટેસ્ટ કરાવ્યું અને અપેક્ષાએ પોતાની સેન્ડવીચ પોતાના હાથેથી ઈશાનને ટેસ્ટ ...Read More

ઈશાન: પણ તારે એને ભૂલવું પડશે અપેક્ષા ચલ આપણે બીજી કંઈક વાત કરીએ તને ગાતાં આવડે છે ? ચલ અંતાક્ષરી રમીએ. આપણાં બંનેમાંથી જે હારી જાય તેણે જીતેલી વ્યક્તિ જે કહે તે કરવાનું બોલ મંજૂર ? અપેક્ષા: હા, મંજૂર ઈશાન: ( એકદમ મસ્તીના મૂડમાં આવી જાય છે અને અપેક્ષાની સામે જોઈને ખડખડાટ હસી પડે છે.અને ફરીથી અપેક્ષાને પૂછે છે.) વિચારીને જવાબ આપજે હોં...હું જ જીતવાનો છું. અપેક્ષા: એવું કોણે કહ્યું કે તું જ જીતવાનો છે તું હારવાનો છે અને હું જીતવાની છું. ઈશાન: જોઈ લઈએ ચલ....હ ઉપરથી તું ગાવાનું ચાલુ કર અપેક્ષા: ઓકે. (અને અપેક્ષા ગીત ગાવાનું ચાલુ કરે ...Read More

ઈશાન અને અપેક્ષાની લોંગ ડ્રાઈવની મજા ચાલી રહી હતી સાથે સાથે બંનેએ એકબીજાને આપેલી ચેલેન્જ અને અંતાક્ષરી પણ ચાલી હતી અને અપેક્ષાને થોડી મજાક સૂઝી અને તેણે વાતવાતમાં ઈશાનના ભૂતકાળને જરા ફંફોસ્યો તેને એવી કોઈ ખબર કે કલ્પના શુધ્ધા ન હતી કે ઈશાન પોતાના અતિતને લઈને આટલો બધો સીરીયસ થઇ જશે અને પછી તો અપેક્ષાએ તેને સોરી પણ કહ્યું અને ખૂબ હિંમત આપી. અપેક્ષા: એય આટલો બધો નર્વસ ન થઈશ, બધું બરાબર થઈ જશે હું છું ને તારી સાથે (અને અપેક્ષાએ ઈશાનના હાથ ઉપર ખૂબજ પ્રેમપૂર્વક પોતાનો હાથ મૂક્યો અને તેને પંપાળતી રહી અને પોતાના પ્રેમની પ્રતિતિ આપતી રહી. ...Read More

ઈશાન અને અપેક્ષાની લોંગ ડ્રાઈવ ટ્રીપ ચાલી રહી હતી અને સાથે સાથે બંને અંતાક્ષરીની મજા પણ લૂંટી રહ્યાં હતાં અચાનક ઈશાનના ભૂતકાળની વાત તાજી થતાં જ ઈશાન પોતાની નમીતાને યાદ કરતાં થોડો નર્વસ થઈ ગયો હતો. અને નમીતા વિશે અપેક્ષાને જણાવી રહ્યો હતો કે,"નમીતાના કઝીન બ્રધરની બર્થ-ડે પાર્ટી હતી તો તે પોતાના ફેમિલી સાથે બર્થ-ડે પાર્ટી સેલિબ્રેટ કરીને પાછી આવી રહી હતી અને રસ્તામાં તેની કાર સાથે એક ભયંકર એક્સિડન્ટ થયો. રાત્રિનો સમય હતો કાર ફુલ સ્પીડમાં ચાલી રહી હતી અને અચાનક સામેથી બીજી કાર આવતાં અથડાઈ જવાની બીકે નમીતાના ડેડીએ કાર બીજી તરફ વાળી લીધી જ્યાં એક ઉંડો ...Read More

ઈશાન પોતાની પહેલી મુલાકાત નમીતા સાથે ક્યાં અને ક્યારે થઈ તેની રસપ્રદ વાતો અપેક્ષા સાથે શેર કરી રહ્યો હતો. સાંભળ એક વાર હું અને મારો ફ્રેન્ડ નિક મેકડોનાલ્ડમાં બર્ગર ખાવા માટે ગયા હતા ત્યાં નમીતા પણ તેનાં નાના ભાઈને લઈને આવી હતી. ત્યાં થોડી ભીડ વધારે હતી અમે બંને એકજ ટેબલ ઉપર અમારી બર્ગરની ટ્રે એકસાથે મૂકી. એ છોકરી હતી એટલે મેં પહેલો ચાન્સ તેને આપ્યો પણ તે મને તે ટેબલ ઉપર બેસવા માટે કહી રહી હતી. આમ થોડી વાર તો, પહેલે આપ, પહેલે આપ ચાલ્યું પણ પછી મેં કહ્યું "ઈફ યુ ડોન્ટ માઈન્ડ, વી ઓલ ટેક ટુગેધર"અને તેણે ...Read More

ઈશાન અપેક્ષાને પોતાના નમીતા સાથેના પ્રેમનાં એકરારની વાત કરી રહ્યો હતો.... "નમીતા એ દિવસે ખૂબજ બ્યુટીફુલ લાગી રહી હતી બ્લેક કલરનું સ્લીવલેસ ગાઉન પહેર્યું હતું‌ અને ખુલ્લા વાળમાં તે હિરોઈનને પણ શરમાવે તેવી લાગી રહી હતી. તે મારા માટે નેવી બ્લ્યુ કલરની ટી-શર્ટ બર્થડે ગીફ્ટ લઈને આવી હતી. પરંતુ મેં તેની પાસે બર્થડે ગીફ્ટમાં તેનો પ્રેમ માંગ્યો હતો અને તેણે મારી પાસે રીટર્ન ગીફ્ટમાં જીવન ભરનો સાથ અને મારો પ્રેમ માંગ્યો હતો. આમ, અમે બંનેએ એકબીજાની સાથે અમારા પ્રેમનો એકરાર કરી લીધો હતો પણ કુદરતને અમારો સાથ મંજૂર નહીં હોય અને નમીતા મારી પાસેથી છીનવાઈ ગઈ હતી. અપેક્ષા: ઈશ્વર ...Read More

ઈશાન અને નમીતા બંને શાંતિથી વાતો કરી રહ્યા હતા અને એટલામાં બે આફ્રિકનો ઈશાનની શોપમાં ઘૂસી ગયા અને ઈશાન અપેક્ષા કંઈ સમજે તે પહેલાં ઈશાનને એકદમ જોરથી માર મારવા લાગ્યાં... ઈશાન બિલકુલ બેભાન થઈ ગયો હતો અપેક્ષા તેને ભાનમાં લાવવાની કોશિશ કરી રહી હતી પણ તે ભાનમાં આવે તેવી કોઈ શક્યતા ન હતી. ઈશાનની આ હાલત જોઈને અપેક્ષા ખૂબ ગભરાઈ ગઈ હતી તેણે પહેલાં ઇશાનની મોમને ફોન કર્યો અને પછી પોતાના ભાઈ અક્ષતને ફોન કર્યો અને એમ્બ્યુલન્સ લઈને આવવા કહ્યું. અક્ષત ફટાફટ એમ્બ્યુલન્સ લઈને ઈશાનની શોપ ઉપર આવી પહોંચ્યો અને તેણે ઈશાનને અને અપેક્ષાને બંનેને એમ્બ્યુલન્સમાં મોકલ્યા અને પોતે ...Read More

પરોઢિયે ચારેક વાગ્યે ઈશાન ભાનમાં આવ્યો અને પોતાને અસહ્ય થઈ રહેલા દુખાવાને કારણે બૂમો પાડવા લાગ્યો. સીસ્ટરે ઈશાનના ભાનમાં સમાચાર અપેક્ષાને અને તેના મમ્મી-પપ્પાને આપ્યા. અપેક્ષા ઈશાનને મળવા માંગતી હતી પરંતુ ઈશાન આઈ સી યુ માં હતો તેથી તે મળવા જઈ શકી નહીં. બીજે દિવસે ઈશાનને થયેલા ફ્રેક્ચરનું ઓપરેશન હતું. સવારે અક્ષત હોસ્પિટલમાં હાજર થઈ ગયો હતો અને ઈશાનની ઉપર આ રીતે જીવલેણ હુમલો કરાવનાર શેમની ઉપર કેસ દાખલ કરવા માટે કહી રહ્યો હતો. ઈશાનના મમ્મી-પપ્પા શેમની ઉપર કેસ દાખલ કરવાની ચોખ્ખી ના પાડી રહ્યા હતા કારણ કે તે ખૂબજ ખતરનાક ગુંડો હતો અને અક્ષત તેમને સમજાવી રહ્યો હતો ...Read More

શેમને અંદાજ ન હતો કે ઈશાન તેની ઉપર કેસ કરશે અને તેને આ રીતે જેલના સળિયા ગણવા પડશે. તે થઈને પગ પછાડતો પછાડતો જેલમાં જાય છે અને ઈશાનને જીવતો નહીં છોડવાની પોતાના મનમાં ગાંઠ વાળી દે છે. બપોર થતાં થતાં તો અપેક્ષા હૉસ્પિટલ પહોંચી જાય છે અને ઈશાનના મૉમને ઘરે જઈને આરામ કરવા માટે કહે છે. ઈશાનના મૉમ પણ ઈશાનને આ હાલતમાં છોડીને ઘરે જવા તૈયાર નથી પણ ઈશાન તેની મૉમને કહે છે કે, " મૉમ તમે ઘરે જઈને આરામ કરો અને આમેય મને અપેક્ષાની કંપની વધારે ફાવશે." એટલે ઈશાનની મૉમ બંનેને એકલા છોડીને ઘર તરફ રવાના થાય છે. ...Read More

ઈશાન તેમજ અપેક્ષા બંને એકબીજામાં સંપૂર્ણ ખોવાઈ ગયા હતા અને ઈશાને અપેક્ષાનો હાથ પોતાના હાથમાં લીધો અને પોતાની છાતી ચાંપી દીધો જાણે અપેક્ષા તેની પોતાની જ હોય અને પોતાના પ્રેમનો એકરાર કરતાં તે બોલ્યો, " આઈ લવ યુ ટુ મચ માય ડિયર અને તું મને છોડીને તો ક્યાંય નહીં ચાલી જાય ને ? " અને અપેક્ષાએ ફક્ત નકારમાં જ માથું ધુણાવ્યું. ઈશાન: લગ્ન કરીશ મારી સાથે ? અપેક્ષા: હા પણ, અક્ષતને તો પૂછવું પડશે ને ? અને ઈશાન જે ક્ષણની રાહ જોઈ રહ્યો હતો તે ક્ષણ, તે ખુશી તેને આજે મળી ગઈ હતી અને અપેક્ષાનું પણ એવું જ હતું ...Read More

અક્ષત: અપેક્ષા બરાબર સેવા કરજે ઈશાનની એ મારો બેસ્ટ ફ્રેન્ડ છે અને થોડી મારા વતી પણ કરજે અને તેને હેરાન પણ કરજે મારા વતી સારો ચાન્સ મળ્યો છે તેને હેરાન કરવાનો અને ત્રણેય જણા ખડખડાટ હસી પડ્યા. ઈશાન: એ હેરાન કરવા વાળા અહીં આય તારી વાત છે. મારે તને એક વાત પણ પૂછવાની છે. અક્ષત: બોલને યાર શું છે ? ઈશાન: કંઈનઈ કંઈનઈ, એ તો પછી અત્યારે તું નીકળ તારે લેઈટ થતું હશે. અને આખુંય વાતાવરણ હસતું મૂકીને અક્ષત પોતાના કામે જવા નીકળી ગયો અને ઈશાનને એક બેસ્ટ ફ્રેન્ડ મળ્યાની અનુભૂતિ કરાવતો ગયો. જે દુઃખ હળવું કરી આપે તેનું ...Read More

ઈશાનના સેલફોનમાં રીંગ વાગે છે એટલે અપેક્ષા ફોન ઉપાડે છે. ફોન ઉપર ઈશાનની મોમ હોય છે જે ઈશાનને હોસ્પિટલમાં માટે પૂછે છે પરંતુ અપેક્ષા ચોવીસ કલાક ઈશાનની સેવામાં ખડેપગે ઉભી છે અને ઈશાન તેને અત્યારે પોતાનાથી જરા પણ દૂર કરવા ઈચ્છતો નથી તેથી ઈશાન મોમને હોસ્પિટલમાં ન આવવા જણાવે છે. અપેક્ષા ફોન લઈને ઈશાનની નજીક જાય છે એટલે ઈશાન તેને પોતાની વધુ નજીક ખેંચી લે છે અને કહે છે કે, તું અહીં આવ તો મારે તને એક વાત કહેવી છે. અપેક્ષા: હા, બોલ... ઈશાન તેને ગાલ ઉપર ચુંબન કરે છે અને આઈ લવ યુ માય ડિયર કહે છે. અપેક્ષા ...Read More

ઈશાન તો ખયાલોમાં જ ખોવાઈ જાય છે કે, આ હકીકત છે કે હું કોઈ સ્વપ્ન જોઈ રહ્યો છું પણ તો ડેડ શેમ્પેઈન હાથમાં લઈને ડાઈનીંગ ટેબલ ઉપર મૂકે છે અને મોમ ડેડ બંને એકસાથે ઈશાનને ભેટી પડે છે. મોમની આંખમાં તો હર્ષનાં આંસુ પણ આવી જાય છે અને બંને સાથે ઈશાનને કહે છે કે, " બેટા તું તને નહતો ઓળખતો ત્યારથી અમે તને ઓળખીએ છીએ અને તારી પસંદ નાપસંદ અમને ન ખબર હોય તેવું કઈરીતે બને બેટા..?? અને મોમ ડેડ અપેક્ષાને પણ પોતાના બાહુપાશમાં લઇ લે છે ચારેય જણાં જાણે એકબીજાને માટે જ બન્યા હોય તેવું આહલાદક દ્રશ્ય સર્જાય ...Read More

ઈશાન: અરે યાર, તારા અને મારી ભાભીના તો મારે આશિર્વાદ લેવા જ પડશે ને ! (અને તે અક્ષતના પગમાં ગયો) પણ અક્ષતે તો તેને વ્હાલથી પોતાના ગળે વળગાડી દીધો અને બોલી પડ્યો કે, " યાર, તું તો મારો જીગરજાન છે તારી અને અપેક્ષાની ખુશી એજ મારી ખુશી છે બસ બંને જણાં ખૂબ ખૂબ ખુશ રહો એવા મારા તમને બંનેને આશિર્વાદ છે. " અને તેની આંખમાં તેમજ અપેક્ષાની આંખમાં પણ આંસુ આવી ગયા સાથે સાથે ઈશાન અર્ચનાના પણ પગમાં પડી ગયો તો અર્ચનાએ પણ તેને તેમજ અપેક્ષાને પોતાની ખુશીઓથી વધાવીને ગળે વળગાડી લીધાં... અને ત્યારબાદ ઈશાનના પપ્પા તરત જ બોલી ...Read More

અક્ષત પણ ઈશાનના મમ્મી-પપ્પાને કેક ખવડાવીને તેમનું મોં મીઠું કરાવે છે.પછી બધા સાથે જ ડિનર લે છે અને છૂટા છે. બીજે દિવસે ફરીથી શેમના માણસો ઈશાનની શોપ ઉપર આવે છે અને તોડફોડ કરે છે તેમજ ઈશાનને કેસ પાછો ખેંચી લેવા માટે ધમકી આપીને જાય છે. ઈશાનને આપેલી આ ધમકીથી તેના મમ્મી-પપ્પા ખૂબ ડરી જાય છે.. કારણ કે પોતાના એકના એક દીકરાને તે ગુમાવવા નથી માંગતા તેથી ઈશાનની મૉમ અપેક્ષાને ઈશાનને સમજાવવા માટે કહે છે અને કેસ પાછો ખેંચી લેવા તેમજ શેમ જેવા ગુંડા સાથે સમાધાન કરી લેવા માટે કહે છે પરંતુ ઈશાન અન્યાયનો સામનો કરવા માંગે છે અને એમ ...Read More

ઈશાન તો તેની મસ્તીમાં જ ખોવાયેલો છે અને અપેક્ષા તેની નજીક આવતાં જ તેણે અપેક્ષાને ધક્કો મારી બેડ ઉપર દીધી અને પછી તેની ઉપર ચુંબનનો વરસાદ વરસાવી દીધો. અપેક્ષા બૂમો પાડતી રહી, તેને રોકતી રહી અને ઈશાન તેને ચુંબન કરતો રહ્યો...કરતો રહ્યો... એટલામાં ઈશાનના સેલ ફોનમાં રીંગ વાગી એટલે બંનેનું ધ્યાન તેમના રોમાંસ ઉપરથી હટીને ફોન ઉપર ગયું ઈશાને સેલ ફોન ઉઠાવ્યો... તો કટ થઈ ગયો.. ઈશાને કોનો ફોન છે જોયા વગર ફોન બાજુમાં મૂકીને પાછો પોતાની મસ્તીમાં ગૂમ થઈ ગયો અને એટલામાં ફરીથી તેના સેલફોનમાં રીંગ વાગી... તેણે તરત જ ફોન ઉઠાવ્યો.... અને જોયું તો મોમનો ફોન હતો ...Read More

ઈશાને પણ નમીતાને છાતી સરસી ચાંપી લીધી અને તેને કીસ કરવા લાગ્યો વર્ષો પછી પોતાનું કોઈ ખોવાઈ ગયેલું પાછું હોય તેવો અહેસાસ તેને થવા લાગ્યો. અપેક્ષા તો જાણે સૂનમૂન થઈ ગઈ હતી. શું કરવું ? શું બોલવું ? તેની કંઈજ સમજમાં આવતું ન હતું. તેની વાચા મૌન બનીને ઈશાન અને નમીતા, બે સાચા પ્રેમીઓના દર્દભર્યા મિલનને જોતી જ રહી ગઈ...!! એટલામાં ઈશાન આવી ગયો છે તેવી જાણ થતાં જ નમીતાના ડૉક્ટરે ઈશાનને પોતાની કેબિનમાં બોલાવ્યો અને એક ક્રીટીકલ કેસનું સચોટ અને પોઝીટીવ સોલ્યુશન મળ્યાં પછી તેમનાં ચહેરા ઉપર જે સંતોષ અને ખુશીના ભાવ હતાં તે સાથે તેમણે ઈશાનને નમીતાની ...Read More

ઈશાન નમીતાને લઈને હોસ્પિટલમાંથી બહાર નીકળે છે અને ત્યાં જ અપેક્ષા ઈશાનની રાહ જોતી ઉભી છે. નમીતા પોતે કંઈક જ દુનિયામાં આવી ગઈ હોય તેવું તેને લાગે છે અને જાણે તેને કોઈનો ડર લાગતો હોય તેમ તે જોરથી ઈશાનનો હાથ જરા દબાવીને ફીટ પકડી લે છે કે મને જાણે કોઈ અહીંથી ઉપાડી ન જાય..!! ઈશાન પણ તેના હાથને પ્રેમથી સ્પર્શ કરીને ખાતરી અપાવે છે કે, ચિંતા ન કર હું હરપળ તારી સાથે જ છું...!! બંને ઈશાનની કારમાં ગોઠવાઈ જાય છે અને પાછળની સીટ ઉપર અપેક્ષા બેસી જાય છે. અપેક્ષાને જોઈને તરતજ નમીતા સ્વાભાવિકપણે જ તેના વિશે ઈશાનને પૂછે છે... ...Read More

ઈશાનને પણ અપેક્ષાના આ વર્તનથી ખૂબ દુઃખ થાય છે પણ તે સમય આગળ મજબુર છે નમીતાને અત્યારે તેના પ્રેમ હૂંફની ખૂબ જરૂર છે માટે તેને એકલી મૂકવા માટે તે બિલકુલ તૈયાર નથી. હવે અપેક્ષાને આ વાત સમજાવવી કઈ રીતે ?? નમીતા તેનો પહેલો પ્રેમ છે તો અપેક્ષા તેનો બીજો પ્રેમ...!! આજે ઈશાનની ઊંઘ ઉડી જાય છે અને તે વિચારી રહ્યો છે કે, આ તો મારી અગ્નિ પરીક્ષા થતી હોય તેવું મને લાગે છે. શું કરવું કંઈજ સમજાતું નથી... અને આમ વિચારતાં વિચારતાં ક્યારે તેની આંખ મળી જાય છે તેની તેને પણ ખબર પડતી નથી... બીજે દિવસે સવારે પણ ઉઠીને ...Read More

ઈશાનના સ્ટોર ઉપર અપેક્ષાએ કામ કરવાનું શરૂ કર્યું ત્યાર પછી જ્યારે જ્યારે અપેક્ષા કોઈ કારણસર ઈશાનના સ્ટોર ઉપર ન શકી હોય ત્યારે ત્યારે ઈશાન પોતાની કાર લઇને તેને લેવા માટે તેના ઘરે ગયો છે અને અપેક્ષાનો ઈન્કાર હોવા છતાં તેને જબરજસ્તીથી તૈયાર કરીને તે સ્ટોર ઉપર લઈ આવ્યો છે. પણ આજે ઈશાન તેને જબરજસ્તીથી લેવા માટે આવશે અને અપેક્ષા તેને તેના વર્તન બદલ માફ કરી શકશે ? ઈશાન નમીતાને કારણે એટલો બધો બીઝી થઈ જાય છે કે તે આજે અપેક્ષાને લેવા માટે જઈ શકતો નથી. તે અવાર-નવાર અપેક્ષાને ફોન કર્યા કરે છે પરંતુ અપેક્ષા તેના એકપણ ફોનનો જવાબ આપતી ...Read More

ઈશાન: બોલ ડિયર, શું કરે છે તું ? અપેક્ષા: કંઈ નહીં બસ તારી રાહ જોતી હતી. મને એમ કે, વખતની જેમ આજે પણ તું મને લેવા માટે મારા ઘરે આવીશ. ઈશાન: સોરી યાર, હું થોડો બીઝી હતો એટલે ન આવી શક્યો અને બીજી વાર સોરી કે મેં તારી ઓળખાણ નમીતા સાથે ખોટી રીતે કરાવી. પણ નમીતાની માનસિક હાલતને લઈને હું થોડો સીરીયસ હતો તેથી મારે એવું કહેવું પડ્યું માટે તું ખોટું ન લગાડતી ઓકે ? અને બોલ શું કરે છે આજે ? આવે છે ને તું સ્ટોર ઉપર ? અપેક્ષા: ના, આજે મારી તબિયત થોડી બરાબર નથી માટે હું ...Read More

ઈશાન અને તેની મોમ ખૂબજ ચિંતામાં મૂકાઈ ગયા હતા ઈશાન વિચારી રહ્યો હતો કે, અરે બાપ રે, આ શું ગયું ? મને જે વાતનો ડર હતો તેવું જ થયું માટે જ હું તેને એકલી છોડવા નહતો માંગતો. ઑ માય ગોડ, હવે આને ક્યાં શોધવી? અને મનમાં ને મનમાં બબડતો હતો કે, મારો ભગવાન રિસાઈ ગયો છે કે શું મારાથી, હું એક બગડેલી બાજી સુધારવા જવું ત્યાં તો બીજી બાજી બગડી જાય છે. હવે આ નમીતાનું શું કરવું ? એકસાથે આવા અનેક વિચારો ઈશાનના મનને ઘેરી વળ્યા. શું કરવું ક્યાં જવું ? કંઈ સમજમાં આવે તે પહેલા તો ઈશાનના સેલફોનમાં રીંગ ...Read More

નમીતાને ટેબલેટ આપીને સુવડાવી દીધા બાદ થોડીવાર પછી ઈશાન જરા રિલેક્સ થયો અને સ્ટોર ઉપર પહોંચી ગયો અને અપેક્ષાની તેણે નમીતાની તબિયત વિશે ચર્ચા કરી, ઈશાને અપેક્ષાને નમીતાએ કેવું તોફાન કર્યું તે વાત જણાવી ત્યારે અપેક્ષાને ખરેખર સમજાયું કે, કદાચ તેથી જ ઈશાન નમીતાને એકલી મૂકવા નથી માંગતો અને તેને ઈશાનની ખરેખર દયા આવી ગઈ. ઈશાનને હવે એ ચિંતા હતી કે નમીતા હવે પછી ફરીથી વારંવાર આવું તોફાન તો નહીં કરેને ? તેના આ પ્રશ્નના જવાબમાં અપેક્ષાએ તેને પાછી ફરીથી હોસ્પિટલમાં એડમિટ કરવાની સલાહ આપી. પણ ઈશાનનું મન તેમ કરવા માટે તૈયાર ન હતું. હવે શું કરવું એ એક ...Read More

બરાબર બે કલાક પછી તે નમીતાના ઘરે પાછો આવ્યો તો ઘરનું લોક ખુલ્લું હતું. તેણે આખાય ઘરમાં "નમીતા...નમીતા..."ની બૂમાબૂમ દીધી પરંતુ નમીતા ક્યાંય ન હતી. તે ઘરની બહાર નીકળીને રોડ ઉપર આવીને આજુબાજુ બધે જ જોવા લાગ્યો પરંતુ એકપણ દિશામાંથી નમીતાના કોઈ એંધાણ વર્તાતા ન હતા. તે બેબાકળો બનીને ફરીથી નમીતાના ઘરમાં પ્રવેશ્યો અને ફરીથી જોર જોરથી "નમીતા નમીતા"ની બૂમો પાડવા લાગ્યો પણ ત્યાં કોઈ જ હાજર ન હતું જે તેની બૂમો સાંભળે..!! તે ફરીથી ઘરમાંથી બહાર નીકળ્યો અને આજુબાજુ વાળાના ઘર ખખડાવી તેમને નમીતા વિશે પૂછપરછ કરવા લાગ્યો પરંતુ આજુબાજુ વાળાએ તો આજે સવારથી જ નમીતાને જોઈ જ ...Read More

મિ.સ્મિથ અને મીસ જેનીએ આ કેસની તમામ વિગતો જાણી લીધી. સૌ પ્રથમ તેમણે નમીતાના ઘરની ચાવી માંગી અને પોતાની રીતે નમીતાના ઘરની ઉલટ તપાસ કરી લીધી. ત્યારબાદ તેમણે નમીતાને જે હોસ્પિટલમાં એડમિટ કરવામાં આવી હતી તે હોસ્પિટલમાં જઈને નમીતાના ડૉક્ટર સાહેબને મળીને નમીતાની માનસિક પરિસ્થિતિની જાણ કરી લીધી. અને સાથે સાથે તેમણે પોલીસની મદદ લઈને એવી પણ એક ગોઠવણ કરી દીધી કે, ઈશાનના સેલફોનમાં જે ફોન આવે છે તે ક્યાંથી આવે છે અને શું વાત થાય છે તે તમામ વાતોનું રેકોર્ડિંગ થાય અને આમ મિ.સ્મિથ અને મીસ જેનીની મદદથી આ બધું જ સરસ રીતે ગોઠવી દેવામાં આવ્યું હતું. મિ.સ્મિથ ...Read More

મિ.સ્મિથ કોઈ તરકીબ વિચારી રહ્યા હતા અને મીસ જેની તેમને ડિસ્ટર્બ કરી રહી હતી કે, " સર હવે શું ? આપણે કઈરીતે આ લોકોને પકડીશું ? અને મિ.સ્મિથ મીસ જેની ઉપર ગરમ થઈ ગયા કે, " શાંતિ રાખને મને જરા વિચારવાનો સમય તો આપ દરેક પ્રશ્નનો કોઈ ને કોઈ જવાબ હોય જ છે નક્કી કોઈ ક્લૂ મળી જશે. " અને મિ.સ્મિથ ફરીથી પાછા પોતાના વિચારોમાં ખોવાઈ ગયા. એટલામાં તેમને એક વિચાર એવો આવ્યો કે, આ કેસમાં ડોગની મદદ લેવી યોગ્ય રહેશે આ તરકીબ હું અજમાવી જોવું અને તેમણે પોતે પાળેલો હટ્ટોકટ્ટો બ્રુઝોની મદદ લેવાનું નક્કી કર્યું. હાઈટ બોડીવાળો બ્રુઝો ...Read More

થોડી વારમાં જ શેમના માણસોનો ફરીથી ફોન આવ્યો અને તેમણે પચાસ લાખ રૂપિયા રોકડા તેમજ શેમ ઉપર દાખલ કરેલ પાછો ખેંચી લેવાનું કહ્યું. પચાસ લાખ રૂપિયા લઈને તેમણે શહેરની બહાર એક નિર્જન સ્થળે ઈશાનને એકલા જ આવવાનું કહ્યું. ઈશાને નમીતાની માંગણી કરી. ઈશાને જણાવ્યું કે, " હું પૈસા લઈને આવીશ પરંતુ તમારે નમીતાને મારે હવાલે કરી દેવી પડશે." પૈસાની લાલચ ભલભલાને ભાન ભુલાવે છે તેમ શેમના માણસો પણ પૈસાની લાલચમાં આવીને નમીતાને ઈશાનને સોંપવા માટે તૈયાર થઈ ગયા. કેસ પાછો ખેંચવા બાબતે ચર્ચા થઈ તો ઈશાને જણાવ્યું કે, હમણાં મારા વકીલ આઉટ ઓફ સ્ટેટ ગયેલા છે જેવા એ હાજર ...Read More

ઈશાને મિ.સ્મિથ અને મીસ જેનીનો ખૂબ ખૂબ આભાર માન્યો કે જેમની મદદથી નમીતા તેને પાછી મળી અને શેમના માણસો પકડાઈ ગયા અને તેનું આ એક અઘરું કામ પાર પડ્યું. ત્યારબાદ ઈશાન પણ બીજી પોલીસવાનમાં નમીતાને લઈને પોતાના ઘરે પહોંચ્યો.રસ્તામાં તેણે નમીતા સાથે વાતચીત કરવાની ખૂબ કોશિશ કરી પરંતુ નમીતા ભારોભાર ડિપ્રેશનમાં આવી ગઈ હતી તેથી તે ઈશાનના એક પણ પ્રશ્નનો કોઈ જ જવાબ ન આપી શકી. ઈશાનને થયું કે કદાચ ઘરે ગયા પછી નમીતા ઘરના વાતાવરણમાં થોડી રિલેક્સ થશે અને પછી નોર્મલ થશે. ઘરે આવ્યા પછી ઈશાને નમીતાને પોતાની મોમે બનાવેલી ખીચડી અને દૂધ જમાડવાની કોશિશ કરી પરંતુ નમીતાએ ...Read More

અપેક્ષા: મને તો વિશ્વાસ છે પણ અક્ષત.. અક્ષત હવે બહારના લોકોની વાતો સાંભળી સાંભળીને નાસીપાસ થઈ ગયો છે. હું શું કરું ? ઈશાન: ઓકે, તો તું ચિંતા ન કરીશ હું અક્ષતને મળવા માટે તારા ઘરે આવીશ. બોલ હવે ખુશ માય ડિયર, હવે તો સ્માઈલ આપ...અને ઈશાને અપેક્ષાને પોતાની બાહુપાશમાં જકડી લીધી અને તેની ઉપર જાણે ચુંબનોનો વરસાદ વરસાવવા લાગ્યો.... બીજે દિવસે ઈશાન અક્ષતને મળવા માટે અક્ષતના ઘરે જાય છે અને અક્ષતને પોતાની વાત સમજાવતાં કહે છે કે, " અક્ષત, તું મારો બેસ્ટ ફ્રેન્ડ છે કદાચ તારાથી વધારે મને કોઈ નહીં ઓળખતું હોય તું મારી વર્તમાન પરિસ્થિતિ સમજી શકે છે. ...Read More

અર્ચનાએ અક્ષતની સામે જોયું અને બે મિનિટ તેને ચૂપ રહેવા ઈશારો કર્યો.... એક સ્ત્રીની વેદના એક સ્ત્રી કરતાં વધારે કોણ સમજી શકે ? (ભાભી મળજો તો અર્ચના જેવી....) અને બધાજ એકદમ ચૂપ થઈ ગયા... વાતાવરણમાં ગમગીની છવાઈ ગઈ... અર્ચના અપેક્ષાને સાંત્વના આપતી રહી અને પોતાની બોડી લેન્ગવેજથી એમ સમજાવતી રહી કે, તું લેશ માત્ર ફીકર ન કરીશ તને જે ગમશે તે જ થશે...!! આમ, ઈશાન, "હું, અપેક્ષા સાથે જ લગ્ન કરીશ" તેમ ખાતરી આપીને ત્યાંથી નીકળી ગયો અને પોતાના સ્ટોર ઉપર ગયો. ત્યાં જઈને તે વિચારવા લાગ્યો કે હવે મારે શું કરવું ? જો અક્ષતના કહેવા પ્રમાણે નમીતાને છોડી ...Read More

નમીતા ખૂબજ ગુસ્સામાં હતી અને બંને હાથ વડે ઈશાનને મારવા લાગી અને એમ પૂછવા લાગી કે, મને ઘરમાં કેમ દીધી છે ? નમીતાના આ પ્રશ્નનો ઈશાન પાસે કોઈ જવાબ ન હતો તેણે નમીતાને પાણી પીવડાવ્યું અને થોડી શાંત પાડવાની કોશિશ કરી. પછી ડૉક્ટર સાહેબને ફોન કરીને તે તેને તેની ટ્રીટમેન્ટ ચાલતી હતી ત્યાં હોસ્પિટલમાં લઈ ગયો અને નમીતાને તેના ઘરે લઈ ગયા પછીથી અત્યાર સુધીમાં નમીતા સાથે જે કંઈપણ બન્યું અને નમીતાએ મિસ ડીસોઝા સાથે જે વ્યવહાર કર્યો તે તમામ બાબતો તેણે ડૉક્ટર સાહેબને જણાવી અને નમીતાને અહીં આ હોસ્પિટલમાં જ એડમીટ રાખવા માટે રીક્વેસ્ટ કરી. ડૉક્ટર સાહેબ નમીતાની ...Read More

ઈશાન તો નમીતાના આવા દુઃખદ સમાચાર સાંભળીને જ ચોંકી ઉઠ્યો હતો અને તેનું મગજ કામ કરતું બંધ થઈ ગયું સતત એક જ સવાલ તેના વિચારશીલ મનને મૂંઝવી રહ્યો હતો કે, નમીતાની મેં આટલી બધી સેવા કરી, હું તેને આટલો બધો સપોર્ટ કરતો રહ્યો તો પછી તેણે આવું પગલું કેમ ભર્યું હશે ? મારી નમીતા મને છોડીને કેમ ચાલી ગઈ ? હે ઈશ્વર આ તેણે શું કર્યું ? અને પોતે નમીતાને અહીં હોસ્પિટલમાં પાછી મૂકી ગયો તે માટે તેને પસ્તાવો પણ થવા લાગ્યો. પણ હવે શું થાય ? હવે તેના હાથમાં કંઈ જ નહોતું. નમીતા આવું પગલું ભરશે તેવું તો ...Read More

લક્ષ્મી બા ગમે તે કારણ હોય પરંતુ જે યુએસએ એ પોતાના પતિને પોતાની પાસેથી છીનવી લીધો છે તે યુએસએની ઉપર હું કદાપી પગ નહીં મૂકું તેમ કહીને અપેક્ષાના લગ્ન માટે યુએસએ આવવાની ધરાર "ના" પાડી દે છે. અક્ષત હવે શું કરવું તેમ વિચારમાં પડી જાય છે અને પોતાના બધાજ પ્લાનિંગ ઉપર પાણી ફરી વળ્યુ તેમ વિચારે છે. પોતાની માં લક્ષ્મીના આ નિર્ણયથી અપેક્ષા પણ ખૂબ નારાજ થઈ જાય છે. અને હવે શું થશે ? તેમ વિચારમાં પડી જાય છે. આમ અક્ષત અને અપેક્ષા બંને પોતાની માંના યુએસએ નહીં આવવાના નિર્ણયથી ખૂબજ નારાજ છે. હવે અપેક્ષાના લગ્ન માટે શું નિર્ણય ...Read More

પરીની વિમાસણ હજી ઓછી થતી નહોતી એટલે તેણે તરત જ ભાવનાબેન સામે ક્રોસ કર્યો કે, પણ આન્ટી હું અહીં ઘરે આવી કઈ રીતે ?અને ભાવનાબેને તેને એટલી જ શાંતિથી જવાબ આપ્યો કે, " બેટા તું પહેલા જરા ફ્રેશ થઈ જા પછી હું તને બધું જ સમજાવું છું...ભાવનાબેને પરીને એવું કહી તો દીધું કે હું તને પછી બધુંજ સમજાવું છું પરંતુ ચા પીતાં પીતાં સતત તેમના મગજમાં એક જ પ્રશ્ન ચાલી રહ્યો હતો કે હું પરીને કઈરીતે અને શું જવાબ આપીશ ? એટલામાં મનિષભાઈ પોતાની ઓફિસ જવા માટે તૈયાર થઈને ડાઈનીંગ ટેબલ ઉપર ચા નાસ્તો કરવા માટે આવ્યા જેમણે ભાવનાબેનની ...Read More

ઈશાન અપેક્ષાને તે પોતાના ફ્લાઈટ માટે અંદર ગઈ ત્યાં સુધી તેને કાકલૂદી કરતો રહ્યો કે, આટલા વહેલા તારે ઈન્ડિયા શું કામ છે ? આટલી વહેલી તું ઈન્ડિયા ન જઈશ ને ? અને અપેક્ષા તેને પ્રેમથી સમજાવતી રહી કે, એક મહિનો તો ક્યાંય પૂરો થઈ જશે તેની ખબર પણ નહીં પડે અને પછી તો તું ત્યાં આવી જ જવાનો છે. હું તારી રાહ જોઈશ ઈશુ...અને એટલું બોલીને અપેક્ષા ઈશાનને ભેટી પડી અને તેની આંખમાં પાણી આવી ગયું ઈશાન પણ ઢીલો પડી ગયો...અને અપેક્ષાએ ઈન્ડિયા તરફ પોતાની ઉડાન ભરી લીધી..... અને ઈન્ડિયામાં તેને લેવા માટે તેની ફ્રેન્ડ સુમન પોતાની કાર લઇને ...Read More

પોતાનું ઘર આવતાં જ અપેક્ષા કારમાંથી નીચે ઉતરે છે અને હજી તો પોતાનો સામાન કારમાંથી કાઢવા માટે જાય તે તો તેના સેલફોનમાં રીંગ વાગે છે તે ઉપાડે છે પરંતુ સામેથી કંઈજ રિપ્લાય આવતો નથી...કોનો ફોન હશે અપેક્ષાના સેલફોનમાં ? કે પછી ભૂલથી જ કોઈએ લગાવી દીધો હશે કે ઈરાદા પૂર્વક કોઈએ કર્યો હશે...?? કંઈ સમજાતું નથી..!! અપેક્ષાની ખૂબજ ખરાબ હાલતમાં તેને ઈન્ડિયાથી યુ એસ એ મોકલવામાં આવી હતી અને આજે તે બિલકુલ સ્વસ્થ સાજી-સમી એક ફોરેઈન રીટર્ન કોલેજીયન યુવતી લાગી રહી હતી તેની આભા ઉડીને આંખે વળગે તેવી હતી તેને કોઈની પણ નજર લાગી જાય તેવી તે લાગી રહી ...Read More

અપેક્ષા વિચારે ચઢી જાય છે કે હજુ તો મેં અહીં ઈન્ડિયામાં પગ જ મૂક્યો છે અને આ રીતે કોઈ ભૂલથી ફોન કરી રહ્યું છે કે જાણી જોઈને કોઈ મને હેરાન કરવાની કોશિશ કરી રહ્યું છે અને કોઈ હેરાન જ કરી રહ્યું છે તો કોણ હશે એ ?? બે મિનિટ માટે તે વિચારે ચઢી જાય છે અને એટલામાં તેને પોતાનો ઈશાન યાદ આવે છે એટલે તે ઈશાનને મેસેજ કરે છે કે, " હું શાંતિથી પહોંચી ગઈ છું. મારી ચિંતા કરીશ નહીં. આઈ મીસ યુ સો મચ એન્ડ આઈ લવ યુ સો...સો..મચ... " અને ઈશાન યાદ આવતાં જ તેનાં ચહેરા ઉપર ...Read More

ઈન્ડિયાની ધરતી ઉપર પગ મૂક્યો ત્યારનું કોઈ અપેક્ષાને ફોન કરીને હેરાન કરી રહ્યું છે. મુસાફરી કરીને થાકેલી અપેક્ષાની આંખ વાર માટે મીંચાઈ ગઈ અને તેના મોબાઈલમાં રીંગ વાગી તેણે ફોન ઉપાડ્યો, સામેથી અવાજ આવ્યો, " અપેક્ષા, આઈ લવ યુ..આઈ લવ યુ..યાર હું તને ખૂબ ચાહું છું અને તને મળવા માંગુ છું. તું મને મળવા માટે આવીશ ? " અપેક્ષા સફાળી બેઠી થઈ ગઈ અને ગુસ્સે થઈને બોલી કે, " એય, હુ આર યુ ? વ્હાય ટુ મીટ મી ? તારું નામ બોલને પહેલાં તું કોણ છે... અને સામેથી ફોન મૂકાઈ જાય છે... ઑહ નૉ... અપેક્ષાથી એકદમ બોલાઈ ગયું અને ...Read More

" અપેક્ષા, આઈ લવ યુ યાર..આઈ લવ યુ. હું તને ભૂલી નથી શક્યો તને ખૂબ ચાહું છું તને મળવા છું એકવાર ફક્ત એકવાર હું તને મળવા માંગુ છું. " સામેથી કોઈનો દર્દસભર અવાજ આવી રહ્યો હતો જે અવાજમાં ભરપૂર પસ્તાવો, અનહદ પ્રેમ અને પોતાની પ્રિય વ્યક્તિને મળવાની તીવ્ર ઈચ્છા વર્તાઈ રહી હતી. અપેક્ષા: કોણ છે તું ? અને આ રીતે મને ફોન કરીને હેરાન કેમ કર્યા કરે છે ? હું પોલીસમાં કમ્પલેઈન કરી દઈશ. " તારે જે કરવું હોય તે બધુંજ તું કરી શકે છે હું તને ના નહીં પાડું ! પરંતુ ફક્ત એકવાર હું તને મળવા માંગુ છું... ...Read More

થોડીવાર પછી અપેક્ષાએ ફરીથી પોતાનો ફોન ચાલુ કર્યો અને ફરીથી તેમાં રીંગ વાગી જોયું તો તે જ મિથિલનો જ આ વખતે તેને લાગ્યું કે, એક વખત મિથિલ સાથે મારે શાંતિથી વાત કરી લેવી જોઈએ અને તેને એ વાત મારે સમજાવી દેવી જોઈએ કે, હવે હું પહેલાની અપેક્ષા નથી..અને છેવટે તેણે વાત કરવા માટે ફોન ઉપાડ્યો... ફરીથી આજીજી ભર્યો તે જ આવાજ તેના કાને પડ્યો, " અપેક્ષા... એકવાર મને મળવાનો ચાન્સ આપ.. પ્લીઝ.. હું તને મળવા માંગુ છું.. તને જોવા માટે ઘણાં લાંબા સમયથી હું તડપી રહ્યો છું.. પ્લીઝ.. મારી આટલી વાત તું નહીં માને ? "અપેક્ષા જાણે પથ્થર દિલ ...Read More

મિથિલ અપેક્ષાને પોતાને મળવા માટે બોલાવે છે અને તે અપેક્ષાની રાહ જોતો બેઠો છે તેટલી વારમાં તો કંઈક કેટલાય તેના માનસપટને ઘેરી વળ્યા છે પોતે ભૂતકાળમાં કરેલી ભૂલ ઉપર અત્યારે તેને ખૂબજ પસ્તાવો થઈ રહ્યો છે અને તે વિચારી રહ્યો છે કે, "હવે હું તેની સાથે ખૂબજ પ્રેમથી અને ખૂબજ સારી રીતે રહીશ તેને હાથમાં ને હાથમાં રાખીશ, તેને જરાપણ ખોટું નહીં લાગવા દઉં... પણ હવે તે મારી સાથે રહેવા માટે તૈયાર થશે...? તે જ તો મોટો પ્રશ્ન છે...ના ના હું તેના પગમાં પડી જઈશ.. તેને કગરીશ...તેને ખૂબ વિનંતી કરીશ...તે જે કહેશે તેમ કરીશ પણ હું તેને મેળવીને જ ...Read More

મિથિલ અપેક્ષાના પગમાં પડી ગયો અને બોલ્યો કે, "મને માફ કરી દે અપેક્ષા, હું તને અને તારા પ્રેમને ઓળખી નહીં મેં જે પણ કંઈ તારી સાથે કર્યું તે બદલ હું ખરા દિલથી તારી ખૂબ ખૂબ માફી ઈચ્છું છું. મને માફ કરી દે અપેક્ષા મને માફ કરી દે..." અને આટલું બોલતાં બોલતાં વળી પાછો તે ધ્રુસકે ને ધ્રુસકે રડવા લાગ્યો. હવે શું કરવું અપેક્ષાની સમજમાં કંઈ આવ્યું નહીં તેણે ફરીથી મિથિલને રડતાં અટકાવ્યો અને તે બોલી કે, "મિથિલ મેં તો તને ક્યારનોય માફ કરી દીધો છે અને માફ કરી દીધો છે માટે તો હું તને અહીં મળવા માટે આવી છું ...Read More

અપેક્ષા બોલી રહી હતી અને મિથિલ સાંભળી રહ્યો હતો કે, "ઈશાન ખૂબજ સારો માણસ છે હું તેના વખાણ જેટલા તેટલા ઓછા છે મારી વાચા જતી રહી હતી પરંતુ તેને કારણે જ હું બોલતી થઈ અને પછી અમે બંને એકબીજાના પ્રેમમાં પડ્યા. તે મને ખૂબજ લવ કરે છે..અને હું પણ તેની સાથે ખૂબ ખુશ છું. હવે તારો અને મારો રસ્તો અલગ છે માટે તું મને ભૂલી જા અને કોઈ સારી છોકરી સાથે લગ્ન કરીને સારી જિંદગી જીવી લે...તેજ તારા માટે યોગ્ય છે અને આજે હું તને પહેલી અને છેલ્લી વખત મળવા માટે આવી છું. આજ પછી ક્યારેય મને મળવાની કે ...Read More

અપેક્ષાએ પોતાની મેમરીમાંથી અને ફોનમાંથી મિથિલને ડિલિટ કરી દીધો હતો પરંતુ મિથિલ હજી અપેક્ષાને છોડવા માટે તૈયાર નહોતો... બીજે સવાર સવારમાં ફરીથી કોઈ અનક્નોવ્ન નંબર ઉપરથી ફોન આવ્યો... અને ફરીથી પોતાના ફોનમાં અનક્નોવ્ન નંબર જોઈને અપેક્ષા થોડી ડિસ્ટર્બ થઈ ગઈ તેણે ફોન ઉપાડવાનું ટાળ્યું અને ફોન સાઈલેન્ટ મોડ ઉપર મૂકી દીધો પરંતુ અવારનવાર તે નંબર ઉપરથી જ ફોન રીપીટ થયો એટલે અપેક્ષાએ ફોન ઉપાડવાની તસ્દી લીધી.. સામેથી એજ અવાજ આવ્યો મિથિલનો, તે હજુપણ અપેક્ષાને રીક્વેસ્ટ કરી રહ્યો હતો કે, "પ્લીઝ યાર આવું ન કરીશ મારી સાથે...અને હજુ તો તે આગળ બીજું કંઈ બોલવા જાય તે પહેલાં ફોન કટ થઈ ...Read More

લગ્નનો માંડવો ઘર આંગણે બંધાઈ ચૂક્યો હતો બંને વરઘોડિયા બેમાંથી એક થવાની લગ્ન ની શુભ ઘડીની રાહ જોઈ રહ્યા લક્ષ્મીના મનને આજે ઘણી રાહત હતી કે પોતાની દીકરી સુખમાં જઈ રહી છે અને તેને ગમતું પાત્ર તેને મળી રહ્યું છે. આ બાજુ ઈશાનના મમ્મી પપ્પા પણ ઘણાં બધાં વર્ષો પછી પોતાના વતનમાં આવ્યા હતા પરંતુ તેમણે અહીં પોતાનું ઘરબાર કશુંજ રાખ્યું નહોતું તેથી થોડો અફસોસ અનુભવી રહ્યા હતા કે પોતાનું ઘર હોત તો દીકરાને પોતાના ઘરેથી જ પરણાવત..અને તેમને બીજો એક વિચાર પણ આવી રહ્યો હતો કે, ઈશાન જો અહીં ઈન્ડિયામાં જ સેટલ થઈ જાય તો તેને શેમ અને ...Read More

ગણેશ સ્થાપન અને પછી પીઠીની વિધિ ચાલી... અપેક્ષા અને ઈશાન બંનેને સામસામે પીઠી માટે બેસાડી દેવામાં આવ્યા હતા. અપેક્ષા જાતજાતના ફટાણાં ગવાતાં અને દરેક ગીતમાં ઈશાન ઉપર અને અપેક્ષાના સાસુ સસરાને એટલે કે વેવાઈ તેમજ વેવાણને ટોણાં મારવામાં આવતાં. ખૂબજ ખુશીથી વાતાવરણ જાણે મહેંકી ઉઠ્યું હતું દરેકનાં આનંદનો કોઈ પાર નહોતો અપેક્ષા અને ઈશાન બંને તો ખૂબજ ખુશ હતાં. પીઠની વિધિ પૂરી થઈ એટલે અપેક્ષા અને ઈશાન બંને નાહીધોઈને તૈયાર થયા અને પછી જમવાનું ચાલ્યું. ઈશાનના મમ્મી પપ્પા ઈશાન એકલો પડે તેની રાહ જ જોઈ રહ્યા હતા અને પોતાના રૂમમાં ઈશાન એકલો તેમને મળ્યો એટલે તેમણે ઈશાનને શેમના ડરને ...Read More

ઈશાન જરા અકળાઈને જ બોલ્યો કે, "મોમ તમે શાંતિ રાખો આમ પાછળ ન થઈ જશો અપેક્ષા જ અહીં ઈન્ડિયામાં થવા માટે તૈયાર નથી જરા મારી વાત તો સાંભળો બસ આ એકની એક વાતમાં પાછળ જ પડી જાવ છો!" ઈશાનની આ વાતથી ઈશાનની મોમ થોડા શાંત પડ્યા અને ઈશાનને કહેવા લાગ્યા કે, "અચ્છા એવું છે? પણ કેમ બેટા અપેક્ષાને શું વાંધો છે?"આ બધી વાતોથી ઈશાન પણ થોડો ડિસ્ટર્બ થઈ ગયો હતો અને તે બોલ્યો કે, "તે તમે અપેક્ષાને જ પૂછો"અને ઈશાનની મોમે પ્રશ્નાર્થ ચહેરે જવાબની અપેક્ષાએ અપેક્ષા સામે જોયું....પરંતુ આ પ્રશ્નનો જવાબ અપેક્ષા આપી શકે તેમ નહોતી અથવા તો આપવા ...Read More

લાલ કલરના કોરવાળા સફેદ પાનેતરમાં દુલ્હનના શણગારવામાં સજેલી અપેક્ષા અવકાશમાંથી પરી ઉતરીને આવી હોય તેટલી સુંદર લાગી રહી હતી. તેની સામે નજર કરે તેની નજર તેની ઉપર જ અટકેલી રહેતી હતી. તેનો લાડકવાયો ભાઈ અક્ષત તેને ઉંચકીને લઈ આવ્યો અને તેના પીએસઆઇ મામાએ તેને હાથ પકડીને માયરામાં પધરાવી હતી એક બાજુ ગાયક મંડળી લગ્ન ગીતો ગાઈ રહી હતી અને બીજી બાજુ ગોરમહારાજ સંસ્કૃતમાં શ્લોક બોલીને અપેક્ષા પાસે વિધિ કરાવી રહ્યા હતા. અપેક્ષાને પરણાવવા માટે અર્ચના અને અક્ષત બેઠાં હતાં. થોડીવારમાં ઈશાન લગ્નના હોલને દરવાજે આવીને અપેક્ષાની રાહ જોતો ઉભો રહ્યો એટલે અપેક્ષાને તેને હાર પહેરાવવા માટે બહાર લઈ જવામાં ...Read More

ઈશાન અને અપેક્ષા બંને એકબીજાનામાં ખોવાયેલા હતા અને એટલામાં અપેક્ષાના સેલફોનમાં રીંગ વાગી અને તે પણ અડધી જ.. ફક્ત કોણે કર્યો હશે મીસકોલ? અપેક્ષા એક સેકન્ડ માટે જાણે ધ્રુજી ઉઠી પણ પછી તેણે મનોમન નક્કી કર્યું કે, જે હોય તે મારે તે ભણી જોવું જ નથી અને ચિંતામાં પડવું જ નથી. પરંતુ તેની ચિંતા જાણે ઈશાને વહોરી લીધી હોય તેમ તેણે અપેક્ષાને મીસકોલ જોવા કહ્યું, હવે અપેક્ષાને ઉભા થયા વગર છૂટકો જ નહોતો...અપેક્ષાએ જોયું તો અજાણ્યો નંબર હતો એટલે તેણે ઈશાનને કહ્યું કે, "અનક્નોવ્ન નંબર છે, હશે કોઈ છોડને અત્યારે..!!" પરંતુ ઈશાનના દિલને તેમ ટાઢક વળે તેમ નહોતી એટલે ...Read More

અપેક્ષા પોતાની ફર્સ્ટ નાઈટ બદલ પોતાના ઈશાન પાસે એક ગીફ્ટ માંગી રહી હતી.."ઈશુ, તારે મને ફર્સ્ટ નાઈટની ગીફ્ટ આપવાની છે તે તને ખબર છે ને?" પરંતુ ઈશાન તેને એ ગીફ્ટ યુ એસ એ જઈને આપવાનો હતો એટલે તે તરત જ કહે છે કે, "હા, એ હું તને યુએસએ જઈને આપીશ.." પરંતુ અપેક્ષા પોતાની ગીફ્ટ પોતાના હક માટે જીદ કરે છે કે, "તારે એ ગીફ્ટ યુએસએ જઈને નહીં મને અત્યારે ને અત્યારે જ આપવી પડશે અને હું જે કહું તે તારે કોઈને કહેવાનું પણ નથી.." ઈશાન એક સેકન્ડ માટે વિચારમાં પડી જાય છે કે એવી શું સીરીયસ વાત છે જે ...Read More

ઈશાન અને અપેક્ષાના લગ્ન ધામધૂમથી અને સુખરૂપ સંપન્ન થયા અને ઈશાન તેમજ અપેક્ષા યુએસએ પોતાના ઘરે પણ પહોંચી ગયા ઈશાન લગ્ન પછીનો થોડો સમય અપેક્ષા સાથે એકાંતમાં વિતાવવા માંગતો હતો એટલે તેણે બાલીની કપલટૂરમાં ફરવા જવા માટેનું બુકિંગ પણ કરાવી દીધું હતું. હવે આગળ.... ઈશાન અને અપેક્ષા દુન્યવી ચિંતાઓથી મુક્ત એકાંતમાં બંને એકબીજાને માણવા અને લગ્ન પછીના નજીકના જે યાદગાર દિવસો હોય છે તેને વધુ યાદગાર બનાવવા માટે બાલી પહોંચી ગયા હતા અહીંયા તે બંનેને ડિસ્ટર્બ કરવાવાળું કોઈ નહોતું બસ તે બંને, એકાંત અને તેમનો મીઠો પ્રેમ અને જીવનની યાદગાર ક્ષણો.... લગ્ન પછી પણ અપેક્ષા જેવી ખુશ હોવી જોઈએ ...Read More

ઈશાનના આ શબ્દો સાંભળીને અપેક્ષા જાણે ચોંકી ઉઠી તેને ખબર પણ નહોતી કે તે જાણે સૂનમૂન રહ્યા કરે છે તેના ચહેરા ઉપરની લાલી ગૂમ થઈ ગઈ છે ઈશાનના આ શબ્દોથી તે જાણે ભાનમાં આવી ગઈ.. તેણે એટલું બધું તો પોતાના મનમાં ભરી રાખ્યું હતું ને કે તેણે થોડા હલકા થવાની જરૂર હતી પણ તેની એટલી નજીક તો કોઈ હતું જ નહીં જેને તે પોતાની દિલની વાત કરી શકે... ક્યારેક પોતાના દિલની વાત કહેવા માટે પણ કોઈ વિશ્વાસપાત્ર વ્યક્તિનું આપણાં જીવનમાં હોવું આવશ્યક બની જાય છે.. જેને આપણે બધુંજ કહી શકીએ અને આપણું મન હલકું બની જાય અને તે વ્યક્તિ ...Read More

અપેક્ષાના ગળામાં ડૂમો ભરાઈ ગયો હતો અને તે બોલી રહી હતી કે, "આપણાં મોમની ઈચ્છા આપણને ઈન્ડિયામાં સેટલ કરવાની પરંતુ મિથિલને કારણે જ મેં "ના" પાડી હતી, મને મિથિલનો ખૂબજ ડર લાગે છે તે આપણો ઘરસંસાર બગાડી ન દે." "અરે, એવા ગુંડાઓને તો જેલમાં પુરાવી દેવાના હોય પગલી તેમનાથી ડરવાનું ન હોય. અને સારું થયું તે મને આ બધું કહી દીધું હવે આપણી બંને વચ્ચે કદી કોઈ વાત ખાનગી ન હોવી જોઈએ.. ઓકે?" અપેક્ષાએ હકારમાં માથું ધુણાવ્યું અને પછી બોલી કે, "અમે તેને લોકઅપમાં પણ પુરાવી દીધો છે." ઈશાને અપેક્ષાની વાત શાંતિથી સાંભળી અને તેને હિંમત આપી અપેક્ષાની હિંમત ...Read More

ઈશાન અપેક્ષાને કહી રહ્યો હતો કે, "મને આ જ ક્ષણનો ઈંતજાર હતો કે તું ક્યારે મારા બાળકની "માં" બને માય ડિયર મને આ ખુશીના સમાચાર આપવા બદલ તું બીલીવ નહીં કરે એટલો બધો હું આજે ખુશ છું. તારું અને મારું બાળક કેવું હશે..!! હું કલ્પના કરી રહ્યો છું. એક નાનકડું બચ્ચું આપણી વચ્ચે હશે..!! જે આપણાં બંનેનો અંશ હશે..ઑહ નો..આઈ ડોન્ટ બીલીવ કે ઉપરવાળાએ આટલી બધી જલ્દી મારી જોળી ખુશીઓથી ભરી દીધી..થેન્કસ માય ડિયર એન્ડ થેન્કસ માય ગોડ.." અને તેણે ફરીથી અપેક્ષાને પ્રેમથી ચૂમી લીધી...હવે આગળ....ઈશાન અપેક્ષાને પોતાના જીવ કરતાં પણ વધારે સાચવી રહ્યો હતો ખાવાપીવાથી લઈને તેને દવા ...Read More

ઈશાનના ડેડના હાથમાંથી ધમકીભર્યો કાગળ સરકીને નીચે પડી ગયો તે જાણે પોતાની સૂઝબૂઝ ખોઈ બેઠાં હતાં એટલામાં તેમના સેલફોનમાં વાગી તે ફોન ઉપાડીને જવાબ આપી શકે તેવી પણ તેમની પરિસ્થિતિ નહોતી. તે ચૂપચાપ બેસી રહ્યા અને ફોનની રીંગ વાગતી જ રહી બસ વાગતી જ રહી. થોડીવાર પછી એકદમ જાણે ફોનની રીંગ તેમનાં કાને અથડાઈ અને તેમણે ફોન ઉઠાવ્યો સામે અપેક્ષા હતી તે પૂછી રહી હતી કે, "શું થયું ડેડ તમે ફોન કેમ નથી ઉઠાવતાં?""તું અહીં આવી જા" એટલું જ તે બોલી શક્યા. તેમનાં અવાજમાં ધ્રુજારી હતી.અપેક્ષાએ આ વાત પોતાના સાસુને કરી. તે અપેક્ષાને એકલી સ્ટોર ઉપર જવા દેવા માટે ...Read More

યુએસએ હોય કે ઈન્ડિયા અપેક્ષા આખો દિવસ સૂનમૂન રહેવાનું જ પસંદ કરતી હતી તેને કોઈની સાથે બોલવું કે વાતચીત બિલકુલ પસંદ નહોતી. તેને હવે પાંચમો મહિનો બેસી ગયો હતો. લક્ષ્મી અપેક્ષાને તેનાં બાળક માટે તેણે ખુશ રહેવું જોઈએ તેમ સમજાવી રહી હતી અને આપણો ઈશાન એક દિવસ ચોક્કસ પાછો આવશે તેવી આશા તેને બંધાવી રહી હતી. ખાવા પીવાથી માંડીને દરેક વસ્તુમાં લક્ષ્મી પોતાની દિકરી અપેક્ષાનું પૂરેપૂરું ધ્યાન રાખી રહી હતી.હવે આગળ...સમય પસાર થઈ રહ્યો હતો અપેક્ષાને હવે સાતમો મહિનો બેસી ગયો હતો એટલે તેનાં ખોળાભરતની વિધિ પૂરી કરવાની હતી. ઈશાનનો હજુ કોઈ જ અતોપતો નહોતો એટલે અપેક્ષાનો કે લક્ષ્મીનો ...Read More

એક દિવસ પોતાના હાથમાં એક સુંદર ફૂલોનો ગુલદસ્તો લઈને અપેક્ષા શ્રી ધીમંત શેઠને મળવા અને તેમનો આભાર વ્યક્ત કરવા તેમના બંગલામાં પ્રવેશી. સવાત્રણ કરોડના આલિશાન બંગલામાં શ્રી ધીમંત શેઠ એકલા જ રહેતા હતા તે જાણીને અપેક્ષાને ખૂબ નવાઈ લાગી. શ્રી ધીમંત શેઠ પોતાની પૂજામાં વ્યસ્ત હતા તેથી અપેક્ષા તેમની રાહ જોતી વ્હાઈટ કલરના મખમલી સોફા ઉપર બેઠી હતી અને વિચારી રહી હતી કે, આટલા મોટા બંગલામાં શ્રી ધીમંત શેઠ એકલા જ કેમ રહેતા હશે?હવે આગળ....થોડીવાર પછી પોતાની પૂજા પૂરી કરીને શ્રી ધીમંત શેઠ ડ્રોઈંગ રૂમમાં આવ્યા તો તેમણે એક સ્વચ્છ સુંદર લાઈટ ગ્રે કલરના ડ્રેસમાં સજ્જ સ્માઈલી ફેસમાં અપેક્ષાને ...Read More

અપેક્ષા ભણેલીગણેલી અને ખૂબજ હોંશિયાર છોકરી હતી એટલે તે કોઈ સારી જગ્યાએ જો પોતાને જોબ મળી જાય તો કરવા છે તેમ તેણે જણાવ્યું. ધીમંત શેઠે તેને એકાઉન્ટ વિશે, કમ્પ્યૂટર વિશે કેટલું નોલેજ છે તે જાણી લીધું અને બીજે દિવસે પોતાની ઓફિસમાં તેને જોબ માટે બોલાવી.અપેક્ષાએ મારી મોમને પૂછીને હું આપને જવાબ આપું તેમ જણાવ્યું અને ચા નાસ્તો કરીને ફરીથી ધીમંત શેઠનો તેમજ લાલજીભાઈએ તેને ચા નાસ્તો કરાવ્યો તે બદલ તેમનો આભાર માનીને તે પોતાના ઘરે જવા માટે નીકળી...હવે આગળ...અપેક્ષાએ ઘરે આવીને પોતે જોબ કરવા ઈચ્છે છે તેમ લક્ષ્મીને જણાવ્યું આ વાત જાણીને લક્ષ્મીને પણ આનંદ થયો કે અપેક્ષાનું માઈન્ડ ...Read More

એક દિવસ ધીમંત શેઠ પોતાના ડૉક્ટર મિત્ર મેહૂલ પટેલને મળીને બોમ્બેથી પરત આવી રહ્યા હતા અને રસ્તામાં જ તેમની ભયાનક અકસ્માત સર્જાયો અને તેમને અમદાવાદની એપોલો હોસ્પિટલમાં સારવાર માટે લઈ જવામાં આવ્યા....અપેક્ષાને આ વાતની ખબર પડતાં જ તેના તો હોશકોશ જ ઉડી ગયા અને તે સીધી એપોલો હોસ્પિટલમાં દોડી ગઈ પરંતુ ધીમંત શેઠનું માથું કારના આગળના ભાગમાં જોરથી ટકરાતાં તેમને સખત હેડ ઈન્જરી થઈ હતી જેને કારણે તે બેભાન અવસ્થામાં ચાલ્યા ગયા હતા અને તેમને આઈ સી યુ માં સારવાર અર્થે રાખેલા હતાં...હવે આગળ...આઈ સી યુ માં કોઈને અંદર તો જવા દેતાં નહીં પરંતુ અપેક્ષા હોસ્પિટલમાં બહાર કલાકોના કલાકો ...Read More

ડૉક્ટર સાહેબની સૂચના પ્રમાણે હજુ પંદરેક દિવસ ધીમંત શેઠને ઘરે આરામ જ કરવાનો હતો ઉતાવળ કરીને ઓફિસે જવાનું નહોતું પછીથી ડૉક્ટર સાહેબને બતાવીને તે છૂટ આપે પછીથી જ પોતાની ઓફિસે જવાનું શરૂ કરવાનું હતું.ડૉક્ટર સાહેબની આ વાત ધીમંત શેઠને બિલકુલ ગમી નહોતી પરંતુ અપેક્ષા એ બાબતમાં ખૂબ સ્ટ્રીક્ટ હતી એટલે ધીમંત શેઠને હવે આરામ કરવા માટે ઘરે રોકાયા વગર છૂટકો પણ નહોતો અને તે સુખરૂપ ઘરે પહોંચી ગયા.. ઘરે જઈને જોયું તો આખાયે ઘરનો માહોલ કંઈક બદલાઈ ગયેલો હતો...હવે આગળ...ધીમંત શેઠ જેવા પોતાના બંગલાની નજીક આવ્યા અને પોતાની કારમાંથી નીચે ઉતર્યા કે તરત જ તેમના બંગલાના ઝાંપાથી લઈને અંદર ...Read More

ધીમંત શેઠ અપેક્ષાને કહી રહ્યા હતા કે, "તે તો આખી ઓફિસનો લૂક જ ચેન્જ કરી દીધો છે બિલકુલ નવી ગઈ આપણી ઓફિસ.. હવે અહીંયા બેસવાની અને કામ કરવાની પણ ખૂબ મજા આવશે. પણ આ બધા ખર્ચ માટે તે પૈસા ક્યાંથી વાપર્યા હિસાબમાં તો આ બધા ખર્ચનો કોઈ ઉલ્લેખ જ નથી." "સર એ તો મારી સેલરીમાંથી જ મેં ખર્ચ કર્યો છે." "અરે બાપ રે.. એવું થોડું ચાલે..તે મારી આટલી બધી સેવા કરી જેને કારણે હું આટલો જલ્દીથી પથારીમાંથી ઊભો થઈ ગયો અને જાણે દશ વર્ષ નાનો બની ગયો એટલી બધી મારામાં સ્ફૂર્તિ આવી ગઈ છે અને એટલો બધો મારામાં આત્મવિશ્વાસ ...Read More

લાલજી ઠાવકાઈથી ધીમંત શેઠને કહી રહ્યો હતો કે, "શેઠ સાહેબ આ અપેક્ષા મેડમ આપણાં ઘરમાં આવતાં હતાં તો ઘર ભરેલું ભરેલું લાગતું હતું અને તે તમારું કેટલું ધ્યાન પણ રાખે છે તમને એક્સિડન્ટ થયો હતો અને દાખલ કર્યા હતા ત્યારે રાત દિવસ જોયા વગર ખડેપગે તેમણે તમારી સેવા ચાકરી કરી છે અને આ જુઓ તો ખરા આપણાં આ આખા ઘરની તેમણે તો રોનક પણ કેવી બદલી કાઢી છે અને શેઠ સાહેબ એ જ્યારે આપણાં ઘરમાં આવે ત્યારે ઘર એકદમ ભરેલું ભરેલું લાગે છે અને ઘરમાં જાણે આનંદ આનંદ છવાઈ જાય છે મને તો એમનો પ્રેમાળ સ્વભાવ જ ખૂબ ગમે ...Read More

બસ હવે દિવાળી નજીક આવી રહી હતી એટલે લાલજી પોતાની પત્ની અને બાળકો પાસે વતનમાં જવાનું વિચારી રહ્યો હતો હજુ તો હમણાં જ ધીમંત શેઠ પથારીમાંથી ઉભા થયા હતા એટલે તેમને આમ એકલાં મૂકીને જવાની હિંમત લાલજીમાં નહોતી એટલે તે વિચારી રહ્યો હતો કે જો અપેક્ષા મેડમ થોડા દિવસ અહીં શેઠ સાહેબ સાથે રહેવા માટે આવી જાય તો હું નિશ્ચિંત પણે મારા વતનમાં મારી પત્ની અને બાળકો સાથે પંદરેક દિવસ રોકાઇને પાછો આવું હવે ગમે તે કારણસર અપેક્ષા મેડમ અહીં ધીમંત શેઠના બંગલે આવે તેવી લાલજી મનોમન ઈશ્વરને પ્રાર્થના કરવા લાગ્યો. હવે આગળ.... એ દિવસે રાત્રે ધીમંત શેઠને ઊંઘ ...Read More

બોલો લાલજીભાઈ અહીંયા કેમ આવવાનું થયું? તમારે અપેક્ષાનું કામ હોય તો તેને ત્યાં ધીમંત શેઠના બંગલે બોલાવી લેવી હતી તમે છેક અહીં સુધી કેમ લાંબા થયા? ત્યારે તેમણે જણાવ્યું કે, "ના બેન બા, મારે અપેક્ષા મેડમનું નહીં તમારું જ કામ છે. હું તમને જ મળવા માટે આવ્યો છું." "ઓહો, એવું શું કામ પડ્યું એમણે કંઈ પૈસા બૈસા તો નહોતા માંગ્યા ને?" "ના બેટા ના, પૈસાની તો ધીમંત શેઠને ત્યાં ક્યાં કમી છે તો આપણી પાસે માંગે." "અરે, સરે કદાચ પૈસા આપવાની ના પાડી હોય." "ના ના એવું નથી બેટા સાંભળને, પછી મેં તેમને બેસવા માટે કહ્યું અને હું તેમને ...Read More

ધીમંત શેઠ થોડીવાર ટીવીમાં ન્યૂઝ જોવામાં બીઝી થયા એટલીવારમાં અપેક્ષા લાલજી પાસે કીચનમાં ગઈ અને લાલજીને પોતે અહીંયા દીવાળી નહીં રહી શકે તેનું કારણ સમજાવવા લાગી. લાલજીને પણ અપેક્ષાએ આપેલું કારણ યોગ્ય જ લાગ્યું પરંતુ અપેક્ષાને અહીં રોકવાનું તેની પાસે બીજું એક કારણ પણ હતું જે તેને અપેક્ષાને કહેતાં થોડો સંકોચ થતો હતો પણ તેને એમ લાગ્યું કે અત્યારે વાત નીકળી જ છે તો કહી જ દઉં અને ઠાવકાઈથી અપેક્ષાની સામે પોતાના દિલની વાત ખોલવાનો પ્રયત્ન કરવા લાગ્યો... "અપેક્ષા મેડમ હું બહુ નાનો માણસ છું પરંતુ શેઠ સાહેબ સાથે વર્ષોથી રહું છું એટલે તેમની સાથે મારે દિલનો નાતો જોડાઈ ...Read More

અપેક્ષા જેવી ઘરમાં પ્રવેશી કે તરતજ લક્ષ્મી સમજી ગઈ હતી કે, નક્કી ધીમંત શેઠને ત્યાં કોઈ એવી વાત બની જેને કારણે અપેક્ષા વિચારોમાં ખોવાઈ ગઈ છે. અપેક્ષા ચૂપચાપ પોતાના રૂમમાં ચાલી ગઈ અને કપડા બદલીને હાથ પગ મોં ધોઈને જરા ફ્રેશ થઈ અને બેડ ઉપર આડી પડી ગઈ પરંતુ તેની નજર સામેથી લાલજી ભાઈ જે પોતાની સામે હાથ જોડીને ઉભા હતા તે દ્રશ્ય ખસતું નહોતું અને તેના કાનમાં હજીપણ એ શબ્દો ગુંજી રહ્યા હતા કે, "બેન ના ન પાડતાં મારા શેઠ સાહેબ બહુ સારા માણસ છે તમે એમની સાથે ખૂબ ખુશ રહી શકશો." અને અપેક્ષાએ એક ઉંડો નિસાસો નાખ્યો ...Read More

બીજે દિવસે સવારે અપેક્ષા સમય કરતાં થોડી વહેલી જ ઉઠી ગઈ હતી પરંતુ આજે તેનામાં દરરોજ જેવી ન તો હતી કે ન તો તેના ચહેરા ઉપર ખુશી દેખાતી હતી. લક્ષ્મી પોતાના દરરોજના નિયમ મુજબ 6 વાગ્યે ઉઠીને પ્રભુ આરતી કરીને પોતાની અને અપેક્ષાની ચા બનાવી રહી હતી અને એટલામાં તો અપેક્ષા બ્રશ કરીને ડાઈનીંગ ટેબલ ઉપર ગોઠવાઈ ગઈ તેને જોઈને જ લક્ષ્મી સમજી ગઈ હતી કે, હજી રાતની વાતોનો ભાર અપેક્ષાના મન ઉપરથી ઉતર્યો નથી. લક્ષ્મીએ તેને ખૂબજ પ્રેમથી બોલાવી અને તેને માટે તેમજ પોતાને માટે ગરમાગરમ ચા લઈને તે પણ અપેક્ષાની સામે ડાઈનીંગ ટેબલ ઉપર ગોઠવાઈ ગઈ. એટલામાં ...Read More

લક્ષ્મીએ પોતાના દીકરા અક્ષત સાથે વાત કરીને ફોન મૂક્યો અને તે અપેક્ષા વિશે વિચારવા લાગી કે, જો અપેક્ષાનું મન હોય તો ધીમંત શેઠ ખૂબજ ખાનદાન માણસ છે અને તેમણે સામેથી પ્રપોઝલ મૂકી છે તો અપેક્ષાને તેમની સાથે પરણાવવામાં કંઈ વાંધો નથી એનું જીવન તો સુખેથી પસાર થાય." અને આમ વિચારતાં વિચારતાં લક્ષ્મી રસોડામાં પ્રવેશી અને પોતાની દીકરી માટે આજે ટિફિનમાં શું બનાવડાવવું તે વિચારવા લાગી અને અપેક્ષાની સાથે વાત કરવાના ઈરાદાથી તે અપેક્ષા બેટા તું આજે ટિફિનમાં શું લઈ જઈશ?" પણ અપેક્ષા તો સાવરબાથ લેવા માટે વોશરૂમમાં ચાલી ગઈ હતી એટલે લક્ષ્મીએ પોતે જ તેની ભાવતી બટાકાની શુકીભાજી અને ...Read More

આજે ઘીમંત શેઠે ઘણાં વર્ષો બાદ પોતાને માટે અને અપેક્ષાને માટે મૂવીની બે ટિકિટ મંગાવીને રાખી હતી એટલે તે સાથે મૂવી જોવા માટે જવાના છે અને મૂવી જોયા બાદ બંને બહાર ડિનર પતાવીને પછી જ ઘરે જશે એવું અપેક્ષાએ પોતાની મોમ લક્ષ્મીને પણ ફોન કરીને જણાવી દીધું હતું.... હવે આગળ.... ઓફિસ ટાઈમ પૂરો થતાં જ એક પછી એક બધા જ કર્મચારી નીકળી ગયા એટલે અપેક્ષા અને ધીમંત શેઠ પણ પ્યૂનને ઓફિસને લોક મારવાનું કહીને નીકળી ગયા અને મૂવી જોવા જવા માટે ધીમંત શેઠની કારમાં ગોઠવાઈ ગયા. રસ્તામાં અપેક્ષા ધીમંત શેઠને પૂછી રહી હતી કે, પણ સર તમે ટિકિટ કઈ ...Read More

ધીમંત શેઠ અપેક્ષાને પ્રપોઝ કરી રહ્યા છે અને કહી રહ્યા છે કે, મારો આ કરોડનો બિઝનેસ અને મને બંનેને સંભાળી શકે તેમ છે હું તને ચાહવા લાગ્યો છું અને માટે જ તારી આગળ મારા પ્રેમની કબૂલાત કરું છું. અને છેલ્લે કહે છે કે, મારે જે કહેવાનું હતું તે મેં કહી દીધું છે હવે આગળ તારે વિચારવાનું છે." અને પછીથી આશાભરી નજરે તેમણે અપેક્ષાની સામે જોયું. અપેક્ષા થોડી નર્વસ થઈ ગઈ હતી કદાચ તેને તેનો ભૂતકાળ સતાવી રહ્યો હતો.. તેણે ધીમંત શેઠની સામે જોયું અને પોતાના મનની વાત જણાવતાં તે કહેવા લાગી કે, "તમારી બધી જ વાત સાચી, હું તમને ...Read More

ધીમંત શેઠ મનમાં ને મનમાં વિચારી રહ્યા હતા કે, વર્ષોથી ઉજ્જડ અને વેરાન બની ગયેલી મારી આ જિંદગીમાં અપેક્ષાના રોનક છવાઇ જશે. બસ પછી તો ચારેય તરફ બસ ખુશી જ ખુશી છવાયેલી રહેશે...અને તે પોતાના અપેક્ષા સાથેના લગ્ન થઈ ગયા છે અને પોતે તેને લઈને કોઈ હિલસ્ટેશન ઉપર હનીમૂન માટે ગયા છે તેવા સ્વપ્નમાં ખોવાઈ ગયા અને એકદમ અપેક્ષા જાણે સીડી ઉતરતાં ઉતરતાં પગથિયું ચૂકી ગઈ છે અને છેક નીચે પછડાઈ ચૂકી છે... અને તેમણે એકદમથી બૂમ પાડી કે, "અપેક્ષા.. અપેક્ષા.." તેમની આ બૂમ સાંભળીને લાલજીભાઈ દોડીને તેમની રૂમ તરફ આવી પહોંચ્યા અને તેમના રૂમને નોક કરવા લાગ્યા અને ...Read More

અપેક્ષા પોતાના લગ્ન ધીમંત શેઠ સાથે થાય તે બાબતે હજુ અવઢવમાં હતી. પરંતુ ધીમંત શેઠ તે બાબતે સ્યોર હતા જ નહીં બલ્કે તે હવે ગમે તેમ કરીને અપેક્ષાને પોતાની બનાવીને જ રહેશે તે વાત તેમણે પોતાના દિલોદિમાગમાં નક્કી કરીને રાખી હતી. અને માટે જ અપેક્ષાના મનમાંથી પોતાના ખરાબ નસીબનો વહેમ નીકળી જાય અને તે ખુશ થઈને નિશ્ચિંતપણે ધીમંત શેઠ સાથે લગ્ન કરી શકે અને ખુશી ખુશી તેમની સાથે પોતાની જિંદગી વ્યતિત કરી શકે તે માટે ધીમંત શેઠે પોતાના અને અપેક્ષાના જન્માક્ષર મેળવવા માટે પોતાના પરિચિત શ્રી કૃષ્ણકાંત મહારાજને ઘરે બોલાવ્યા હતા. બીજે દિવસે નક્કી કર્યા મુજબ કૃષ્ણકાંત મહારાજ રાત્રે ...Read More

અપેક્ષા, ઈશાન અને મિથિલ સાથેના પોતાના વસમા ભૂતકાળ ભૂલીને.. વસમી જીવનયાત્રાની કપરામાં કપરી કસોટી પાર કરીને હજુ પણ અડીખમ પોતાની માં લક્ષ્મીને ઉદાહરણરૂપે પોતાની નજર સમક્ષ રાખીને પોતાના ઉજ્જવળ ભવિષ્યની ખેવના કરતી પોતાની માં લક્ષ્મીને કારણે ધીમંત શેઠ સાથે લગ્નગ્રંથિથી જોડાવા માટે તૈયાર થાય છે અને મક્કમતાથી પોતાની માંને કહે છે કે, "માં હું આ લગ્ન કરવા માટે તૈયાર છું." ત્યારે જમાનાની ખાધેલી તેની માં લક્ષ્મી પણ તેની સામે એક શર્ત મૂકે છે કે, "પણ પછીથી તારે ધીમંત શેઠ આગળ કદી તારા ભૂતકાળની કિતાબના પાના નહીં ખોલવાના અને તારે પણ ખુશી ખુશી જિંદગી જીવવાની અને તેમને પણ ખુશ ...Read More

લક્ષ્મી બા જરા આગળ નીકળ્યા એટલે ધીમંત શેઠે અપેક્ષાને એક મિનિટ માટે રોકી લીધી અપેક્ષા ડ્રાઈવર સાઈડની બારી ઉપર મૂકીને ઉભી હતી ધીમંત શેઠે તેના હાથ ચૂમી લીધાં આ સૌથી પહેલું અને મીઠું ચુંબન હતું... બંનેની નજર એક થઇ ધીમંત શેઠે હળવેથી અપેક્ષાને "આઈ લવ યુ, ડાર્લિંગ" કહ્યું અને તે તેમજ અપેક્ષા બંને જાણે ભાવવિભોર બની ગયા અને પ્રેમની નદીમાં તણાઈ ગયા.. "કાલે મળીએ.. બાય.‌." કહીને અપેક્ષા રોમાંચભરી તોફાની અદામાં પોતાના ઘર તરફ આગળ વધી... અને ધીમંત શેઠ મંત્ર મુગ્ધ થઈને જાણે પોતાની અપેક્ષાને જતાં જોઈ રહ્યા...બંને પોત પોતાના રૂમમાં જઈને સૂઈ ગયા.લક્ષ્મીબાને આજે નિરાંતની ઉંઘ આવી હતી પરંતુ ...Read More

"ઓકે તમારી જેવી ઈચ્છા મેડમ.." અને ધીમંત શેઠે અપેક્ષાના હાથ ઉપર પોતાનો હાથ મૂક્યો અને તેને હળવેથી પ્રેમથી દબાવ્યો ખાતરી આપી કે, તું ચિંતા ન કરીશ હું તારી સાથે જ છું.. અને એટલામાં અપેક્ષાનું ઘર આવી ગયું એટલે ધીમંત શેઠે પોતાની કારને અટકાવી અને અપેક્ષા નીચે ઉતરવા માટે ઉભી થઇ એટલે ધીમંત શેઠે ફરીથી તેનો હાથ પકડ્યો અને, "આઈ લવ યુ, ડિયર" કહ્યું. ધીમંત શેઠના આ મીઠા શબ્દો અપેક્ષાના નાજુક દિલને સ્પર્શીને જાણે હ્રદય સોંસરવા ઉતરી ગયા અને તે પણ ભાવવિભોર બની ગઈ અને ધીમંત શેઠની સામે પ્રેમભરી દ્રષ્ટિએ જોઈને, "આઈ લવ યુ ટુ.." બોલીને પોતાના ઘર તરફ તેણે ...Read More

"ના ના ખોટું ન લગાડતા જમાઈ રાજા એ તો હું તો મજાક કરું છું." લક્ષ્મી બાએ વાતનો ફોડ પાડતા શેઠને કહ્યું. "ના ના મા મને જરાપણ ખોટું નથી લાગતું તમે ચિંતા ન કરશો. અને સાંભળો આવતીકાલે રાત્રે 9.30 વાગ્યે કૃષ્ણકાંતજી આપણાં ઘરે આવવાના છે તો તમારે અને અપેક્ષાએ પણ હાજર રહેવાનું છે." "સારું સારું આવી જઈશું." અને લક્ષ્મી બાએ ફોન મૂક્યો અને પોતાના રૂમમાં સૂઈ જવા માટે ગયા. બીજા દિવસની સવાર અપેક્ષા માટે અને લક્ષ્મી બા માટે કંઈક અલગ જ હતી બંને આજે ખૂબજ ખુશ હતાં લક્ષ્મી બા પોતાની દીકરી એક સારા ઘરે, સુખી ઘરે પરણીને જઈ રહી છે ...Read More

અપેક્ષા ખડખડાટ હસી પડી. "અરે, અરે આટલી બધી ચિંતા ન કરશો મારી, કંઈ નથી થયું મને..આઈ એમ ઓલ્વેઈઝ ઓકે.." પણ શું યાર જીવ ઉડાડી દે છે મારો! હું તો ટેન્શનમાં મુકાઈ ગયો!" "ના ના એવું કંઈ નથી. બોલો શું કહેતા હતા?" "બસ એ જ કે તું તૈયાર છે ને? હું આવું છું તને લેવા માટે અને આપણે પહેલા શીવજી મંદિરે જઈ આવીએ અને પછી ત્યાંથી બારોબાર ઓફિસે જતા રહીએ છીએ." "ઓકે, તો આવી જાવ માય ડિયર." કહીને અપેક્ષાએ ફોન મૂક્યો અને પોતાની જાતને સંવારતા સંવારતા તે ધીમંત શેઠની રાહ જોવા લાગી.... થોડી જ વારમાં ધીમંત શેઠ અપેક્ષાના દરબારમાં હાજર ...Read More

બરાબર 9.30 વાગ્યે અપેક્ષા અને લક્ષ્મી ધીમંત શેઠને બંગલે હાજર થઈ ગયા હતા અને બધા જ આલિશાન બંગલાના વૈભવી ડ્રોઈંગ રૂમમાં મહારાજ શ્રી કૃષ્ણકાંતની રાહ જોતાં સફેદ કલરના મખમલી સોફા ઉપર ગોઠવાઈ ગયા હતા... થોડીવારમાં જ મહારાજ શ્રી કૃષ્ણકાંતજી પધાર્યા એટલે તેમને આદર આપતા ધીમંત શેઠ, લક્ષ્મી બા અને અપેક્ષા ત્રણેય ઉભા થયા. ધીમંત શેઠે તેમને આવકાર્યા અને સોફા ઉપર બેસવા કહ્યું. લાલજીભાઈ તેમને માટે પાણી લઈ આવ્યા તેમજ બધાને માટે ચા બનાવું ને? તેમ પૂછીને કિચનમાં ચા બનાવવા માટે ગયા. કૃષ્ણકાંતજીએ ધીમંત શેઠ અને અપેક્ષાના લગ્નનું મુહૂર્ત જોવા માટે પોતાની પાસે રહેલું પંચાંગ ખોલ્યું અને બંનેની રાશિ મુજબ ...Read More

લગ્નની તારીખ વિશે ચર્ચા પૂર્ણ થયા બાદ કૃષ્ણકાંતજી પોતાના ઘરે જવા માટે નીકળ્યા અને ધીમંત શેઠ પણ લક્ષ્મીને અને તેમના ઘરે મૂકવા જવા માટે ઉભા થયા. લક્ષ્મીએ ના જ પાડી પરંતુ ધીમંત શેઠ જીદ કરીને તે બંનેને મૂકવા માટે ગયા. રસ્તામાં ધીમંત શેઠની ગાડીમાં ફરીથી લગ્નની તારીખ બાબતે ચર્ચા ચાલી એટલે લક્ષ્મીએ હું આવતીકાલે સવારે તમને ફાઈનલ તારીખ આપણે કઈ રાખવી છે તે જણાવી દઉં..તેમ કહ્યું. થોડીક જ વારમાં લક્ષ્મીબાનું ઘર આવી ગયું એટલે લક્ષ્મીબા નીચે ઉતરીને પોતાના ઘર તરફ રવાના થયા અને અપેક્ષા ધીમંત શેઠને બાય કહેવા માટે ઉભી રહી ધીમંત શેઠે પણ અપેક્ષા સાથે વાત કરવાના ઈરાદાથી ...Read More

આઈ લવ યુ અપેક્ષા આઈ લવ યુ..અને મનમાં એ વિચાર સાથે તેમણે પોતાની પાસે રહેલા પીલોને પોતાની બાથમાં ભીડી જાણે તે અપેક્ષાને પોતાની બાથમાં ભીડી રહ્યા હોય તેમ અને કોઈ સુમધુર સ્વપ્નની દુનિયામાં ખોવાઈ ગયા. હવે આગળ.... સવારે જ્યારે તે ઉઠ્યા ત્યારે બિલકુલ ફ્રેશ મૂડમાં હતા અને પોતાના રૂમમાં જ તૈયાર થતાં થતાં મનમાં કોઈ રોમેન્ટિક ગીતની પંક્તિઓ ગણગણી રહી હતા. લાલજીભાઈ તેમને ચા નાસ્તો કરવા માટે જ્યારે તેમના રૂમમાં તેમને બોલાવવા માટે આવ્યા ત્યારે તેમણે આ જોયું તે પણ પોતાના શેઠને આમ રોમેન્ટિક મૂડમાં જોઈને ખુશખુશાલ થઈ ગયા. લાલજીભાઈ આ દ્રશ્ય જોવા માટે બે મિનિટ ત્યાં રોકાઈ ગયા ...Read More

"માં તો મારી ખુશીમાં ખુશ છે. બસ મને જે ગમે તે કરવા માટે તે હંમેશા તૈયાર રહે છે. મારી માં નહીં કદાચ આ દુનિયામાં બધાની માં આવી જ હોતી હશે!" "સાચી વાત છે અપેક્ષા તારી બધાની માં આવી જ હોતી હશે. ઓકે તો હવે આ વાત નક્કી કે આપણે સાદાઈથી લગ્ન કરવાના છે અને લગ્નની બધી જ તૈયારી પણ મારે જ કરવાની છે." "પણ લગ્નની બધી જ તૈયારી તમે એકલા શું કામ કરશો?" અપેક્ષાએ પ્રશ્નાર્થ નજરે ધીમંત શેઠની સામે જોયું. "એટલા માટે કે આ મારા લગ્ન છે." અને તે હસી પડ્યા. "એમ નહીં સાંભળ અપેક્ષા મારો કહેવાનો મતલબ એમ ...Read More

અંધકાર છવાયેલો હતો, રસ્તો સૂમસામ હતો રાત્રિના અગિયાર વાગી ગયા હતા.. ધીમંત શેઠે પોતાની કારને રસ્તાના એક ખૂણામાં પાર્ક અને પાછળની સીટ ઉપર બેસી ગયા અને અપેક્ષાને થોડી વાર શાંતિથી પોતાની બાજુમાં બેસવા માટે કહ્યું અપેક્ષા પાછળની સીટ ઉપર પોતાના ધીમંતના શરીરને અને મનને પણ મીઠો પ્રેમાળ હૂંફાળો સ્પર્શ થાય તેમ લગોલગ ચોંટીને બેસી ગઈ. ધીમંત શેઠે તેને પોતાના આલિંગનમાં લઈ લીધી અને તેનાં લાલ ચટ્ટાક કૂણાં હોઠ ઉપર પોતાના હોઠ ગોઠવી દીધાં... બંને એકબીજાનામાં ખોવાયેલા હતાં અને એકાએક અપેક્ષાનો ફોન રણકી ઉઠ્યો બંનેને એ વાતનો ખ્યાલ આવ્યો કે બંને રસ્તા વચ્ચે ઉભા રહી ગયા છે અને બંનેએ પોત ...Read More

ધીમંત શેઠની ઈચ્છા પોતાની સુહાગરાત ફાઈવસ્ટાર હોટેલમાં મનાવવાની હતી પરંતુ અપેક્ષા પોતાના આ નવા આલિશાન સુંદર બંગલામાં જ પોતાની રાતની શરૂઆત કરવા માંગતી હતી એટલે અપેક્ષાની ઈચ્છા પ્રમાણે ધીમંત શેઠના આલિશાન બેડરૂમને ગુલાબના ફૂલોથી મઘમઘતો કરવામાં આવ્યો હતો. એકી બેકી રમવાની વિધિ પૂર્ણ થયા બાદ જે નજીકના સગા સંબંધી હતાં તેમણે પણ પોતાના ઘરે જવા માટે ધીમંત શેઠની રજા માંગી અને અપેક્ષાને આશિર્વાદ આપી તેમણે રજા લીધી. ધીમંત શેઠની ઓફિસના સ્ટાફમાંથી પણ રિધ્ધિ તેમજ દેવેન્દ્રભાઈ અત્રે હાજર હતા તેમણે પણ પોતાના શેઠની રજા માંગી અને ઘરે જવા માટે નીકળી ગયા તેમજ સાથે સાથે એમ પણ કહેતા ગયા કે, ઓફિસનું ...Read More

અપેક્ષાએ પોતાના પતિના ગાલ ઉપર એક મીઠું ચુંબન કરી લીધું. આ સાથે જ ધીમંત શેઠના શરીરમાં જાણે વીજળી વ્યાપી હતી અને તેમણે અપેક્ષાના ગળામાં પહેરાવેલો કિંમતી હિરાનો હાર સાચવીને કાઢી લીધો અને તેને બોક્સમાં પાછો ગોઠવી દીધો અને અપેક્ષાના સુડોળ ગળાની નીચેના ભાગમાં પોતાના હોઠ વડે ચુંબનોનો વરસાદ વરસાવી દીધો અને પોતાના હાથ વડે અપેક્ષાના વાંહાને પ્રેમથી પંપાળવા લાગ્યા અપેક્ષાના હાથ તેમના વાળમાં ફરી રહ્યા હતા અને બંનેનું મન તેમજ શરીર કાબૂ બહાર જઈ રહ્યું હતું. ધીમંત શેઠના હોઠ અપેક્ષાના નાજુક નમણાં હોઠ ઉપર ચુસ્તરીતે ગોઠવાઈ ગયા અને બંને એકબીજાનામાં ખોવાઈ ગયા. સુંદર સોહામણી સવારના તાજગીસભર કિરણો અપેક્ષા અને ...Read More

"ઓકે ઓકે, લોટ્સ ઓફ એન્જોય યોર ન્યૂ મેરેજ લાઈફ એન્ડ ઓલ ધ બેસ્ટ માય ડિયર.." મેહૂલ પટેલ ખૂબ પ્રેમથી બેસ્ટ ફ્રેન્ડને બધાઈ આપી રહ્યા હતા. "થેન્ક્સ માય ડિયર..લે અપેક્ષાને આપું.." ધીમંત શેઠે ફોન અપેક્ષાના હાથમાં આપ્યો. અપેક્ષાએ મેહૂલ પટેલ સાથે વાતચીત કરી અને તેમના આશિર્વાદ લીધા અને ફોન મૂક્યો અને પાછી પોતાની યુ એસ એ ની તૈયારીમાં લાગી ગઈ.... ઘણાં બધાં લાંબા સમય બાદ ધીમંત શેઠે આજે ઘરે રહીને આરામ જ ફરમાવ્યો અને તે પણ પોતાના આલીશાન બંગલાના આલિશાન બેડરૂમમાં પોતાની કોડ ભરેલી રૂપ રૂપના અંબાર જેવી પત્નીને પોતાના ઉષ્માભર્યા આલિંગનમાં જકડી રાખીને.‌‌. અપેક્ષા પણ જાણે ઘણાં વર્ષોની તડપ ...Read More

પરોઢિયે ચાર વાગ્યે એક ઓલા કેબ ધીમંત શેઠ અને અપેક્ષાના બંગલા પાસે તેમને પીકઅપ કરવા માટે આવી ગઈ. બંને ઘરેથી નીકળી ગયા અને ફ્લાઈટમાં ️ બેસી ગયા. ધીમંત શેઠના હાથમાં અપેક્ષાનો ઉષ્માભર્યો હાથ હતો જેને તે પ્રેમથી પંપાળી રહ્યા હતા અને ️ વિમાને ઉંચી ઉડાન ભરી અને સાથે સાથે ધીમંત શેઠ અને અપેક્ષાના સપનાઓએ પણ ઉંચી ઉડાન ભરી લીધી... ધીમંત શેઠ અને અપેક્ષાની આ પ્રેમી યુગલની હનીમુન ટ્રીપની સુખરૂપ શરૂઆત થઈ ગઈ હતી. હવે આગળ... હેમખેમ બંને જણાંએ યુ એસ એ ની ધરતી ઉપર પગ મૂક્યો અને ત્યાંની ઠંડક, ત્યાંની માટીની સોડમ અને ત્યાંની નીરવ શાંતિનો મીઠો અહેસાસ અનુભવ્યો. ...Read More

અપેક્ષાએ પોતાના ભાઈ અક્ષતને ફોન કરીને મહારાજ શ્રી ગણેશદાસજીના પ્રેમસભર આગ્રહ વિશે વાત કરી અને માટે પોતે અહીં મંદિરમાં દિવસ માટે રોકાઈ ગયા છે તે પણ જાણ કરી. અપેક્ષાએ પોતાની માં લક્ષ્મીને પણ પ્રસન્નચિત્તે આ જ વાત જણાવી અને ત્યારબાદ અપેક્ષા અને ધીમંત શેઠ બંનેએ થોડીક વાર મંદિર વિશે ચર્ચા કરી અને મહારાજ વિશે ચર્ચા કરી અને આમ ચર્ચા કરતાં કરતાં બંનેની આંખ મળી ગઈ... સવાર પડજો વહેલી... હવે આગળ.... બીજે દિવસે પરોઢિયે ચાર વાગ્યે અપેક્ષાની આંખ ખુલી ગઈ તેને થયું કે જો મંદિરના દ્વાર ખુલ્લાં હોય તો અત્યારે બ્રહ્મ મૂહુર્તમાં મારે ભગવાન શ્રી સ્વામિનારાયણના દર્શન કરવા છે. અંધારું ...Read More

અપેક્ષાને લાગ્યું કે આ ઈશાનનું ભૂત છે..!! તેના શરીરમાંથી કંપારી છૂટી ગઈ.. તેના ધબકારા વધી ગયા.. પરોઢની ચાર વાગ્યાની પણ.. તેને આખા શરીરે પરસેવો પરસેવો છૂટી ગયો.. શું કરવું? ક્યાં જવું? તેને કંઈ જ સમજાયું નહીં.. પોતે કોઈ ખરાબ સ્વપ્ન જોઈ રહી હોય તેવું તેને લાગ્યું.. અથવા તો કોઈ હોરર મૂવી.. તેણે પોતાની આજુબાજુ નજર કરી કે, કોઈ દેખાય તો હું હેલ્પ માંગુ અને આ ભૂતથી મારો પીછો છોડાવું પરંતુ આખો રસ્તો સૂમસામ હતો ત્યાં તેની મદદે આવી શકે તેવું કોઈ નહોતું... જે કંઈ હતું તે ફક્ત અને ફક્ત ડર જ હતો.. હવે આગળ... ઈશાન હવે તેની બિલકુલ નજીક ...Read More

"ઑહ નો, પણ તારે મને અથવા તો અક્ષતને તો ફોન કરવો જોઈતો હતો તો ચોક્કસ કંઈક રસ્તો નીકળત.."અપેક્ષા ઈશાનને રહી હતી.. "પણ અપેક્ષા શેમના માણસો મને શાંતિથી જીવવા જ ન દેત.. એ લોકો કેટલા ખતરનાક છે તેની તો તે કલ્પના શુધ્ધાં નહીં કરી હોય.." "હા, તે પણ છે.. હવે તું શું કરવા માંગે છે?"અપેક્ષાએ ઈશાનને પૂછ્યું. હવે આગળ... ઈશાનના ચહેરા ઉપર ખુશી વર્તાઈ રહી હતી.. વર્ષો પછી પોતાની અપેક્ષાને મેળવ્યાની ખુશી.. જાણે યુગો વીતી ગયા હોય અપેક્ષાને જોયે.. તેમ તે એકીટશે પલક ઝપક માર્યા વગર જ પોતાની અપેક્ષાને નીરખી રહ્યો હતો અને તેના હ્રદય સોંસરવો ઉતરી રહ્યો હતો. અપેક્ષા ...Read More

અપેક્ષાની નજર સમક્ષ ઘડીકમાં ધીમંત શેઠનો ચહેરો અને ઘડીકમાં પોતાના ઈશાનનો ચહેરો બંને તરવરી રહ્યા હતા..અપેક્ષા અને ઈશાન બંને છોડવા માટે તૈયાર નહોતા.. અને અસમર્થ પણ હતાં..કદાચ તેને માટે જવાબદાર બંનેનો એકબીજાને માટેનો ગળાડૂબ પ્રેમ જ હતો..જેણે બંનેને જકડીને રાખ્યા હતા..અપેક્ષાને લાગ્યું કે હવે હું પાગલ થઈ જઈશ..હવે આગળ...તેણે પોતાના બંને હાથ વચ્ચે પોતાનો ચહેરો દબાવી દીધો અને દિલોદિમાગમાં ચાલતું ધીમંત શેઠ અને ઈશાનની પસંદગી વચ્ચેનું ઘમાસાણ યુધ્ધને તે રોકવાની કોશિશ કરવા લાગી..ઈશાન ખૂબ પોઝિટિવ વિચારો ધરાવતો છોકરો હતો તે અપેક્ષાની વર્તમાન પરિસ્થિતિ વિશે તાગ મેળવવાનો પ્રયત્ન કરવા લાગ્યો..તે અપેક્ષાને ગુમાવવા નહોતો માંગતો..અને જાણતો પણ હતો કે જો અપેક્ષા ...Read More

"આ ગુલાબના ફૂલોની જેમ જ તમારું બંનેનું જીવન પણ મહેકતું રહે.." અક્ષત અને અર્ચનાએ અપેક્ષા અને ધીમંત શેઠને આશિર્વાદ અપેક્ષાએ પોતાના નાના લાડકા ભત્રીજા રુષિને પ્રેમથી ઉંચકી લીધો અને હ્રદય સોંસરવો ચાંપી લીધો. અક્ષત અને અર્ચના બંનેએ પોતાની માં લક્ષ્મીના ખબર અંતર પૂછ્યા અને માંને ફોન લગાવ્યો..આખોય પરિવાર ખુશખુશાલ હતો અને તેમાં પણ ધીમંત શેઠ અને અપેક્ષા, એ બંને તો વળી ખૂબજ ખુશ હતાં. હવે આગળ.... અક્ષત અને અર્ચના અપેક્ષાને અને ધીમંત શેઠને જોવાલાયક સ્થળોની મુલાકાતે લઈ જતા હતા...અને આમ ત્રણ ચાર દિવસ ક્યાં પસાર થઈ ગયા તેની ખબર પણ ન પડી.. ચાર દિવસ પોતાના ભાઈ અક્ષત અને ભાભી ...Read More

ઈશાનના પરત મળવાથી અપેક્ષા પણ પોતાનો ખોવાઈ ગયેલો પ્રેમ પાછો મળ્યો છે માટે ખૂબ જ ખુશ હતી અને તેને કોઈ પણ ભોગે છોડવા માંગતી નહોતી. થોડી વારમાં લક્ષ્મી બા મંદિરેથી પરત ફર્યા અને તેમણે અપેક્ષાના હાથમાં મોબાઈલ જોયો અને અપેક્ષાને ખૂબજ ખુશ જોઈ... હવે આગળ.... અપેક્ષાને આમ ખૂબજ ખુશ જોઈને લક્ષ્મી બાએ તરતજ પૂછ્યું કે, "કંઈ સારા સમાચાર છે બેટા કે તું આટલી બધી ખુશ દેખાય છે." "ના ના માં એવું કંઈ નથી બસ એમ જ.." અને તે પોતાની માં લક્ષ્મીને વળગી પડી. બે ત્રણ દિવસ શાંતિથી પોતાની માં લક્ષ્મી સાથે રહ્યા પછી તેણે ધીમંત શેઠને પોતાને લેવા માટે ...Read More

ચાર થી પાંચ વખત અપેક્ષાએ ધીમંત શેઠનો મોબાઈલ ફોન લગાવ્યો હતો.. પરંતુ તે સ્વીચ ઓફ જ હતો.. લાલજી અપેક્ષાને નહીં કરવા અને જમવાનું જમી લેવા સમજાવી રહ્યો હતો.. પરંતુ ચિંતામાં મુકાઈ ગયેલી અપેક્ષાના ગળે એકપણ કોળિયો ઉતરે તેમ નહોતો.. લાલજીભાઈને જમવાનું કહીને પોતે જમ્યા વગર જ કંટાળીને પોતાના બેડરૂમમાં ચાલી ગઈ.. અને સૂઈ જવાનો નિરર્થક પ્રયત્ન કરવા લાગી... હવે આગળ.... એ રાત્રે ધીમંત શેઠ દોઢ વાગ્યે ઘરે આવ્યા.. લાલજીભાઈએ જ ઘરનો દરવાજો ખોલ્યો અને ધીમંત શેઠને જણાવ્યું પણ ખરું કે અપેક્ષા મેડમ તમારી રાહ જોઈને જમવાનું જમ્યા વગર જ સૂઈ ગયા છે. ધીમંત શેઠ પણ થાકેલા પાકેલા અપેક્ષાની બાજુમાં ...Read More

ધીમંત શેઠના યુએસએમાં બિઝનેસ શરૂ કરવાના નિર્ણયથી અપેક્ષા ચિંતામાં સરી પડી હતી અને ચિંતા જીવતા માણસની ચિતા સમાન છે... વિચારી રહી હતી કે, હું ઈશાનને સેટલ કરીને આવી છું અને હવે તેનાથી દૂર રહેવા ઈચ્છું છું અને મારું તકદીર મને તેની પાસે..તેની નજીક શું કામ લઈ જાય છે?? હે ભગવાન...!! અને તેણે એક ઉંડો નિસાસો નાંખ્યો... પછી તેને થયું કે.... આ ડીલ જ હું કેન્સલ કરાવી દઉં તો..?? હવે આગળ.... અપેક્ષાએ યુએસએ ની આ ડીલ કેન્સલ કરવા માટેના ખૂબ પ્રયત્નો કર્યા પરંતુ ધીમંત શેઠ તે બરાબર પાકું કરીને આવ્યા હતા હવે તેમાં કોઈ ફેરફાર થાય તેમ નહોતો.... એક અઠવાડિયું ...Read More

ઓફિસનું બધું કામ ગોઠવાઈ ગયું હતું એટલે અપેક્ષા હવે ઈન્ડિયા પરત ફરવાનું વિચારી રહી હતી..એ દિવસે રાત્રે તેને થયું આટલે બધે દૂર આવી છું..ફરી ક્યારે અહીં આવવાનું થાય કંઈ નક્કી પણ નથી તો શું કરું ઈશાનને એકવાર મળી આવું..??અને થાકેલી હોવા છતાં તેની ઉંઘ હરામ થઈ ગઈ અને તે ઈશાનના વિચારોમાં ખોવાઈ ગઈ...ઈશાનને મળવા જવું કે ન જવું?વિચારોના વમળમાં ખોવાયેલી તેને ક્યારે ઉંઘ આવી ગઈ તેની તેને પણ ખબર ન પડી..રૂટિન મુજબ સવારે તે ઓફિસ જવા માટે નીકળી ગઈ અને બપોરે તેણે પોતાની ભાભી અર્ચનાને ફોન કર્યો કે, છેક અહીંયા સુધી આવી છું તો ઈચ્છા છે કે સ્વામી શ્રી ...Read More

અમદાવાદ તરફ રવાના થવા અપેક્ષાએ પોતાનું ફ્લાઈટ પકડી લીધું..તે વિચારી રહી હતી કે સમય મારી સાથે કેવો ખેલ ખેલી છે..આ દિવસ તેની જિંદગીનો યાદગાર દિવસ હતો..ધીમંત શેઠ તેની રાહ જોતાં એરપોર્ટ ઉપર ઉભા હતા...હવે આગળ...અપેક્ષા નીચે ઉતરતાં જ પોતાના ધીમંતને વળગી પડી અને તેની આંખમાંથી ગરમ ગરમ અશ્રુ ધીમંતના હાથ ઉપર સરી પડ્યા જેણે ધીમંતને લાગણીસભર બનાવી દીધો."માય ડિયર અપુ.." ધીમંતે પોતાની અપેક્ષાને પોતાના આલિંગનમાં લઈ લીધી..અપેક્ષાના આંસુ પાછળના રાઝથી તે અજાણ હતાં પરંતુ તે એવું જાણતાં હતાં કે અપેક્ષા ખૂબજ નાજુક દિલની વ્યક્તિ છે જે ક્યારે પણ ડિપ્રેશન માં સરી પડે તેમ છે.તેમને થયું કે અપેક્ષા પોતાના વગર ...Read More

અપેક્ષા સરવારથી ઉઠી ત્યારથી જ તેને ચક્કર આવતાં હતાં અને વોમિટીંગ થતું હતું. ધીમંત શેઠ તેને પોતાના ફેમિલી ડોક્ટર લઈ ગયા. ફેમિલી ડોક્ટરે અપેક્ષાને લેડી ડોક્ટર પાસે લઈ જવા સૂચના આપી. લેડી ડોક્ટર સુધાબેને અપેક્ષાને ચેક કરીને ખુશીના સમાચાર આપ્યા કે અપેક્ષા માં બનવાની છે‌. હવે આગળ... ધીમંત શેઠ લેડી ડોક્ટર સુધાબેને આપેલા પ્રીસ્ક્રીપ્શન પ્રમાણે દવા લઈ આવ્યા અને અપેક્ષાને ઘરે મૂકવા માટે ગયા. રસ્તામાં ધીમંત શેઠે પોતાની અપેક્ષાનો હાથ પોતાના હાથમાં લીધો અને તેને ચૂમી લીધો અને બોલ્યા કે, "આઈ લવ યુ માય ડિયર તે તો મને બહુ જલ્દીથી બાપ બનાવી દીધો, મને તો કલ્પના શુધ્ધાં નહોતી કે ...Read More

અપેક્ષા મા બનવાની છે‌ તે સમાચાર માત્રથી ધીમંત શેઠના આખાયે બંગલામાં ખુશીની છોળો ઉછળી રહી હતી..બીજે દિવસે સવારે જ શેઠ અપેક્ષાને તેની મા લક્ષ્મી પાસે મૂકી આવ્યા..પરંતુ અપેક્ષાની તબિયત વધારે નરમ થતી જતી હતી..ખૂબજ વોમિટીંગ અને ખોરાક નહીં લઈ શકવાને કારણે તેને ખૂબજ વીકનેસ લાગતી હતી..અને ગ્લુકોઝ ની બોટલ પણ ચઢાવવી પડી હતી..પંદર દિવસ પછી તેને ફરીથી મેડિકલ ચેકઅપ માટે ડૉક્ટર સુધાબેન પાસે લઈ જવી પડી..અને ત્યારે ડૉક્ટર સુધાબેને અપેક્ષાના બધા જ ટેસ્ટ કરાવવા સૂચના આપી..સાંજ સુધીમાં બધાજ ટેસ્ટના રિપોર્ટ આવી ગયા હતા..રિપોર્ટ્સ તો બધા નોર્મલ હતા પરંતુ તેની વીકનેસને કારણે તેને બે ત્રણ દિવસ માટે હોસ્પિટલમાં એડમીટ કરવી ...Read More

અપેક્ષા આજે બેહદ સુંદર લાગી રહી હતી. તેને કોઈની નજર ન લાગે માટે તેની માં લક્ષ્મીએ તેના કાન પાછળ ટપકું કર્યું અને તેના ગળામાં એક કાળો દોરો પણ પહેરાવી દીધો. ખૂબજ ધામધૂમથી ચાલી રહેલી અપેક્ષાની ખોળા ભરતની આ વિધિ બે કલાક બાદ પૂર્ણ થઈ અને પછીથી આવનારા દરેક મહેમાને અપેક્ષાને ખોબલે ખોબલે અભિનંદન અને આશીર્વાદ આપ્યા અને શુભેચ્છાઓ પાઠવી તેમજ સુંદર ભોજન આરોગીને સૌ છૂટાં પડ્યા. અપેક્ષાને તેની માં લક્ષ્મીના ઘરે લઈ જવામાં આવી... એ દિવસે રાત્રે અપેક્ષાના મોબાઈલમાં યુએસએની તેની ઓફિસમાંથી ફોન આવ્યો કે જે કંપની સાથે તેની ડીલ ચાલી રહી છે તેનો એગ્રીમેન્ટનો સમયગાળો પૂરો થયો છે ...Read More

ઈશાન સાથે વિતાવેલા એ યાદગાર દિવસો તરી આવ્યા.. કેટલી ખુશ હતી તે ઈશાન સાથે.. અને તેના જીવનમાં એક જ આવ્યું અને બધું જ છીનવાઈ ગયું.. તે વિચારી રહી હતી કે, એ મારું પાસ્ટ છે.. તેને ભૂલી જવામાં જ મજા છે.. તો પછી ઈશાન..હે ભગવાન.. ઈશાન ફરીથી મારા જીવનમાં શું કામ આવ્યો..? અને ફરીથી મેં પત્ની તરીકેનો સંબંધ તેની સાથે શું કામ બાંધ્યો..? પણ શું કરું તે મારો પતિ તો છે જ ને? તેનો પૂરેપૂરો હક છે મારી ઉપર.. અને તો પછી આ બાળક... તે પોતાના પેટ ઉપર પ્રેમથી હાથ ફેરવવા લાગી.. કદાચ આ બાળક ઈશાનનું તો નથી ને? મારે ...Read More

આ વખતે હું સ્વસ્થ રહીને બધું જ એનું નાટક જોયા કરીશ અને ખૂબજ હોંશિયારી પૂર્વક તેણે સોંપેલો રોલ નિભાવીને બતાવીશ... અપેક્ષાએ ફરીથી પોતાના પેટ ઉપર હાથ ફેરવ્યો અને પોતાના બાળકને વ્હાલ કરતી હોય તેમ બોલી કે, "સૂઈ જા બેટા, આપણે સવારે વહેલા ઉઠવાનું છે.." અને પોતાની કૂખમાં રહેલા બાળકને પોતાની પ્રેમભરી આગોશમાં લઈને તે મીઠી નિંદર રાણીને માણવા લાગી.... હવે આગળ.... "જય સદ્દગુરૂ સ્વામી પ્રભુ, જય સદ્દગુરૂ સ્વામી.. સહજાનંદ દયાળુ, સહજાનંદ દયાળુ, બળવંત બહુનામી પ્રભુ જય સદ્દગુરૂ સ્વામી...." લક્ષ્મીની સવાર રોજ આમજ પડતી. તમે ઘડિયાળ પણ મેળવી શકો એટલી નિયમિતતાથી સવારે 6.00 વાગે લક્ષ્મીના અવાજમાં પ્રભુની પ્રાર્થનાના સૂર રેલાઈ ...Read More

ધીમંત શેઠ અને અપેક્ષાની નજર એક થતાં જ બંનેની આંખમાંથી એકબીજા પ્રત્યેની ખુશી અને પ્રેમ છલકાઈ આવ્યા.અપેક્ષાએ ધીમંતને યુ એ ની ઓફિસના એગ્રીમેન્ટની વાત જણાવી અને તે ત્યાં જઈ આવે તેમ પણ જણાવ્યું...યુ એસ એ જવાની વાત આવતાં જ ધીમંત શેઠનો મૂડ ઓફ થઈ ગયો તે અપેક્ષાને આ હાલતમાં છોડીને પોતે યુ એસ એ જવા માંગતા નહોતા...પરંતુ અપેક્ષાએ એટલી બધી મહેનત કરીને ત્યાં પોતાનો બિઝનેસ જમાવ્યો હતો અને જો ધીમંત શેઠ ત્યાં ન જાય તો બધું વેરવિખેર થઈ જાય અને પોતાની બધી જ મહેનત ઉપર પાણી ફરી વળે એટલે અપેક્ષાએ ફાઈનલી પોતાનું ધાર્યું જ કર્યું તેની ડાહી સમજણભરી વાતોથી ...Read More

ડૉક્ટર સુધાબેનનો પૂરો પ્રયત્ન હતો કે અધૂરા મહિને બાળક ન આવી જાય... છતાં તેમણે એ બાબતે ધીમંત શેઠને પોતાની બોલાવીને તેમનું ધ્યાન દોર્યું હતું અને પોતે પણ આ બાબતે સતર્ક હતા... લક્ષ્મી બા તેમજ ધીમંત શેઠ થોડા ઢીલા પડી ગયા હતા... પરંતુ ડૉક્ટર સુધા બેને તેમને હિંમત આપી હતી અને તે બોલ્યા હતા કે, "આવા કેસમાં દવા કરતાં દૂઆ વધારે કામ લાગે છે.." ધીમંત શેઠ પોતે અપેક્ષા સાથે જે મંદિરમાં દરરોજ શિવને જળ ચઢાવવા જતા હતા ત્યાં પહોંચી ગયા હતા અને જ્યાં સુધી અપેક્ષા સારી રીતે છૂટી ન થાય અને બાળકને જન્મ ન આપી દે ત્યાં સુધી તેમણે દરેક ...Read More

ધીમંત શેઠ અપેક્ષાની બાજુમાં જઈને બેઠા.. તેનો હાથ પોતાના હાથમાં લીધો અને ખૂબજ પ્રેમથી ચૂમી લીધો અને તેની આંખોમાં પરોવીને તેને કહેવા લાગ્યા કે, "થેન્ક યુ વેરી મચ માય ડિયર તે મને આજે મારા જીવનની સૌથી શ્રેષ્ઠ એક ભેટ આપી છે... મને એક સુંદર દિકરો આપ્યો છે... મને તો આ બધું એક સ્વપ્ન જેવું લાગે છે..." બંનેના ચહેરા ઉપર અનહદ ખુશી અને સંતોષ છલકાઈ રહ્યા હતા... અપેક્ષા પણ દબાયેલા અવાજે બોલી કે, "મને પણ આ બધું એક સ્વપ્ન જેવું જ લાગે છે..." બંને એકબીજાની સામે જોઈને મલકાઈ રહ્યા હતા.... અને પછીથી બંનેની નજર એકસાથે પોતાના સંતાન ઉપર સ્થિર થઈ... ...Read More

એ દિવસે અચાનક તેની નજર ટેબલ ઉપર પડેલા એ સમાચાર પત્ર ઉપર સ્થિર થઈ હતી... તે સ્તબ્ધ થઈ ગઈ.... દાઢી વધારેલા માણસનો ફોટો હતો... જે લોહી લુહાણ હાલતમાં જમીન ઉપર ફસડાયેલો પડેલો હતો... તેના હાથમાંથી છાપાનું એ પાનું જમીન ઉપર સરકી પડ્યું.... અપેક્ષાને ચક્કર આવી ગયા... જાણે તેના શરીરમાંથી પણ પ્રાણ પંખેરુ ઉડી ગયા... થોડી વારમાં ધીમંત શેઠ અપેક્ષા પાસે આવી પહોંચ્યા... તેણે ધીમંત શેઠને પૂછ્યું કે, "કેવું છે આપણાં વંશમને તેને જલ્દીથી સારું તો થઈ જશે ને.‌.?" ધીમંત શેઠે હકારમાં માત્ર માથું ધુણાવ્યું... તે કંઈ બોલી શક્યા નહીં... અપેક્ષા નિસ્તેજ અને નિષ્પ્રાણ થઈને પોતાની પથારીમાં પડી રહી હતી ...Read More

અપેક્ષા મારાથી કંઈ છૂપાવી રહી હોય તેમ મને ઘણાં સમયથી લાગ્યા કરતું હતું...લક્ષ્મી બા અસમંજસમાં મૂકાઈ ગયા હતા...હકીકત શું તે કશું જ સ્પષ્ટ સમજાઈ રહ્યું નથી...પરંતુ હકીકત જો આ હશે તો તેનું પરિણામ ખૂબ ખરાબ આવશે તેનો તેમને અંદાજો હતો..કારણ કે ઈશાન માટેનો અપેક્ષાનો પ્રેમ અનહદ છે તે વાત તે જાણતાં હતાં...એક નર્સ લક્ષ્મી બા પાસે આવીને ઉભી હતી અને જાણે તેમને ઢંઢોળી રહી હતી..."આન્ટી, વંશમને હવે ઘણું સારું છે... તમને ડૉક્ટર સાહેબ અંદર બોલાવે છે..""હા આવી..." કહીને લક્ષ્મી બા ઉભા થયા અને ડૉક્ટર પરેશભાઈની કેબિનમાં પ્રવેશ્યા..."આન્ટી, વંશમને હવે ઘણું સારું છે તે ઓલરાઈટ છે તમે હવે તેને તેની ...Read More

અપેક્ષા ફૂલોની પથારી ઉપર પગ મૂકતાં મૂકતાં હરખભેર પોતાના વ્હાલસોયા વંશમને લઈને પોતાની મા લક્ષ્મીના ઘરમાં પ્રવેશી રહી હતી...આજે લક્ષ્મીને પોતાની દીકરી હવે ખુશ છે તેવો પૂરેપૂરો અહેસાસ થયો અને મનને ખૂબ જ શાંતિ થઈ...આ બાજુ અક્ષતનો વિડિયો કોલ ચાલુ હતો... અક્ષત અને અર્ચના પણ મામા અને મામી બની ગયા તેથી ખૂબ જ ખુશ હતાં...તેમણે તો પોતાના ભાણેજ માટે એક બેગ ભરીને કપડા અને રમકડાં પણ ઈન્ડિયા મોકલાવી દીધા હતા...આખોયે પરિવાર જાણે ખુશીની નદીમાં નાહીને તૃપ્ત થઈ રહ્યો હતો...પરંતુ ધીમંત શેઠના હ્રદયમાં એક વાત શૂળની જેમ ચૂભી રહી હતી...ડોક્ટર પરેશભાઈના એ શબ્દો તેમના કાને અથડાઈ અથડાઈને પાછા વળી રહ્યા ...Read More

ધીમંત શેઠ અપેક્ષાની બાજુમાં જઈને બેઠા અને તેના ખભા ઉપર પોતાનો હાથ મૂક્યો અને તેને ઢંઢોળીને કહેવા લાગ્યા કે, શું થયું કેમ રડી રહી છે અને તું ક્યાં ખોવાઈ ગઈ છે..? હું ક્યારનો..."તે કશું જ ન બોલી શકી.. તેણે ધીમંત શેઠના ખભા ઉપર પોતાનું માથું ઢાળી દીધું અને તે ધ્રુસકે ને ધ્રુસકે રડવા લાગી...તેની આ પરિસ્થિતિ જોઈને ધીમંત શેઠને પણ આંચકો લાગ્યો...અને તે કંઈ સમજી શકે કે કંઈ વિચારે કે કંઈ પણ બોલે તે પહેલા અપેક્ષા તેમને રડતાં રડતાં કહેવા લાગી કે, "ધીમંત મને માફ કરી દેજો.. પ્લીઝ તમે મને માફ કરી દેજો.. મેં તમારાથી એક વાત છૂપાવી છે... ...Read More