આજથી લગભગ દસેક વર્ષ પહેલા હું વિદેશથી MBA નું ભણીને ભારત માં પાછો આવ્યો હતો. મારી આંખોમાં એક સફળ બીઝનેસમેન બનવાનું સ્વપ્ન રમતું હતું. મારા દિમાગમાં એ માટેની અવનવી યોજનાઓ ફીટ કરીને આવ્યો હતો. પપ્પાનો લાખોનો બીઝનેસ મારે કરોડોનો કરવો હતો. એટલે ઇન્ડીયા આવીને ઈતર પ્રવૃતિમાં સમય બરબાદ કરવાને બદલે મે પપ્પાની ઓફીસ જોઈન કરી દીધી. પપ્પાની આગેવાની હેઠળ મેં બિઝનેસની આંટી ઘૂંટીઓ અને દાવ પેચ શીખવા માંડ્યા. પપ્પાએ પણ મારામાં વિશ્વાસ મૂકી ધીમે ધીમે ઓફિસની બાગડોર મારા હાથમાં મૂકી નિશ્ચિંત થવા માંડ્યું. એ હવે ઓફીસના બદલે ઘરે રહીને પોતાનો વાચનનો શોખ પૂરો કરવા લાગ્યા.