સિંહાસન સિરીઝ સિદ્ધાર્થ છાયા Disclaimer: સિંહાસન સિરીઝની તમામ કથાઓ તેમાં દર્શાવેલા સ્થળો અને પાત્રો પૂર્ણપણે કાલ્પનિક ઘટનાઓ પર આધારિત છે અને તેનો ગુજરાત કે ભારતના ઈતિહાસ સાથે કોઈજ સંબંધ નથી.    સિંહાસન સિરીઝ  પ્રથમ અધ્યાય સંઘર્ષ   પ્રકરણ – ૧૩ – નારીશક્તિનો પરિચય     ‘ધનલક્ષ્મીદેવી વિષે તો આપણે બધા જાણીએ જ છીએ ને?’ રાજકરણે તરત એક નજર આખી સભા ઉપર ફેરવી લીધી.  વડીલ સ્ત્રી-પુરુષો ધનલક્ષ્મીદેવીનું નામ અચાનક આવી જવાથી ગૂંચવાયેલા લાગ્યા અને યુવાનો-યુવતિઓ આ બાબતે સંપૂર્ણ અજ્ઞાન ધરાવતા હોય એવું લાગ્યું.  ધૂળીચંદ આ તાલ જોઇને મનોમન સ્મિત કરવા લાગ્યો. તે વિચારી રહ્યો હતો કે રાજકરણે ગામના લોકોને આ એક