બે દિવસ પછી આખરે એ દિવસ આવી જ ગયો જે દિવસે પ્રિશા પોતાના પ્લાનને અંજામ આપવાની હતી. અંશ પિત્ઝા ડિલિવરી બોય બનીને તૈયાર બેઠો હતો. એની બાજુમાં પ્રિશા અને નાયરા ઊભી હતી. જ્યારે આર્યન લેપટોપ વડે કેમેરા હેક કરવાની પૂર્વ તૈયારી કરી રહ્યો હતો. અને એનો સાથ આપતી રીના એની બાજુમાં બેઠી હતી. કેશવ નવીનના બિલ્ડીંગથી થોડે દૂર એક રસ્તે ઊભો હતો. બધા પોતપોતાના પોઝિશન પર ઊભા હતા. ત્યાં જ નવીને નવ વાગ્યાની આસપાસ ફોન દ્વારા એક પિત્ઝા ઓર્ડર કર્યો. પિત્ઝા ઓર્ડરની માહિતી રીનાના ફોનમાં આવી ગઈ હતી કારણ કે રીના એ પહેલા જ નવીનના ફોનને ટેપ કરી રાખ્યો હતો.