બીજા દિવસે સવારે ભોલુ તો વહેલો વહેલો તૈયાર થઇ ગયો અને સૌથી પહેલા શાળાએ પહોચી ગયો. ધીમે ધીમે બધા બાળકો શાળાએ આવવા લાગ્યા અને જેટલા પણ શિક્ષકો આવે તેને ભોલુ પૂછી લેતો કે પેલા સાહેબ આવ્યા કે નહિ. બધા એક જ જવાબ આપતા, થોડી રાહ જો. આવી જશે. છેવટે બપોરે ૧૨.૦૦ વાગ્યે એ સાહેબ આવ્યા અને રીઝલ્ટ જાહેર કર્યું. બધાને ખબર જ હતી કે ભોલુનો જ આવશે. સાહેબે આખરે રીઝલ્ટ જાહેર કર્યું અને ભોલુ સૌથી વધુ માર્કસ સાથે પહેલા નંબરે આવ્યો હતો. તેથી સાહેબે એને રૂ. ૧૦૦૦ નો ચેક અને સાંજે વિજ્ઞાન મેળા માટે દિલ્હી જવા માટે તૈયાર રહેવા જણાવ્યું.