એક નાનકડો દરવાજો જે ખોલતાં જ ' ચીયયયયર....' અવાજ આવ્યો. તેમાંથી એક નાનો હાર કાઢ્યો ને પોતાના ગળામાં પહેર્યો. " મમ્મી હું તૈયાર થઈ ગઈ છું. " યુવાન છોકરી જ્યારે તૈયાર થાય ત્યારે ખૂબ જ સુંદર લાગે..ને તેનો અવાજ પણ મીઠો હોય... " હા , હું પણ. " કહેતાં ઘરને બંધ કર્યું. લાગતું હતું કે તેઓ કોઈક પ્રસંગમાં જતાં હતાં. રીક્ષામાં બેસી બંને વાડીએ પહોંચ્યા. લગ્નમાં મહેમાનોની ભીડ હોય તથા મોટી ઉંમરના વડીલો પોતાના છોકરાં- છોકરીઓ માટે પાત્ર શોધવા જ બેઠાં હોય તેવું લાગે. " હેલો કેમ છો માસી? " પેલીએ નમ્રતાથી પૂછ્યું.