"રાણી દામિની આપે તો આ રાજ્યને સંભાળવાનું છે. આમ હિંમત હારો એ કેમ ચાલશે?" મહેલની બુઢ્ઢી દાસીઓ રડતી દામિનીને આશ્વાસન આપતી હતી. હાં ! આ એ જ દામિની છે જેને પોતાના રૂપ અને કૌવત પર ભારે અભિમાન હતું. એણે પોતાના સ્વયંવરમાં રાજકુમારોને મદિરા પીવડાવેલા ગજરાજ સાથે બાથે ભીડવ્યાં હતા. એ બધા હારીને ઊભા રહ્યા ત્યારે રાજા ખુદ મુંઝાણા કે હવે આ એની પુત્રી કોને પરણશે ?? રાજાને પણ ખબર હતી કે એની રાજકુમારી દિમાગ અને બળમાં શકિતશાળી હતી. દામિનીનો પડ્યો બોલ ઝીલનારો એનો પિતા પણ એના પરાક્રમોથી ક્યારેક નાખુશ રહેતો. કેટકેટલા માંગાનો અસ્વીકાર કરનારી દામિનીની મનની વાત કોઈ કળી શકતું