-: અર્પણ :- પુજ્ય માતા-પિતાને સર્વે પ્રેમી-પંખીડાઓને પ્રિય મિત્રોને મારી કોલેજને મળસકે ૪.૦૦ લોબી, રૂમ નંબર - ૨૦૨, સમરસ હોસ્ટેલ, ઉધના-મગદલ્લા રોડ, સુરત. પિતાએ મોકલેલ પોકેટમનીથી આ વખતે પ્રતિકે વ્હિસ્કી પી લીધી હતી. હોસ્ટેલની લોબીમાં ધૂળ જામી ગઈ હતી. તેના પર પ્રતિક નાઈટટ્રેકમાં આળોટતો હતો. કારણ કે એક દિવસ પહેલા ગલ્સૅ હોસ્ટેલમાં રહેતી અને અર્થશાસ્ત્ર વિભાગમાં અભ્યાસ કરતી અપેક્ષાએ તેના પ્રેમના પ્રસ્તાવને નકારી દીધો હતો. તેમજ બધાની હાજરીમાં તેને ગાળો ભાંડી દીધી હતી. તેથી કેમ્પસમાં ઘણી બદનામી થઈ ગઈ હતી અને ઘણા દિવસોથી વ્હિસ્કી પીધી ન હતી એટલે એક બહાનું મળી ગયું હતું. એક હાથમાં અડધી ભરેલી વ્હિસ્કીની બોટલ નીચે