આદિત્યની બાજુમાં બેઠેલો કદમ ઝડપથી ઊભો થયો અને કમરમાં ખોસેલી રિર્વોલ્વરન ખેંચી કાઢી. ધાંય...ધાંય...ગોળીઓનો અવાજ પડઘા પાડતા ગુંજી ઊઠ્યો અને બાકોરા જેવા ભાગમાંથી નીકળતા બે મહાકાય કરોળિયા ત્યાં જ ઢગલા થઇ ગયા. પ્રલય અને ગોરીલા-માનવ ભયાનક ઝનૂન સાથે લડી રહ્યા હતા. બીજા બે ગોરીલા-માનવ પ્રલય તરફ આગળ વધી રહ્યા હતાં. આગળ વધી રહેલા ગોરીલા-માનવ તરફ નિશાન તાકી કદમે ગોળીબાર કર્યો. ગોળીઓ ગોરીલા-માનવના કપાળમાં ઘૂસી ગઇ. બે-ચાર ક્ષણ તો તે બંને આગળ વધતા રહ્યા પછી અચાનક લથડ્યા અને પાછળની તરફ ઊથલી પડ્યા.