17 એપ્રિલ, 1997ના દિવસે સવારના સાડા દસ વાગ્યે મુંબઈના લોઅર પરેલ વિસ્તારની એક મિલમાં બે યુવાનો પ્રવેશ્યા. મિલનો માલિક આવી ગયો છે કે નહીં એ વિશે એમણે પૂછપરછ કરી. જવાબ નકારમાં મળ્યો એટલે એ યુવાનો મિલના કમ્પાઉન્ડની બહાર નીકળી ગયા. સાડા અગિયાર વાગ્યે મિલમાલિકની કાર આવતી જોઈને એ બંને સાબદા થઈ ગયા. મિલમાં જઈને એમણે ઉદ્યોગપતિને સંદેશો મોકલ્યો કે, ‘મામાએ તમને મળવા મોકલ્યા છે.’ ગુજરાતી મિલમાલિકે તરત જ એમને પોતાની ચેમ્બરમાં બોલાવ્યા. યુવાનો ચેમ્બરમાં આવ્યા એટલે મિલમાલિકે એમની સામે નિસ્તેજ સ્મિત કર્યું, પરંતુ તેમને સ્મિતનો જવાબ સ્મિતથી ન મળ્યો. એ યુવાનોમાંથી એકે કહ્યું, ‘મામાને આપ કો બુલાયા હૈ.’