‘ગવળીના જાની દુશ્મન દાઉદ અને અશ્વિન નાઈકે પોતપોતાની રીતે અરૂણ ગવળીને મારી નાખવા માટે જડબેસલાક તૈયારી કરી લીધી, પણ અરૂણ ગવળી વધુ એક વાર ચાલાક પુરવાર થયો. એણે મુંબઈ આવવા માટે નાગપુરથી ફલાઈટની ટિકિટ બુક કરાવીને નાઈક અને દાઉદ ગેંગને ઉલ્લુ બનાવ્યા. નાગપુરથી એ છૂપી રીતે મહારાષ્ટ્રના જુદા જુદા શહેરોમાં થઈને મુંબઈ પહોંચી ગયો. ગવળીને મુંબઈ લાવવા માટે એના શાર્પ શૂટરો અડધો ડઝન કારમાં નાગપુર પહોંચી ગયા હતા. ગવળી સહીસલામત દગજી ચાલમાં પહોંચી ગયો અને દાઉદ ગેંગ તથા નાઈક ગેંગના શૂટર્સ હાથ ઘસતા રહી ગયા.