શિવમ હવે રાજકોટ રહેવાનો હતો. તેને પોતાની રેલ્વેમાં મળેલી નવી નોકરી માટે રાજકોટ રહેવાનું હતું. તે પોતાના જ રાજકોટમાં આવેલા ફ્લેટ પર રહેવાનો હતો. રહેવાની વ્યવસ્થાનો કોઈ પ્રશ્ન ન હતો પણ શિવમ ઘરનું જ જમવાનું પસંદ કરતો અને તેને રસોઈ પણ બનાવતા આવડતું હોવાથી તેને મોલમાં જઈ ઘર માટે થોડી ખરીદી કરવાનો વિચાર કર્યો. ત્યારે જ બરાબર રાહીનો ફોન આવતા શિવમે રાહીને પોતાની સાથે ખરીદી કરવા આવવા માટે કહ્યું. રાહી શિવમની જરૂરિયાતને ધ્યાનમાં રાખીને તેની સાથે જવા માટે તૈયાર થઈ ગઈ. આમ પણ રાહીને શિવમનો સાથ ગમતો હતો પણ તે આ વાત હજુ સુધી જાણી શકી નહોતી.