આર્થર રોડ જેલના કમ્પાઉન્ડમાં જોયેલી એ સુંદર યુવતીને મળવાની સમદની ઉત્કંઠા વધી ગઈ હતી. એ યુવતી પહેલી જ નજરે એની આંખોમાં વસી ગઈ હતી. જેલરે એ યુવતીની કરમકુંડળી કહ્યા પછી તો સમદને એ યુવતીમાં વધુ રસ જાગ્યો હતો. એ છોકરીનું નામ શિલ્પા ઝવેરી હતું. એ અત્યંત રૂપાળી અને આકર્ષક યુવતી એક સમયના શિવસેના લીડર બંડુ શિંગારેને મુંબઈની મેટ્રોપોલીટન કોર્ટમાંથી પોલીસની હિરાસતમાંથી ભગાવી ગઈ હતી. એ ગુના હેઠળ એની ધરપકડ થઈ હતી અને એને આર્થર રોડ જેલમાં પુરાવું પડ્યું હતું.