"ચલો, ચલો, બેઉ બ્રેકફાસ્ટ માટે આવી જાઓ !!" માર્ગીએ ડાઈનીંગ ટેબલ પર નાસ્તો અને ચા સર્વ કરતાં કરતાં સાદ પાડ્યો. "ચલો કિયાન !!" એક હળવું સ્મિત માર્ગી તરફ ફેંકી મેં કિયાન પાસેથી પ્લૅસ્ટેશન લીધું, "ચલો બ્રેકફાસ્ટ કરી લઈએ !" "હં, ઑકે ચલો !!" કિયાન એવા તોફાની બારકસોમાંથી ન્હોતો જેને કોઈ પણ ડિવાઇસ એક વખત આપીએ પછી પાછું લેવામાં પરસેવા છૂટી જાય. એક વખત કહીએ એટલે તરત જ એ કામ થઈ જ ગયું હોય ! "આજે તો ઍસે કોમ્પિટિશન છે અમારે !!" નાનકડો મગ હોઠે અડાડતાં એ બોલ્યો. "સબ્જેક્ટ શો છે ?!" મેં તો અમસ્તું જ પૂછ્યું. "મમ્મી પપ્પા !!" એના