દુનિયા ખાલી ચર્ચમાં નથી ચાલતી, ચર્ચની બહાર પણ એક દુનિયા છે જે ક્રૂર છે. જ્યાં લડવું પડે છે, જ્યાં ઘસડાવું પડે છે, જ્યાં ઢસરડા છે, જીવવા માટે પૈસા જોઈએ પૈસા, ટકી રહેવા માટે ઝઝૂમવું પડે છે એ કોણ શીખવાડશે? માં-બાપના મનમાં એટલી નક્કર રીતે ઘુસાડેલું છે કે “ઓ વૈતરું કરનારા તથા ભારથી લદાયેલા તમે મારી પાસે આવો અને હું તમને વિસામો આપીશ” એટલે એ લોકો પોતાના બાળકોને વૈતરું કરવા અને ભાર ઊંચકવા દેવા જ નથી માંગતા. પોતાના જુવાનોનો જે જુવાનીમાં જ વીસામા(અમારા કબ્રસ્તાનનું નામ “વિસામો” છે)ની ટેવ પાડી ચર્ચોને માલદાર બનાવાની પેરવી થઇ રહી છે.